محتاره علمي ولا اداري

[فوووفا]

اول مره اشارك في المنتدى وان شاء الله مو اخر مره انا احتاج مساعدتكم من جد ومررره محتاره وان شاء الله يكون هذا الموضوع المناسب ..

انا اتخرجت من الثانوي - علمي - وكنت حابه اكمل علمي سنه تحضريه عشان التخصص
بس بصراحه ما لقييت تشجيع من احد :(
كلمت بنت خالتي كانت تدرس السنه التحضيريه السنه اللي فاتت قالت انا تعبت نفسيا منها
وما قدرت اكمل و نقلت جامعه ثانيه :( انا كنت حابه جامعه غير عبدالعزيز بس بابا يبغاني ادرس فيها و عشانه انا دخلت وان شاء الله اتوفق فيها بس ما ادري جاني احباط وصحباتي كلهم يقنعوني ادخل اداري لانه سهل ويقولو في كل الحالات ما في وظيفه ليش نتعب نفسنا وندخل علمي واحنا اصلا ما حنجيب معدل
علما بان صحباتي ذولا معلادتهم ما دخلتهم علمي زي ما كانو يبغون !!

قالو انهم اصلا كانو محتارين يدخلو علمي ولا ادبي والجامعه دخلتهم ادبي

اخاف ادخل علمي و ما اجيب معدل لاني مو شاطره مرره بس يعني ممكن اشد حيلي وكذا

طمنوووني موعدي حق الجامعه قريب ومدري ايش اسسوي والله مرره محتاره

[وعد2012]

اختي دا قرارك وانتي تتخذيه ولا تقللي من قدر نفسك صلي الاستخارة وتوكلي على ربك
بالنسبة لي انا الحمد لله ماواجهت صعوبات في التحضيرية اشوفها تقريبا زي الثانوي
وكانت تجربة ماتنسي
وبالتوفيق

[ططال عمري]

آسسستخيري , و شوفي أيش ميولكك و طموحكك =)
آهم شيء شوفي ميوولكك , و مآعليكك من صحبآتكك ’ آلرزق بـ يد ربنـآ مو بيدهم عشآن يقولون آلبنت تتخرج و مآ تحصل وظيفة !

[S.Bn]

اول شي الاستخارة

بعدين انتي وش تحبي
يعني انتي لمن تذاكري رياضيات و لا عربي في اي مادة تكوني مستمتعة و تحسي انك تمشي فيها و تخلصي مذاكرتها بسرعة >> انا طرحت دا المثال على نفسي اعشق الرياضيات و المواد العلمية ككل

و الله يوفقك انتي اللي تتحددي ميولك مو غيرك
و السنة التحضيرية عسل و روعة بالنسبة لي

انا لمن سجلت
كل اللي حولي ترا دي جامعة مو مدرسة
ترا العلمي يبالو مذاكرة مرررة >> انا كنت لمن ارجع البيت اقرا المحااضرة بفهم و قبل الاختبارات باسبوع اختم المواد

و غيرو من الكلام اللي مالو داعي

و بس دا اللي عندي

[سأهزم المستحيل!]

كنت علمي وانسحبت والحين رجعت سجلت وكل اللي حولي ينصحوني ويهزأوني ويقولوا روحي أدبي بس ح أستخير و حأكمل علمي أن شاءالله:)

[آموـون]

شووفي ححيآتتي ككل شي بيصير لكك سسهل بآذذن اذا شديتي ححيلكك فيهه
آنتي ايشش حآبةة تخصص ايشش ميولكك ايش حآبةة تصيري مستقبلآلآ
اذا والله ميولكك م تقدري توصلي لهآ الآ اذا دخخلتي علمي مث الكليآت الصصحيةة وغغيرهآ ..
ادخخل العلمي واذا ميولكك علم نفسس ادآرةة تربية خآصةة وغيره ادخخلي ادآرري
آنتي استششيري بسس لآ تخلي ابدددآ اححد يدخل في رايكك استخخيري ححبي
وترآ ككثير جآبو خمسةة م شاءء الله كلهه بآجتهآدهمم وتوكلهمم ع الله
الصعوبة في ككل ششي اذا ذآككرنآ وآجتهدنآ ربي بيسسرهآ لننآ
وهذآ رآبطط للبطة نونزز في تجآربب الآعضضآء للعلمي ههنننآ
هذا من آهمم الموآضضيع اللي حمسستني للتحضضيري وآعطتني دآفعع قوي
آقريهآ بروآقق ورربي يككتب لكك اللي فيه الخخير

[فوووفا]

اللله يعطيكم العافيه

انا صليت استخاره و ان شاء الله ربي يكتب اللي في الخيير
انا حابه اتخصص يا في التخصصات الطبيه او الحاسب يعني كلها علمي
بس سمعت كلام صحباتي حسيت ما ابغى ولا شئ :(

[roun,]

..

صحبااتك مالهم هدف لللاسف الشديد ..

ليهه تتأثري منهمم ..؟!

انتي ايش تبغي .. ايش تبغي فوفا تكون مستقبلا ..

ايش الاشياء اللي تحسسي فيها انك تبددعي ..!؟

ميوولك ايش " ميولك و ليس ميول صحباتك .."

تبيغين نصيحتي .. ادخلي كل الكليات اللي موجوده بالمنتدى ددا

اقريها ككلها و اللي تحسسي انو قريب من قلبك وانوو داا ميولك

توكلي ع الله و قرري اللي تبغيهه ..

انا بإذن الله بدخل علمي .. مع انو الدراسه انقلش

و يمكن الا اكيد حتوورط فبالدايه بس عشاان حااطهه هدف ليا حااوصل بإذن الله

و م حااخلي عقبه اللغه تردعني عن طموحي ..!

و كل م تحسي انك حتتعبي " وقت الدراسهه " تخيلي شكلك وانتي محققه طموحك ..

حتوصلي بإذن الله ..

انتي م عليكي بصحببتك ايش تقوول ..هما شغالين بالتحططيم بسس

دامك حتدخلي علمي .. طنششششي لجل ترتااحي


اللي يجيب 5 او 4 ونصص فالعلمي اححسن منك ؟؟!

شدي حيلك صح حتتعبي بس هيا سنه مصيريه و يحلااه التعب بعد م تحسسي

انك بديتي المشوار لطموحك


تككلمت ككثير بس الاهم ان شاء الله انك تستفيدي ..ابدا لا تخلي احد يتخذ قرار عنك

انتي اللي راح تدرسي وانتي اللي راح تتعبي " هماا بس شغلتهم تحططيم ثم تحططيم "


ووبسس والله يوفقك و يسسر اممرك ويكتب اللي فيه الخير لكك ...

[د.راقي جدا]

انا عكسك جبت نسبة عالية في اولى ثانوي ومع كذا صدمت الكل ودخلت ادبي وبعد كذا اداري

ممكن تتخيلي تجريح الناس لي ..3 سنين لا احد ينادين غير بالفاشلة لكن في الأخير اثبت نفسي لأن المسارات ميول ودخلت التخصص الي ابيه

العبرة من الموضوع ان لكل شخص حلم لازم يسير عليه

اذكر العام بنت دخلت علمي وصارت درجاتها في الثمانينات اتأزمت ونقلت اداري على اساس انه عربي واسهل مثل ماقالوا الناس ... وربي كل درجاتها صارت في النازل لدرجة غير متصورة لماذا ؟؟؟ لأنها قسمت هذا سهل وهذا صعب ولم تتبع ميولها

اختاري ماتحبين وليس مايحب الناس :)