نظام جآمعتنا بيجنني ..!!

[solaaa]

السلام عليكم ..

كيفكم بنات ..؟

مو قبل فتره الأمن عملولنا قلق انو مانخش الا من بوابة شمالية 1

انا ماكان يفرق معايا الموضوع لأن البوابة دي هيا الي اخش منها المهم

اليوم رحت وانا داخله محد كلمني بس وانا طالعة مسكتني الأمن وقالتلي

من بكره بوابتكم يا الإنتساب غربية 2 سألتها ايش السبب ..؟

تقول بس كدا وخلاص من بكره منتي طالعه من هنا

نفسي افهم ليه بيعاملونا المعاملة دي وايش الفرق بيننا وبين الأنتظام مو احنا طالبات زينا زيهم

ويحقلنا نتعامل بأسلوب راقي ..!؟

وكمان ايش الفرق بين غربيه وشماليه كل وحده والبوابه القريبه لبيتها والله تعبونا اااااااه منهم

ومن تقلبات قراراتهم فقعولي قلبي

[سموو الروح]

اي والله وانتي صاادقه عقدوونا حسبي الله عليهم
بالنهايه كلها بواباات مدري ايش يحسوون فيه انهم مانعيننا من الدخول من باقي البوابات

[اميرة جده*]

امااااااا


اشوفهم ماخذينها لعبه ولا شلوون

ماعندهم سالفه وربي

[solaaa]

شوفتوا كيف :(

ماندري متى بتنتهي دي المهزلة اللي معيشينا عليها من بداية الترم

ربنا العالم ايش بتكون قراراتهم للسنة الجاية يمكن مانخش الجامعة الا عن طريق

طيارات ترمينا لجوا ممنوع ندخل من البوابات اووووووف قرفت

[Brilliant Shores]

وعليكم السسلام ورحمة الله وبركاته ..~

والله يا سولا بعض موظفات الأمن الله يصلحهم أسلوبهم جدا سيء في التعامل


بس غريبة كمان تعاملهم هذا روحوا كلموا الشؤون لأنه مرات من راسهم بيتصرفوا

روحوا مجموعة واشتكوهم لاتسكتوا لهم مايصير اللي هما بيسووه شكلهم يتفقوا

يخلوكم تدخلوا من بوابة وحدة عشان يخففوا الضغط على البوابة الثانية

مانقول إلا الله يصلح الحال ويعين ..~

.
.

[كيميائية العام]

يبغو يضبطو الامن علشان لا يتلخبطو بنات الانتساب والانتظام في الدخول والخروج وعلشان يعرفكو على بوابات الجامعة

[solaaa]

^^

ههههههههه ضحكتيني وانا مافيا ضحك

[Brilliant Shores]

^

^

اضحكي ياعسسل ياجعل الضحكة ماتفارق محياك ..~



.
.

[حلا*و*غلا]

يمكن متخوفين لا يكون فيكم مرض معدي
الله يصبرنا عليهم ونتخرج على خير

[فتاة اقرأ]

الله يعينكم بس حتى احنا النتظام موخالصين

كل ما طفشوا من خطة عملوا اللي اخس منها ..