جدول 2013 :)

[shoody4]

صبااح الخيرر ..

كل عام وانتو بخير

رجعت حفله الجداول وحبيت اسالكم عن كم شي

( قانون دستوري ) ، ( جنائي عام ) ، ( عمل تأمينات اجتماعيه ) ، ( اثبات ) ، ( احكام التزام ) ، ( اخلاقيات عمل ) ..

^ تنفع اخدها كلها سوا في ترم واحد وابغى اعرف كل ماده سهله ولا صعبه ومين احسن اساتذه لها وكل شي عنهم ،،

وسلامتكم

[Sulaf Almaz]

السلام عليك
ح أقولك اللي بأعرفو
قانون دستوري بيكون مع الدكتورة صباح المصري و المادة كتير ممتعة و يبغالها اجتهاد و بحث
جنائي عام
جيد لكن كانت تجربتي سيئة مع الدكتورة ماجدة و كل التقدير لها دكتورة محترمة حقيقة
من الأفضل تبحثي عن دكتورة أخرى لأنها مادة جد مهمة و إحدى زميلاتي اخدتها مع الدكتورة امممم نسيت اسمها
ليندا أظن مدحتها لي
جنائي عام جيد لكن أول بأول لابد تكون المذاكرة
و بالتوفيق ليك
:)
اتمنى اني أفدتك

[البرنس11]

الاحكام وقانون العمل الاصعب شدي حيلك فيهم
والباقي من وجهه نظري سهله بالتوفيق لكي ولنا ان شاءاللله

[hiba]

الدستوري مادة جميلة و مهمة و بإذن الله راح تستفيدي و تفكيرك راح يتأسس في القانون صح ...
الجنائي مادة جميلة و مهمة و أتمنى لو تأخذيها مع د.ماجدة ،،، المادة مع الدكتورة الأخرى عبارة عن حفظ و حفظ يعني اليوم احفظي بكرة تفهمي ... و الله يسترنا بكرة
التأمينات مادة جميلة جداً كانت مع الدكتور منير الدكمي و لكن من الممكن تأجيلها الى المستوى السابع ...
الإثبات مادة مهمة و كذلك أحكام الالتزام المادتين من الممكن أخذها في فصل دراسي واحد و لو أني أحبذ التدرج...
عادة عند اختياري للمواد أختار مواد متصلة ببعض أو من الممكن أن تكون الواحدة منها فرع للثانية لتوفير صورة أوضح خلال العام الدراسي ... و لتوفير الجهد المبذول في البحوث .

[shoody4]

تسلموو كلكم الله يعطيكم العافيه :)

طيب ايش في مواد تنفع اخدها بدل احكام او قانون عمل تكون مناسبه مع باقي المواد ؟

[البرنس11]

شيلي الاحكام ونزلي دولي عام او ثقافه ويسير الجدول متوازن

[Meme .. 92]

دستوري مع صباح جيييييييددددددة
جنائي انا اخذت مع ماجدة الدكتورة محترمة واسئلتها اغلبها مقالي تعتمد على الحفظ كثير


اخلاقيات عمل انا بنزلها ان شاء الله هذا الترم اذا تعرفي دكتورة كويسة قولي لي

[صعلكه]

المشاركة الأصلية كتبت بواسطة shoody4 صبااح الخيرر .. كل عام وانتو بخير رجعت حفله الجداول وحبيت اسالكم عن كم شي ( قانون دستوري ) ، ( جنائي عام ) ، ( عمل تأمينات اجتماعيه ) ، ( اثبات ) ، ( احكام التزام ) ، ( اخلاقيات عمل ) .. ^ تنفع اخدها كلها سوا في ترم واحد وابغى اعرف كل ماده سهله ولا صعبه ومين احسن اساتذه لها وكل شي عنهم ،، وسلامتكم

-قانون دستوري مع د.صباح المصري الماده جداً ممتعه بس عيبها تكاليفها
-جنائي عام مع د. ماجدة و د.ليندا , انا اخذتها مع ماجده مااقدر احكم مين احسن )
-عمل + اثبات كانت تنزل مع الدكمي بس راح مااعرف مين حيكون بداله وافكر اخذها معاكي
- احكام تنزل مع العربي بلجاج وقت المحاضره ماعجبني محى انزلها
- اخلاقيات عمل ماانصحك تاخذيها لانها 2 ساعتين والمواد الاختياريه 9 ساعات خذي ماده اختياريه ب 3 ساعات , وجهة نظر
* مااقدر افيدك لانو باين اننا بنفس السمستر

# بالتوفيق للجميع

[•♥fŗŌồtą]

الدستوري : ماده ماده مليانه معلومات

بس ما جربتها مع صباح اخذتها مع اكرام قبل لا تروح

،،

الجنائي العام : اخذتها مع ليندا وكانت مره كويسه واسئلتها مقالي وموضوعي

بس الترم الي فات يقولو طريقتها في التعامل تغيرت فمدري الترم ذا حترجع لوضعها القديم او تستمر زي ما هيا

فانتي مخيره بين ماجده وليندا وكلهم نفس الشي فخذي الوقت الي يناسبك ^^

،،

العمل والاثبات كانت مع منير والترم ذا الله يستر مين بيحطو بدالو

،،

احكام التزام مع العربي مافي الا هوا

اول حاجه عيوبه جدا كثيره التعامل صفر كلامو مو مفهوم وغير كذا وقت المحاضره سيئ بالعصر

بس احسن شي فيه اسئلتو صح انها مقالي بس تجي نصي نفس الي بالكتاب من غير لف ودوران

بس انو الماده صعبه ومتعبه مره في المذاكره

،،

الجدول يعتبر حلو بس انصحك شيلي العمل وخذي اوراق تجاريه

مواد التجاري شويا كثيره واذا ما اخذتي عقود اداريه خذيها ماده سهله وممتعه مع الدكتوره صباح

وبالتوفيق ..

[•♥fŗŌồtą]

- احكام تنزل مع العربي بلجاج وقت المحاضره ماعجبني محى انزلها

وقت المحاضره لو 3 أترام ما تغير