بطاقتي الجامعيه .. ضايعه

[المحتشمة]

مرحبا بنات..

شالحل ضيعت بطاقتي حللت غرفتي مالقيتها
الحين لازم صوره لي لاني الحين بلمدينه وبمشي العصر
مامداني اصور ودي تدلوني ع اماكن تصوير بشارع فلسطين
هذا اذ لحقت ووش مطلوب مني بعد.. والله حوسه الوقت
مايسعفني وبكرا اختباري س4 مدري متا اوصل ع مالقى شقه
... ياليت تفيدوني وش مطلوب غير صوره وانا بعد باخذ جوازي
علشان الصوره الله يبلشهم هم وبطاقتهم

[صعب تمتلكني]

صورة لك اهم شي والهوية لو روحتي بدون صورة م يطلعولك بطاقة
وع حسب كلام البنات ياخدو منك 50
الله يسهلك ولو تتصوري بالمدينة احسن

[محمد ابو راشد]

صباح الخير ولو اني جيت لمجلس حريم (( ووووو )) بس احب اساعد فيه محل تصوير بشارع فلسطين ابي اوصفه لك لما تخلي فندق الماريوت على يمينك يعني يكون اتجاهك لطريق مكه وتكوني ماسكه طريق الخدمه طبعا اول لفه بعد شقق درة الاندلس ادخلي يمين تشوفي مسجد 500 متر بس تلقي محل تصوير هو يكون وسط سوق اعتقد اسم السوق سوق بني مالك عند المسجد اسالي وتلقي اللي يجاوبك إن شاء الله تخلصي امورك وربي يوفقك ويوفق جميع مسلم تحياتي

[المحتشمة]

يعطيكم العاااافيه والله يجزاكم خير ماقصرت بو راشد ع الوصف الواضح
ودي اتصور بس احنا ماشين قبل العصر تعرفي
ع مانوصل ونحصل شقه تعرغي مو بالساهل نلقاها
الله يعين والله انها هم لو عندي صور مااهتميت كذا
اروح بدري واخلص بس اللي ماعندي وقت له التصوير
>> انا كثرت كلام الله يسهل بس

[ثامر البراق]

عادي أختي لو ما مداك اليوم الايام الجايه

تقدري تدخلي الاختبار بأي بطاقه أخرى ككرت العائله أو بطاقه شخصيه إذا معاك

وبعدها تروحي تطلعي بدل فاقد بمبلغ 50 ريال

[الله كريم الله]

وليش مستعجله على التصوير

خلصي الاختبارات بعدين طلعي بدل فاقد

اهم شي يكون معك هويتك

وتعبين ورقه فيها اسمك ورقم الجامعي

وبعد الاختبار توقعها لك استاذه الماده او احد المراقبات وترجعينها للبوابه وقت الخروج

[المحتشمة]

مشكورين كل من رد علي. والله يجزاكم خير
هذا العشم فيكم اعضا سكاو...:)


بس ابشررررركم لقيتها وانا ارتب شنطة السفر
لقيت جواها محفظه ناسيتها ولقيت البطاقه فيها

[آحوإل]

طيب يأخوآت حتى انا ضايعه بطاقتي

لأزمم علشان استخرج بدل فاقد اروح بدري قبل 2 الظهر ..

[ashehre]

يابنتي ان بطاقتي لها اربع سنين ضايعه وادخل الاختبار بالبطاقه الاحوال دادمك بنت جيبي كرت العايله او مايثبت وبس