ايباد ولا جالكسي؟؟افيدووني

[عاشقة التحدي]

السلام عليكم ورحمة الله وبركاته
انا ناوية بإذن الله اني اشتري جهاز ايباد او جالكسي نوت بس محتارة اشتري ايت فيهم
لان انا هدفي الأساسي هوا اني استفيد منو في دراستي في الطب
يعني من ناحية البرامج والاطالس وتحميل الكتب
فحابة اعرف اذا البرامج الطبية اللي موجودة في الايباد بفلوس موجودة في الجالكسي ببلاش ولا لأ؟؟
وايش تنصحوني اشتري عشان استفيد اكثر؟؟

[Feras L. Kindi]

شوفي اللي يريحك...

الكتب تكون بصيغة pdf عادة أو chm وفي كلتا الحالتين تقدري تشغليهم ع الجهازين.
بس اعتقد والله اعلم ان الاب ستور ع الاي باد فيه كتب ممكن ( تشتريها ) او تسوي جلبريك وتنزليها ببلاش.

[بترولي مآكل هوآ]

بشكل عام انا أميل لـ آبل
..
وبالنسبة للكتب وكذاا .. اثنين من اخواني دكاترهـ وكلهم شغآلين ع الآيباد ومستفيدين منه

[Dr. Abdul]

الآيباد جميل جدا والاستور حقه جميل


لكن نوت الجديد عملي جدا حيث بالامكان انك تشتغلي على الوفيس من التاب لكن الآيباد عانيت جدا وقت البحوث لازم افتح اللاب.

[Dr.MEEM]

عاشقة التحدي بعد اذنك حبيبتي
حابة اسال اذا الايباد مهم مرا وبيفيدني ولا لا ؟
لاني صراحه ماابغى شي يشغلني واخاف اذا اشتريته مااستفيد منه بشي !
يعني الي عندهم ايباد استغنوا عن الكتب وذاكروا منه ؟
ولا بضطر اشتري كتب كمان
لانو قلت لو كتب خلاص ببطل من الايباد لانه ماله فايده
اتمنى تفيدوني

[فتى تثليث]

الجهازيين كلهم اوكيه...بحكم اني اندرويدي لكن اشوف الايباد افضل من ناحية الكتب والبرامج الطبية فقط...

[عاشقة التحدي]

يعني تنصحوني اشتري ايباد
طيب انا بسأل عن شي>>ذحين البرامج اللي موجودة في متجر ابل هل موجودة نفسها في المتجر في الجالكسي مجانا؟؟
وبالنسبة للاوفيس هل تقصد اخوي الوورد والبور وهذي البرامج؟؟

[Dr. Abdul]

الاوفيس ايوه اقصد برنامج شبيه بالوورد وبرنامج عروض تقديمية شبيه بالباور بوينت لكن ممتاز وسهل جدا

لكن انصح دكتورة ميم بآيباد اذا تبغى تنزل كتب مجانية ( بالجيلبريك ). اما النوت ما عندي خلفية

لكن الكتب الطبية في الآب ستور مثل ما قلت مميزة جدا وكمان في الانستولز عن طؤيق الجيلبريك

اما بخصوص ايش افضل تذاكري من كتب ولا اجهزة

والله شوفي لنا اذاكر من الكتب او الشيتات لكن اذا فيه مرجع ولا قاموس انزله من الايباد لسرعة استخراج المعلومة.

[سكون الورد ^_^]

ماشاء الله تبارك الله

بصراحة أنا مالي بالتقنيه و الأشياء ذي < طيب ليه تدخل

الله يرحم أيامنا كان ع الشيتات و الكتب لا أيباد ولا جوال الدمعه حتى

لكن بشكل عام في الكلية ما أشوف طلاب كثير معاهم الأيباد و الجالكسي

شدوا حيلكم وشوفوا أيش أفضل طريقة تذاكرون فيها

و ع نصيحة القوقليين < جمع محبي قوقل أنه الجالكسي نوت أفضل

و الابليين < جمع محبيين أبل أنه الأيباد أفضل

لكن بحسب كلام اللي عندي أنه آندرويد أفضل

و لمزيد من المعلومات فيه عندك تحت القسم الإلكتروني تقدرين تسألين فيه

والله يوفقك و يسهل أمرك