دوبي جيت من الجامعة ..

[زينـة]

السلام عليكم أحبتي ...



دوبي جيت من الجامعة وقدمت أوراقي للماستر ومع اني حسيت انهم مارح يقبلوني لاني مش سعودية لكن اخدتهم مني الموظفة ومااقول غير يارب انك تسهل لي ويوفقني ويوفقكم ...

المهم إذا في حدا منك حاب يسالني عن شي أنا جاهزة وبدي اخبركم عن شغلة للي


مالحقوا يقدموا اوراقهم اليوم سمعتهم بيحكوا للبنات عادي ارسليهم بالبريد يوم السبت مو مشكلة اهم شي

ترفقي بيهم رقم الترشيح ...

الحين في شي مهم اللي هو اختبار القسم وانا مقدمة على قسم ادارة اعمال والاختبار ان


شاءالله حيكون يوم 9\5 وحابة انكم تفهموني عبارة عن شو هالاختبار وكيف اتجهز له ومدى سهولته او

صعوبته يعني كل شي بتعرفوه عنه ...

الله يسعدكم اللي عنده فكرة عن اختبار القسم يخبرني ليفيدني ويفيد غيري اكيد في كتير

حابين يعرفوا وحيقدموا الاختبار...

ربي يوفقكم ويسعدكم ..


أختكم زينــــــــــــــة :)

[نسمة امل]

اولاً حابه اقولك لا تيأسي ولاتتركِ للشيطان مجال في هالاشياء والتفكير انهم ماراح يقبلونك وكلى امرك لله وأسالي دائما ان يختار لك ِ مافيه الخيربالدنيا والاخرة واعتمدى على الله اولا واخيرا وربنا يكتب لنا ولك اللى فيه الخير ياررررب
ثانياً استعدى للاختبار ولاتتكاسلى اما بالنسبة للاختبار والله وادى اساعدك بس ما اعرف عنه اي شيء لكن اسألي في القسم اللى مقدمة عليه وربنا يوفقك وان شاء الله تبشرين بقبولك مثل مابشرتينا بانك قدمتى اوراقك,,,

[sofaten]

هذي تاني مرة اقدم لماستر ادارة الاعمال
بالنسبة لإختبار السنة اللي فاتت كان على النحو التالي:
الاختبار قدرات متعدد الاختيارات جزئين
الجزء الاول انجليزي يعطوكي تقريبا 3 او 4 قطع عن مواضيع مختلفة شي عن ادارة الاعمال وشي عن البيئة او مضار التدخين على ما افتكر قطعه تكون عبارة صفحتين وقطعة صفحة وحده يتركوها في يدك تقريها لمدة 5 دقائق تقريبا وياخدوها منك وبعد كدا يعطوكي ورقة الاسئلة تجاوبي عليها وهكدا حتى ينتهي جزء
الجزء التاني كمي
رياضيات وتحليل كمي
ان شاء الله يكون اخدتي فكرة عن الاختبار وادعي لي انو انقبل دي المره
وللعلم اخدت في دا الاختبار 83 ومتخرجة بمرتبة الشرف الثانية وما انقبلت فرجاء دعوة لاختك في ظهر الغيب وان شاء الله ننقبل

[abod2010]

السلام عليكم ورحمة الله وبركاته
زوجتي قدمت على الماجستير و اختبارها حيكون 9/5 تخصص محاسبة واتمنى أي شخص يفيدنا والافضل تكون دخلت الامتحان ..ولكم جزيل الشكر

[زينـة]

اختي نسمة الله يسعدك ويقويك عزيزتي وأملي بالله كبير :)

اختي سوفاتن الله يوفقك وتنقبلي هالمرة ويرتاح بالك خيتوو شو حكاية الاسئلة الكمية يعني رح يكون عندي حساب ومدري شو مافهمت قصدك وياريت لو تقولي لي شو المراجع اللي ممكن تفيدني للاختبار خصوصا للجزء الكمي لأن الموضوع هذا خوفني وكيف بيكون تقسيم الدرجات وعلى اي اساس بيتم القبول بعد الاختبار يعني كم لازم الطالب ياخد بالاختبار ؟؟

معليش حبيبتي بس ماصدقت اني لقيت حدا عنده فكرة وربي يوفقك :)

[زينـة]

أخي عبود يارب يجي احد ويفيدك بطلبك والله انه احنا زي اللي يتعلق بقشة ..

ربي يسهل لزوجتك ويسعدكم ..:)

[sofaten]

المشاركة الأصلية كتبت بواسطة زينـة اختي نسمة الله يسعدك ويقويك عزيزتي وأملي بالله كبير :) اختي سوفاتن الله يوفقك وتنقبلي هالمرة ويرتاح بالك خيتوو شو حكاية الاسئلة الكمية يعني رح يكون عندي حساب ومدري شو مافهمت قصدك وياريت لو تقولي لي شو المراجع اللي ممكن تفيدني للاختبار خصوصا للجزء الكمي لأن الموضوع هذا خوفني وكيف بيكون تقسيم الدرجات وعلى اي اساس بيتم القبول بعد الاختبار يعني كم لازم الطالب ياخد بالاختبار ؟؟ معليش حبيبتي بس ماصدقت اني لقيت حدا عنده فكرة وربي يوفقك :)

لا ولو عادي اسئلي مافي مشكلة بخصوص الاسئلة الكمية ماادري اذا سبق لك ودخلتي اختبار قدرات هو مشابة له كثير والمقصود بالكمي مثلا:

افتكر كان في سؤال انه اذا كان في مسبح ياخذ وقت حتى يتعبى ماء 4 ساعات ويحتاج تفريغه من الماء 3 ساعات فاذا خلينا صنبور الماء مفتوح وفي نفس الوقت المسبح يتفرغ فكم من الوقت يحتاج حتى يعبى بالماء؟
على فكرة فاكرة دا السؤال لان ما عرفت اجابته مع ان الاجابة سهلة على ما اتوقع بس ما عرفت وقتها الاجابة

الاسئلة الكمية على دي النوعية والصراحة مافي مراجع تقدري تراجعي فيها دا النوع من الاختبار لانها بتعتمد على قدرات الفرد الذهنية وعلى فكرة في بنات السنة اللي فاتت سئلو رئيسة القسم عن الاختبار وقالت حيكون من المواد العامة ولكن في اخر لحظة قررو يكون قدرات وعلى كدا ما تعرفي اذا حيكون الاختبار قدرات ام عن مواد القسم هذي السنة
ولو تبغى نصيحتي حاولي تدوري على نماذج اختبار القدرات لطلاب الثنوي وراجعيها وحاولي تراجعي كتاب ادارة الاعمال لأي مؤلف فالمحتوى واحد وكدا تقدري تكوني مستعدة سواء كان قدرات او تخصصي
بالنسبة للمفاضلة على ما فهمت منهم انها بتعتمد على درجتك في الاختبار ومعدلك الاعلى فالاعلى من غير اخذ في الاعتبار الاولويه لخريجين قسم ادارة اعمال وهذا كان السنة اللي فاتت, ما اعرف عن نظام قبول هذه السنة
ان شاء الله اكون جاوبت على استفسارتك وان شاء الله ننقبل خلاص طفشت من جلسة البيت

[زينـة]

الله يوفقكم وتنقبلي ياسوفاتن وربي يسهل لك أمورك ...

وشكرااا كتيررر على توضيحك ..

بالتوفيق عزيزتي :)