عندي مشكلة كبيرة .. سددت رسومي وسجل موادي والحين كاتبين اني غير مسجـل

[المحروم..@]

السلام عليكم

عندي مشكلة كبيرة .. وتكفون دلوني وساعدوني وش اسوي ؟؟؟؟

انا قصتي اني دفعت الرسوم قبل اسبوعين واضفت خمس مواد .. وكان الوضع حلو طلع لي جدول وكذا
اليوم قررت احذف مادة

دخلت لم أجد الجدول ؟وجتني العبارة هذه انت غير مسـجل علماً اني سجلت موادي وسددت رسومي

وعندي الأيصال .. وفي تقرير التسديدات بالأودس ( مبين عندهم اني سجلت )

دخلت بالسجل التاريخي الموجود بالأودس .. طلع لي جدولي ومكتوب عند كل مادة اعتذار ؟؟؟ وبتاريخ 9 ابريل .. معقول انهم حطوني معتذر ولا مخربطين ولا وش يا جماعة علماً اني متأكد اني ما اعتذرت وربي ما اعرف مكانها اصلاً

يجيني اذا جيت اضيف مادة .. اني غير مسجل

يجيني عند حالة الطالب .. اني غير مسجل ؟؟

وش السـالفة يا حبايبي

ولكن ما ادري وش صاير يا جماعة !!

دقيت عليهم لين خلص شحني ...

ارسلت رسائل

ما تركت طريقة

للأسف مافيه احد حولي

والمشكلة أني ما أقدر اروح للجامعة لأني بالرياض

وعندي مدير .. .. والله لو أموت ما يطلعني بكرة واجي جدة

وش اسوي

ليش مسوييين فيني كذا

المشكلة دخلت على التسجيل التاريخي

لقيت كاتبين عند موادي ان حالتي معتذر عنها

والله شيء يفقع المرارة


تكفون اي واحد بجدة وبيروح بكرة الجامعة .. وبيراجع ويقدر يساعدني لا ينساني وربي له الدعاء
وابشر باللي يبيه

تكفون ساعدوني لا تنسوني

[عماد آل نصير]

ربي يعينك يا اخوي مالك غير تروح هذا احسن حل كلف على نفسك ومنها سير على الدكاتره يمكن تستفيد بشي بعد

[المحروم..@]

للاسف لااستطيع

[سما العز]

رفع الموضوع للاهميه

[Othman]

ارسللي رقمك الجامعي على الخاص

[Othman]

حالتك الدراسية "معتذر"

[المحروم..@]

اقسم بالله اني لم اعتذر

اذا تقدر تشوف معاملاتي الاكترونية تأكد من نفسـك

تكفا رد علي بالخـاص .. ارجوك ودق على جوالي اذا تقدر اررجوك

ارجوك ساعدني

[انجلينا]

الله ييسر ويسهل أمرك ،،

[Othman]

تم الرد على الخاص .. بالتوفيق ،،

[المحروم..@]

اشكرك واشكر مساعدتك لي ووقوفك جانبي .. الله يوفقك ويرعاك

الله يرفع قدرك ويرزقك من حيث لا تحتسب