الاقتصاد الجزئي.. وياقلب لا تحزن ...والترم الصيفي..؟

[خالد الخالدي1]

السلام عليكم ورحمة الله وبركاته

أعضاء هذا المنتدى الغالي تعلمون الضربة القاضيه التي ضربتني هذا السمستر

بخصوص الاقتصاد الجزئي

على هذا الرابط

http://www.skaau.com/vb/showthread.php?t=583269

ويعلم الله أنها كانت خيرة فيما أختاره الله لعل مافي الامر شي أجهله والحمد لله على كل حال

وأشكركم جميع الشكر كل من شاركني موضوعي فوالله دعواتكم ووقفاتكم معي هونت علي الشي الكثير

وزادتني اصرارآ للترم الصيفي ان شاء الله في حالة نزلوها صيفي؟ لكن ما أتحمل انها ماتنزل صيفي ....

أشكركم من أعماق قلبي...

فمن لديه أي معلومات عن المادة فل يرفقها مشكورآ من ملخصات + أسئلة الخ...

---

دكتور علمني عن الحل وشفيه
عساك شخصت المرض والمضره
دكتور ماضني علاجك يداويه
لا ولا ينفع علاجك لقلبــي بمـــره
قلبي بلاه اللي لياحــل طاريه
يفــــــز قلبــي لا تذكـــــر وفــــره
الاقتصاد اللي بالغلا حيل مغليه
وقدره علي بين السمــاء والمجره
ياحظ من ضمه على الصدر بيديه
وعقب المعانق جر بالصوت جره
جرت ونين اللي مكسرتن يديـــه
سبـه ردين عــره الله يعـــــــــره
والخيل قفت وأحمر الدم كاسيـــه
ويبكيه عودن جيــب ثوبــه يقره
ويبكيه من هو تالي الليل تدعيــه
ويبكيه من يونس على الكبد حره
دكتور ماظني علاجك يداويـــه
لا ولا ينفع علاجك لقلبــي بمـــره

[أبو عتب]

صح لسانك يالخالدي واسال الله ان يوفقك ووتتخرج

[gardenia]

مسآء الخيـــرآت ~

أُحييك أخوي خآلد على عزيمتك وإصرآرك وثقتك الكبيرهـ بالله وبنفسك ~

إنت قدهآ وإنشآلله بتعديهآ على خير وتفرح بالتخرج ..

الله يفرج همك وييسرلك أمرك إنت وأخونآ أبو شآدن ~

[supervisor yanbu]

أخوي خالد
شــد حيلك ولا تخلي أي درب للمحبطين
هذا دكتور مريض

ويجي يوم الله يأخذ بحقنا أجمعيــن

[Armani]

اخوي المشكلة ليست في مادة الإقتصاد الجزئي econ 101 !
بالعكس المادة تعتبر بيسك ومحتواها بسيط بالمقارنة مع المواد المتقدمة
مثل محاسبة 2 ، الإدارة الإنتاجية ، بحوث العمليات ..

لكن المشكلة الحقيقة تنحصر في دكتور المادة الي هو (عبدالعزيز محمد علي دياب)
هذا الدكتور معروف بخسفه وفغصه لدرجات الطلاب ، وفي التصحيح ما يساعد أحد !

أنا اختبرت المادة وكنت متوقع درجه لا تقل عن 85 وتفاجئت بـ 62 !!!

نصيحة ركز على حل المسائل الموجودة في نهاية الكتاب والي تخص كل فصل

ويجب وضروري ان تراجع الدكتور المذكور وتوضح له وضعك بكل صراحة ..

والله يعوضك خير ويوفقك ،،،

[عدنان ابوهاشم]

الله يوفقك اخوي خالد صراحه ما تستاهل اللي حصل لك اتمني لك التوفيق باعلى الدرجات

وعسي ان يكون خير لك.
لو كشف لك غطاء الغيب لما اخترت الا الواقع

اتمني لك الناجح الدائم في حياتك

[شموخ الوايلي]

ابو مشاري هونها وتهون يالغالي
صح لسانك يابطل
لو تبي اختبر عنك افزعلك
انا اختبرت عن واحد من الشباب محاسبة 2 تخيل الرجل 5مرات يحملها وربي ضاق صدرة وقرر يترك الجامعة ونفسيتة تعبت والسبب المادة لانها كانت الوحيدة لة في التخرج واقفة لة شوكة في التخرج
قلت لة تعال ياارجل ودخلت عنة واختبرت وعدينا وتخرج يارجل الحياة اخذ وعطاء بس تحتاج شوية صبر وفن فقط وكل شي يهون وجامعتنا تراها معندك احد وسع صدرك *ضايعة الطاسة *
العقبال نفرح فيك ابو مشاااري

[ناصر الرويلي]

لعل في الامر خيره اخ خالد وإن شاء الله ربي يعوضك عنها في الترم الصيفي
ربي يكتب لنا ولكم التوفيق والسداد

[ناصر الرويلي]

المشاركة الأصلية كتبت بواسطة شموخ الوايلي ابو مشاري هونها وتهون يالغالي صح لسانك يابطل لو تبي اختبر عنك افزعلك انا اختبرت عن واحد من الشباب محاسبة 2 تخيل الرجل 5مرات يحملها وربي ضاق صدرة وقرر يترك الجامعة ونفسيتة تعبت والسبب المادة لانها كانت الوحيدة لة في التخرج واقفة لة شوكة في التخرج قلت لة تعال ياارجل ودخلت عنة واختبرت وعدينا وتخرج يارجل الحياة اخذ وعطاء بس تحتاج شوية صبر وفن فقط وكل شي يهون وجامعتنا تراها معندك احد وسع صدرك *ضايعة الطاسة * العقبال نفرح فيك ابو مشاااري

ويييييني عنك يارجال لو عارف انك مختبر المحاسبة كان لزقت وراك حتى لحام حديد مايفكني منك كان افتكينا من المادة الغثيثية وربي الوضع عندي مثل وضع خووويك حملتها عدة مرات والمادة هذي واقفه لي شوكة بالحلق ماقدرت افتك منها ولكن إن شاء الله نخلصها بالصيفي

[d7om_1]

ابو مشاري ... أنت في مسيرتك الجامعية مثل الجبل ... وستبقى مثل الجبل مهما تعثرت في ماده
فإلى الأمام يا صاحبي ... وأن شاء الله كلها أيام ونفرح لتخرجك