Meng102 ???

[bremooo]

السلام عليكم ..

دحين انا بضيف الرسم الهندسي 102 meng

مع اني خلاص تخصصت طيران ..

و هيا المادة الوحيدة إلي باقيتلي ..

و ماهي راضيه تنضاف .. ايش المشكلة ؟ :s

[zelme]

حط الرقم المرجعي حقها في فحة الحذف والاضافة وانتبه من القيود والتعارضات

[bremooo]

شويت زي ما تقولي ..

يجيني كيدا .. ( القيود على مجال الدراسة )

ما ادري ايش قصدهم :s

[dadado]

يجيك كيدا
طيب انا اقلك اش تسوي
واجهنا نفس المشكله فالصيفي
وسوينا كووووول شي عشان نضيف الماده
اول اسبوع كنت اداوم يوميا فالجامعه من الساعه ثمنيه
رحت لموفق و رحت لوكيل الكليه ورحت للقسم حقي رحت لقسم الانتاج ورحت لرئيس القسم وشفت العجب
انا اعطيك الزبد
اول يوم دوام لا تروح الساعه ثمنيه وتستنا يفكو ابواب القسم وحتشوف الزحمه اللي مستنيين عشان يبغو يضيفو الماده وكل واحد يبغا يسبق الثاني
ولا تخترع مشاوير لنفسك وتتعب نفسك عالفاضي
اول يوم روح قبل الضهر لقسمك (لا تروح لموفق ولا لغيرو) قلو ابغا اضيف ماده حيقلك هذي ورقه اكتب الماده اللي تبغاها ورئيس القسم حيشوفها
اعطيهم الورقه وروح بيتك
واحضر للرسم حتى لو ما انضافت الماده قبل اول محاضره
لانهم يبدؤو من اول محاضره
انا ما حضرت اول محاضره ولما انضافت الماده حضرت ثاني محاضره وكان في كويز واخذت فيه صفر ورحت للقسم وحذفت الماده وبلعت العافيه
بس عشان اكون صريح معاك فالصيفي السستم كان عطلان وما اشتغل الا ثاني يوم عند رؤساء الاقسام بس
ورابع يوم عند بقية الموظفين
عشان كذا انا سلمت ورقه لرئيس قسمي
بس لو صلحو العطل حيكون السستم شغال عند الموظفين كلهم
وهما يداومو اول يوم الساعه تسعه
للحيطه روح اول يوم الساعه تسعه لقسمك واكتب ورقة حذف واضافه واعطيها القسم وهما يتصرفو (يضيفوها بنفسهم يجمعوها ويعطوها لرئيس القسم بطريقتهم) وانتا اضرب الباب وروح بيتك
اي مجهود اكثر من كذا مالو فايده ابدا

[Eng.Ashraf]

اللي فوق اش الافلام دي ماشاء الله

[bremooo]

الله الله ،،،

انت شيلت هم كيدا يا دادادو .

يعني من اول يوم في الجامعة هجولة ..

الله يعين بس ..

وو جزاك الله خير ..

وو ان شاء الله تتيسر ..