هل تتزوج فتاة أحببتها من قبل؟؟؟؟

[dr_love]

بصراحة الموضوع دا في بالي من فترة
لو انك اتعرفت على بنت بغض النظر عن الطريقة " شات ، ترقيم ، بحر ، ... ،الخ"
واحببتها وحبتك وحسيت انها فتاة أحلامك وعرفت انها متربية وبنت ناس ووثقت فيها ووثقت فيك
هل تفكر انك تطلب من أهلك انهم يخطبوها لك؟؟؟
السؤال الثاني:
ايش تعمل لو أهلك رفضوها رغم انك متعلق فيها وعارفين بعض من سنين أو شهور بلاش سنين
ملاحظة: لايمنع مشاركة الجنس اللطيف

[dr_love]

نسيت أضيف بهارات :)
لو انت حجازي وهي نجدية أو العكس وأهلك عشان دا السبب عالأقل رفضو إيش حتعمل

يلا ورونا اجاباتكم :)

[الاهلاوي]

بسم الله الرحمن الرحيم
مشكور على هذا السؤال ومهي مشكلة نجاوب وان كان في شوية احراج
مستحيل اني اتزوج وحدة ما احبها
حسوي الجنان عشان اتزوجها لانه خلاص القلب اتعلق وصعبة القلب يرجع زي ماكان
ولو اهلي مرة مارضيوا
يعتمد ممكن اهلها مايرضوا عشان اهلي وهنا المشكلة الكبيرة
صعبة انك تتزوجها وتفقع ....................
يعني حنكون في عذاب
لكن احاول واحاول واحاول الين ما يتجننوا
واذا اهلها رضيوا قد ما اقدر ما اخليها تحتك بأهلي....... لكن قبل ما اتزوجها احاول افهمهم واقنعهم انو هذي حياتي وهذي البنت ام اولادي
واذا اتقفلت في الوجه ابطل ما اتزوج الين ما اسمع انها اتزوجت

وهذي موقفين صارت معايا
الاول .....كنت في زواج واحد من اصحابنا ووقت العشا جلست مع شباب ما اعرفهم ووقت العشا لازم من الهرج
وكان الموضوع عن الزواج وعلاقة البنت بالولد قبل الزواج
بيقول يعرف واحد ملتزم ......... بعد ما انتهى الزواج رجع العريس مع مرته للبيت
العريس الملتزم مهو عارف ياخذ راحته معاها عارفين ليش
لانه مايعرفها ولا عمرو اتكلم معاها سابها في البيت وراح صلى الفجر
والتاني....... اعرف رجل متزوج و أولاده بقدي
بيقولي انه اول ما اتزوج هوا قرفان منها وهي زي كذا
يعني العشرة مالها طعم
ليش احط نفسي في هذا الموقف
وانا من اول اي شي بدون احب ما اعترف فيه
ممكن واحد او وحدة يقولوا يزوج وحدة يعرفها بمعنى تكون قريبته
من نظري
الايام تغيير الواحد يعني ما حتعرف ايش اتغيير في طبعها بعد ماصرت كبير و صارت تغطي عليك او حتى لو الاهل قالوا طباعها
الشي الي ما اعرف نتيجة بنفسي ما اعترف فيه

واذا في خطا التصحيح

( شباب منتو شايفيين حاجة....... انه الجنس اللطيف بدا يلعب بطريقة هجومية ... خرجوا مدافع ودخلوا مهاجم...... قفلوا وسط الملعب.... لا يجيبوا هدف )
هههههههههههههههههههههههههههههه

تحياتي

[الاهلاوي]

نسيت ارد على البهارات
اذا كان السبب عادات او لهجات
حكتشف انو اهلي عندهم مرض الكره من غير سبب
لاكن مهما يكون لازم اتزوجها وافهمهم واشرحلهم وضعي انه هذي حياتي وانا ومرتي الي حنعيش سوا مو هما

تحياتي
الاهلاوي

[داوود]

والله بصراحة

الهرجة ملخبطة

بغض النظر عن الاسباب العرقية من نجد وحجازي الخ من دي الامور

فهادي ماهي هيا المشكلة

المشكلة تكمن في الشخصين بزاتهم ....................

انا اتوقع انه اي اتنين يحبوا بعض قبل الزواج حينتهي زواجهم بفشل لا قدر الله

ليش لانو هما بدو حياتهم بطريقة مرررة غلط

ومابني على باطل فهو باطل

مسألة علاقة البنت بالولد والنهاية الصحيحة

صدقني حكاية معقدة جدا ....... التلاعب الان اصبح موجود في كل العلاقات ولايوجد اي منها لايخلو من التلاعب ومن الطرفين

يعني البنت المؤدبة صدقني لا تحط في ابلك انها والله كلمتني انا وبس وانا متاكد من اخلاقها وماني عارف ايه

صدقني ممكن انت تكون الاول بس تاكد تماما انك منك بالاخير

وكل ماواحد قرب من وحدة كتير مررة بتصير بينهم شاكل وبتوقف اغلب المرات على مسألة يا تمشية كلام

يا مبدأ وكرامة ودي اللحظة اللي كل واحد منهم راح يدور على مخرج ... وشوية شوية الين تصير الهرجة فـــــــــــلة عالآخر

وللحديث بقية

[الاهلاوي]

[CENTER]

حبيبي il capitanio
عجبني ردك
لاكن انك تكون مرة غبي واي كلمة منها توديك وتجيبك
الشغلة مهي حب وبس
انتا حتنظرلها من كل الجهات قبل ما تتزوجها يافتك
مو تاخذني بكلمتين واصدقها وامشي وراها و انا ارميلها كلمتين وكل واحد يضحك على الثاني
لكن بصراحة الوضع برضو يخوف

[dr_love]

كلام جميل بس طالما في تفاهم والاثنين دارسين وعارفين بعض لاني قلتلكم افترض انك تعرفها من مدة طويلة سنة على سبيل المثال
وانتا اكيد في هذي السنة عرفت كل طبايعها وبتخرج متى ومع مين وكيف نمط حياتها
وانا اعرف ناس متزوجين عن حب وعايشين احلى عيشة وازيدكم من الشعر بيت هي اكبر منه ورغم كده حاسس انه عايش حياة مافي احد عايشها في الزمن دا

ونستنا باقي الاعضاء نشوف ردودهم لاني مستغرب مافي الشاكي ونضال وليدر ومن الضفة الغربية اقصد البوابة الغربية مناكيشو وباقي الاعضاء

وانا منتظر رأي أحد الأعضاء اللي تعجبني ردوده ومواضيعه وآرائه بس ماراح اقول عنه خليه العضو السري

[AbO FahaD]

المشاركة الأصلية كتبت بواسطة داوود والله بصراحة الهرجة ملخبطة بغض النظر عن الاسباب العرقية من نجد وحجازي الخ من دي الامور فهادي ماهي هيا المشكلة المشكلة تكمن في الشخصين بزاتهم .................... انا اتوقع انه اي اتنين يحبوا بعض قبل الزواج حينتهي زواجهم بفشل لا قدر الله ليش لانو هما بدو حياتهم بطريقة مرررة غلط ومابني على باطل فهو باطل مسألة علاقة البنت بالولد والنهاية الصحيحة صدقني حكاية معقدة جدا ....... التلاعب الان اصبح موجود في كل العلاقات ولايوجد اي منها لايخلو من التلاعب ومن الطرفين يعني البنت المؤدبة صدقني لا تحط في ابلك انها والله كلمتني انا وبس وانا متاكد من اخلاقها وماني عارف ايه صدقني ممكن انت تكون الاول بس تاكد تماما انك منك بالاخير وكل ماواحد قرب من وحدة كتير مررة بتصير بينهم شاكل وبتوقف اغلب المرات على مسألة يا تمشية كلام يا مبدأ وكرامة ودي اللحظة اللي كل واحد منهم راح يدور على مخرج ... وشوية شوية الين تصير الهرجة فـــــــــــلة عالآخر وللحديث بقية

ماازيد اي شيء

[rakan]

السلام عليكم


أول شي أحب أقلكم انه مافي شي اسمه حب قبل الزواج ... ودي الأفكار كلها جاءت من الغرب وانتقلت إلينا


يمكن القول ان هناك شي اسمه اعجاب ... أو افتتان ... يعني انك فلانة أعجبتك أو فتنتك


فالحب الحقيقي لا يأتي إلا مع العشرة (يعني بعد الزواج)


وكلما زادت السنين بين الزوج وزوجته ... ازداد حبهما أكثر



الواحد اللي يحس انه حب وحدة له فترة طويلة ... فأظنه دا عايش في عالم تاني ... ولكن خليه يتزوج باللي يحبها ... راح ينقلب الوضع كله ... وكل ماكان يتخيله في عالمه وأفكاره وتخيلاته كلها حتزول ... وحيحس بالندم لأنه تزوجها .. لأنها طلعت غير الصورة اللي في باله ( والكلام دا كلام صحيح ومثبت أيضا عند الغرب نفسهم ولهذا كانت نسبة الطلاق عند الغرب تصل إلى 50%) فمابالك بنحن؟؟؟



أهم شي انه الواحد يسأل عن بنت الحلال وذات الأخلاق ... وبعد كدا يشوفها من ناحية الجمال (الرؤية الشرعية) فذوق المرء يختلف من شخص لشخص


وصدقوني اذا كانت بنت حلال وهو ابن حلال ... راح يعجب بها وحيسعد في حياته



ولكن من ناحية اني أتزوج بنت سبق اني كلمتها بترقيم ونحوه فهذا مستحيل جدا ... مهما بلغ درجة اعجابي بها (اللي تسموه حب)


وهذا رأيي وعذرا على الإطالة

[x_bioc]

داووود انت بتربط الحب قبل الزواج بالفشل في المستقبل لا قدر الله ................. صح


لو عملنا دراسه على الزواجات الي من غير حب

حتلاقي زواجات بتفشل بمجرد حقد النكاح ... وفي زواجات بتفشل بعد ليلة الدخله ..... و في زواجات ما تكمل سنة

و هلما جرا


واغلب اسباب الفشل والطلاق .... بسبب سوء التفاهم بين الزوجين ...

او خيبة الامل في الاختيار ... او عدم الراحه النفسية من الطرف الاخر ..


مع العلم انو لو كان في علاقة حب ووئام قبل الزواج ما كان هناك فشل .... او قلت اسباب الفشل

صدقني ممكن انت تكون الاول بس تاكد تماما انك منك بالاخير

اذا هيا ما اتجرأت تسوي علاقة مع شخص آخر وهيا عند اهلها ....... تبغا تسوي علاقة و هيا مع حبيبها ( بعد الزواج)


لو قارنتها مع الزواج من غير حب ................ حيكون في احتمال للخيانه اكبر اذا كانت ذات البنت علا علاقة سابقة بشخص آخر


محد يعرف ......... كل شي جائز ......




بالنسبة لسؤال د. لوف


لو في علاقة حب صادق .... وكانت من عيلة معروفة بسمعتها الطيبة ....... اتزوجها ليش لا ....


اما عن البهارات انا الي حاتزوج مش اهلي ................. اكيد في اكثر من وسيلة لأقناع الاهل .... مهما كان انا ولدهم و مستحيل يوقفو ضدي

بس بيني و بينك انسى اني اتزوج من برا الحجاز ..........