تمريض عندي سؤال,.؟ الاناتومي

[.Just]

السلام عليكم,,
كترنا اسئله عليكم بس كلو بميزان حسناتكم يارب

اللي بقولوا.. انو هل الاناتومي تبع التمريض كيف؟؟ يعني تشرحوا جثث ولا بس دمي ولالا,,.؟

ياليت تدونا تفاصيل من الناحيه دي,,. وشوكراا

[rory55]

وعليكم السلام
حبيبتي احنا هنا موجودين عشانكم فأي سؤال حابه تعرفي إجابتو أسألي وإن شاء الله إننا نجاوبك عليه
أناتومي التمريض مقسم على محاضرات نظري ومعامل
اللي حتدرسوه في النظري تنزلوا تطبقوه في المشرحة
حتتعلموا اهم العظام والعضلات والاوعية الدموية واشياء ثانية ولازم تحفظوا اسمائها وتذاكروها بعد المحاضرة على طول عشان لمن تنزلوا المعمل يكون سهل عليكم والدكتورات حبوبات وإن شاء الله حيساعدوكم
بالنسبة للجثث تكون جثة إنسان حقيقي محفوظة بالفورمالين وبعض الاحيان يشرحوا على هيكل او مجسمات للتوضيح أكثر
ترى مرة ما يخوف وحيعجبكم وبالتوفيق يارب

[dr-sh0sha]

مادة الاناتومي ماده جميله سواء النظري او العملي حتتعلموا اشياء حلوة عن جسمكم وبالنسبة للعملي سهل وبسيط والدكتورات جدا متعاونين وشرحهم جميل .

بالتووفيق ....

[.Just]

ميــــــــــــــــن قال اني خاايفه

بالعكس مررررررررا متحمسه وعبالي بس دمي بس فرحتيني لما قولتي جثث

طيب كتير نروح المشرحه ولا قليل

[dr-sh0sha]

طيب شيء حلو انك متحمسه ربنايوفقك ..

اظن بس تروحوا مرة بالاسبوع يعني الاناتومي محاضرتين وحده نظري ووحده عملي (اللاب )

[بتولآ]

مافي جثه كاملة كذا .. وصلات مقطعه ومعبينها فورمآلين لين رايح ملامحها خخخ
بس انو تكون واضحة الاشياء اللي تبغى الدكتورة تشرحها وتوريها لكم ..

المادة حلوة ..

[.Just]

اها اها

كنت بتمنا اكششنن بس ياللا راحت عليناا

شوووكرا

[AM00NA]

^^
لا تزعلي فيه اكششن ورعب كمان ^_^
لانه في المشرحة في الدور الارضي فيها جماعه جثث واقفين ><"
لكن الدكتورات يشرحون على البارت المعين اللي اخذناه في المحاضره ماتجيب جثة كامله..