]:[ تجــــآرب المُقــآبـلة الشخصيــة | Personal Interview Experiences

[nour al3mr]

:: بـِسْــمِ الله الـرَحْـمَـــن الرَحيـــــم :: طيّب الله أوقـآتكم بالخيــــــر و فتح لكم أبواب الرزق أينما كُنتم المُقابلة الشخصية تعتبــــــر الخُطوة الثـآنية بعد التقدم لِـ وظيفة مـآ و لها من الأهمية الشيء الكبيــــــر في قبول المُتقدم للوظيفة و توليه إيـآهـآ من عدمه لذلك من المُهم التحضيـر لهـآ بشكل جيد و الإستفـآدة من تجـآرب الآخــــــرين من هذآ المُنطلق خطـرت لي فكـرة الموضوع بحيث نتبـآدل الخبــــــــرآت و المواقف و الأعيـــــآد اللي صـآرت أثناء المُقابـــــــلآت من هنــــآ ننطــــلق بإذن لله : ::- اسم جهة التوظيف المُقدَّم لهــــآ ( اختيــــآري ) ..:: ::- مُؤهلك التعليمــــي ..:: ::- كيف كانت المُقـآبلــــة و بمـآذآ أنتهت ؟ ( المُغـآمـــــــرآت و نتيجتهــآ : أنقبلت أو انرفضت : ) ..:: ::- الفـآئدة منهـآ و الدرس المُستفــــآد من التجربة ..:: و الله يعطيكم العـآآآآآفيــــــة و يحقق أُمنيـآتكم

[nour al3mr]

أبدأ بإحدى التجـآرب

::- اسم جهة التوظيف المُقدَّم لهــــآ ( اختيــــآري ) ..::

إحدى الشركــــآت في القطـآع الخـآص

::- مُؤهلك التعليمــــي ..::

بكـآلوريوس لغـآت أوروبيـة - انجليـــــزي - جـآمعة المُؤسس

::- كيف كانت المُقـآبلــــة و بمـآذآ أنتهت ؟ ( المُغـآمـــــــرآت و نتيجتهــآ : أنقبلت أو انرفضت : ) ..::

نفتتح الحكـآية

جـآني اتصـآل رديت قـآلت الأخت ...... معاك ......
وصلنا الـ CV حقك من الموآرد و عندك مُقابلة السبت 11 الصبـآح و أعطت العنوآن
أسـألها أيش طبيعة الوظيفة طيب ؟ ( لأني مو عارفة أيش طيّـر السي في عندهم أصـلاً ) قالت كول سنتـــــر + إداريـة و السبت تعرفي أكثـــــر

توكلت على الله و رحت موآصلة و قمت التنـآحة و لا فكرت أستعد لشيء
وصلت ع الموعد الحمد لله بعد ما تهت حبتين بالعنوآن :$
كان عندها وحدهـ تقابلها قبلي فانتظــــرت و شايفة البنت متنرفزة لأن الباب زجاج شفاف فراحمه حالتها إلا و جـآء وقت الجد

- اللي عملت المُقابلة : مسؤولة التوظيف بالشـركة + مسؤولة إدارة الجودة

سؤال الإفتتاحيـة بدآت تسـأل بالعربي :
* عرفي عن نفسك ..؟ متى إتخرجتي ..؟ أيش مهاراتك ..؟
إن جاتك بعثة أو ماستـر هل تتقدمي لها و تتركي الوظيفة ؟ إن جاك عرض راتب أو مستوى وظيفي أعلى هل تقدمي له و تتركينا ؟

لك في مجال التسويق ؟ بعد تتنيحة قلت لا ،،
لك في مجال الترويج للمُنتجـآت لمختلف العمـلآء ؟ قلت لا ~> من أولها أبشـر خيـــــر
إن في شخص تبغي تقنعيه بمنتج معين هل إن ما إقتنع من أول مـرهـ تتركيه أو تحاولي تجيه بطرق أخرى و تلحي عليه ؟
قلت لها أكون صادقة معاك ،، أبدًا ما استخدم أسلوب الزن ولا أحبه ،، من البدآية ما أقتنع استخدم أسلوب ثاني و أجي بطريقة ثانية إن ما قبل فانتهى
~> أفتكرت زن و طنين الذبــــآب هنـآ

بعد ما خلصت مجموعة الأسئلة اللي فوق قالت الحين بنعيد كل هذآ بالإنقلش بنفسي أقول طيب كان من أول أيش الحالة هذي
و خلصنا من هالشيء بســــلآم الحمد لله و أفكر خلصت لسه بألم قشي
جات وحدهـ نادتني قالت تعالي معايا :
طلع الموضوع لسه حتختبرني في الـ TELESALES و كيف طريقة الرد و التفاعل ووو...آلخ مرهـ بالعربي و مرهـ بالإنقلش
طبعًا هذهـ الحرمة لا توصف أستغفر الله قد ما ضحكتني
معصبة و تهزأ و مدري أشبها شايله طاجن ستها على رآسها

- بعدها جات وحدهـ قالت تعالي معايا لإختبار الطبـآعة
و برضوهـ مرهـ بالعربي و مرهـ بالإنقلش و الحمد لله كان جميل جدًا ( من كثر السنترهـ ع الكيبورد )
و بعدها رجعت المسؤولة و قالت بس توصل نتيجة الإختبارات و نكمل نستقبل المرشحين راح نبدأ فترة التدريب أسبوع و نكمل الباقي

- أنـآ هنا سحبت رجلي و أدعس ولا أرجع لهم لأني ما حبيت الشغلة أفكرها شيء إداري طلعت شيء ثـآني تسويقي تُوووحفـه

::- الفـآئدة منهـآ و الدرس المُستفــــآد من التجربة ..::

- إن كـآن أحد معصب قدآمي أضحك فهذهـ نقطة تزيد تنرفــــــز اللي قدآمي و هالشيء صـآر مع اللي اختبرتني بِـ TELESALES بس أسلوبها الله يهديها و إيـآنا رهيب أجبرني على هالشيء

- التحضيـر للمقابلة ما تكون روحه على البركــة و موآصلـة لأن المخ يفصل

- عجبتني أسئلتهم و كانت بسيطة و مُحددهـ في نطـآق الوظيفـة

- الإنجليـزي في بعض الوظـآئف مهم جدًا و من كثر ما غلبوني قلت ياليت ما كتبت لهم أني انقلش كل شيء ينعاد مرتين عربي و انجليزي ماصارت

- مهارة استخدآم الحاسب مهمة جدًا خاصة سرعة الطباعة

[ام حمدان]

صباحكم /مسائكم سعاده ورضا

موضوع جا في وقته الله يعطيك العافيه ولايحرمك الاجر أ/نور

سبحان الله لسى امس اسولف مع الهام عن الوظايف والمقابلات ومفكره ابحث عنها اكثر في النت يمكن اطلع بفايده واتحضر

واكيد الموضوع ان لاقى تفاعل من اصحاب الخبره بيفيد الجميع

المشاركة الأصلية كتبت بواسطة nour al3mr - التحضيـر للمقابلة ما تكون روحه على البركــة و موآصلـة لأن المخ يفصل - عجبتني أسئلتهم و كانت بسيطة و مُحددهـ في نطـآق الوظيفـة - الإنجليـزي في بعض الوظـآئف مهم جدًا و من كثر ما غلبوني قلت ياليت ما كتبت لهم أني انقلش كل شيء ينعاد مرتين عربي و انجليزي ماصارت - مهارة استخدآم الحاسب مهمة جدًا خاصة سرعة الطباعة <<الله يبشرك بالخير بينام ويقوم الي بيعتمد علي وانا ماخلصت شغله تعرفيني سلحفاة في الطباعه

نور مالك بالهم ذاك كله عليك بالشؤون من نظره بس بيوظفونك دايركت

الله يسعدك ويكتب اجرك على هالافادة

ربي يفتح لك ابواب رزقه و يرزقك باعلى المناصب في الدراين

[white rose]

الله يعطيك العافية استاذتنا موضوع رائع

بس تجربتك مررروووعة احس يبغالي ساعة افوق من ثاثيرها على مخي

تدرين خلاص بكتب بكالوريس وبس تعقدت اجل مرتين تنعاد المقابلة خيرررر

كويس انك عرفتي تكملي حسيت لو كنت مكانك كان فتحت الباب وجريت اسويها ترى

المشاركة الأصلية كتبت بواسطة nour al3mr - التحضيـر للمقابلة ما تكون روحه على البركــة و موآصلـة لأن المخ يفصل - عجبتني أسئلتهم و كانت بسيطة و مُحددهـ في نطـآق الوظيفـة - الإنجليـزي في بعض الوظـآئف مهم جدًا و من كثر ما غلبوني قلت ياليت ما كتبت لهم أني انقلش كل شيء ينعاد مرتين عربي و انجليزي ماصارت - مهارة استخدآم الحاسب مهمة جدًا خاصة سرعة الطباعة

الله يجزاك الجنة افادتك رائعة ما قصرتي على اني خفت

بس بحط هالنقاط ببالي الله يسعدك

[سفيرة الاحلام]

اليوم راح احكي لكم تجربتي الشخصية مع المقابلة والتوظيف..
الحمدلله انا خرّيجة بكالوريوس مايكرو (احياء دقيقة ) 1432 هـ
عملت مساعدة باحث في كليتي كمتعاونة بنظام الساعه لمدة سنه..
حبيت شغلي مرررره صح ان راتبي 1500 بس كنت مستمتعه
مرره بالشغل.. كان طموحي العمل بالمختبرات والابحاث والتقديم بالماجستير..
فتحت المسابقة الوظيفية في جامعة الملك عبد العزيز بشهر شوال الماضي وقدمت فنية مختبر
كل اللي حولي اعترضو ..ولااا وكيف تدخلي بالمرتبة الخامسة والمفروض شهادتك المرتبة السادسة بس ماكان يهمني لان فعلا
كنت حابه هالشغله واحس ان طموحي ورغباتي بتتحقق بالمعمل والمختبر وراح ازيد من خبراتي واكتشافاتي
المهم ترشحت للقبول مبدئيا وتم بعد ذلك تحديد موعد الاختبارين
واجتزتهم الحمدلله وتم ترشيحي للمقابلة الشخصية وكانت بشهر 2 الماضي.. برسالة نصية
اخبروني باليوم والموعد ..
الموعد كان 11 الصباح وحضرت من 8 طبعا قبل الموعد بساعتين ..كنت مستعده لاي سؤال لان لي ثلاث ايام اقرا بصفحات الويب ..غير اني كنت اقرا بكتاب لغة الجسد ..
كان بداخلي خوف بسيط ..
اهتميت بشكلي ولبسي وكان جدا رسمي.. تركت الموضوع لربي وتوكلت عليه وكنت اتمنى تكون من نصيبي لاني فعلا كنت حابه هالشي ..
دخلت غرفة المقابلة كانت الساعة 12 ظهرا مقابلتي..الابتسامه البسيطة مافارقت شفاتي ..كانو خمسه حريم ..لو قلتوا لي مين هما راح اقول لكم مااعرف..
لاني مااعرف الا دكتورة وحده واعرف شكل اللي كانت تراقبني وانا بالممر انتظر اسمي لدخول المقابله..
قلت السلام وجلست ..قالو عرفينا عن نفسك ..عمرك ومؤهلاتك..
خبراتك ودوراتك..سالوني كم سؤال وكنت معاهم صريحه وكنت
اتكلم باادب..سالوني ايش هوه طموحك ..قلت ادرس ماجستير واعمل بمختبر واكتشف كل شي جديد..قالو لو وقعناك على تعهد بعدم طلب العمل كمحاضر راح توافقي..قلت ايه راح اوافق
شغل المختبر ممتع وانا مااحب التدريس واشوف متعتي بالشغل ويمكن وانا اشتغل يعجبكم شغلي وعقليتي وانتم من نفسكم تقولو
والله ذي الادميه حرام تكون هنا والافضل لها تروح مكان يستاهل
الشغل اللي تعمله..
انا على يقين تام ان الانسان الناجح يحب يزيد من رتبه ويترقى ويكون افضل من السنة اللي قبلها..
وهالشي ان شاء الله راح تلاحظوه ..
قالو والماجستير ..قلت بااذن الله راح احاول ان ادارتي توافق ان احصل عليه لان هالشي بصالحي وصالحهم واقدر ان شاء الله
اوفق بين العمل والدراسة وربي معانا ومايضّيع عباده ..
قالو هل تستطيعي الدوام الى 5 العصر ؟ قلت اكيد لان الطالبات ينتهي دوامهم غالبا بالمعامل 5 وطبيعي المحضرة تخرج بعدهم للتاكد من سلامة المختبر..
قالو تداومي الخميس ؟ قلت اكيد وهم ماراح يكلموني اداوم الا لان هالشغله انا المطالبة بالاشراف عليها والقيام بها..
سالوني عن نقاط القوة والضعف..قلت اعمل بشكل ناجح كفرد مستقل واحب العمل ضمن فريق ..لااحب تاجيل الاعمال..اهتم بترتيب المكان..احب ان اسال عن كل شي يحدث معي غريب واحب ان ابحث عنه بالمواقع العلمية.. جيده بالاشراف واحب
تطبيق مايطلب مني برووح رحبه وسعيده ..اكتم مشاعري السيئة وقت الدوام ولااجعل هالشي يأثر على دوامي..عملي لمدة سنه بهالمجال علمني الكثير من الامور اولها الصبر والارادة وانجاز المطلوب في الوقت المحدد..تنمية مهاراتي العلمية والعملية واكتشاف العديد والعديد ولله الحمد ..
وذكرت ان نقطة ضعفي الوحيده هي اني عندما اكون متضايقة فاني اكتم هالشي وانهي العمل المطلوب مني بااقل من الوقت المحدد او بزيادة نص ساعه وتظهر لي نتائج افضل من عملي وانا رايقه بكثيير..
كانت اجاباتي منطقية وعقلانية وكنت على مصداقية تامة معاهم..
ردودي واضحة ..اجاباتي صريحة وبحدود الادب
بعد ماانهوا الاسئلة قلت لهم تشرفت بمعرفتكم ولنا لقاء اخر ان ربي كتب لي نصيب بالعمل معكم وقلت لهم ان معاي نسخة من الملف والسي في ان كانو بحاجته..
سالوني هل هناك شي جديد غير الموجود لديهم..فااخبرتهم بنعم هناك دورات حصلت عليها مؤخرا ولم ارفقها بالملف الذي لديكم ..
اخذوا السي في المعدّل ونسخ من شهادات الدورات وخرجت وانا بقمة سعادتي..
حسيت براحة غريبة وكأنها كانت عقبة وتم اجتيازها بنجاح..
استفدت كثير من هالتجربة ..صحيح اني مااعرف ايش صار بخصوص هالوظيفة ولا اعلم ان كانت من نصيبي او لا
والدكتورة اللي اعرفها رافضة تعطيني اي شي مفيد.. والجهات المختصة لم تعطي الرد الكافي..
ولكن كل شي في علم الغيب ..والارزاق بيد الله ..انا عملت اللي
علي وربي كريم ..الاختبارات ماكانت سهله ..كانت متعمقة مرره
ولو ماكان عندي خبره ماكان اجتزتها والمقابله عدت بخير..
ولكن لليوم هذا انا مااعرف اي شي يتعلق بهالوظيفة..
اغلب اللي عندي كانو يقولو المفروض ماتقولي انك تبي تدرسي ماجستير ..
وناس كثير قالت ماراح تاخذها الا من تمتلك واسطة..
وانا اقووووووووووول املي بربي كبييير خصوصا اني اعتمدت على نفسي ومااقصرت ابد ولا اضطريت اجاوب كذب او حتى
اخبي طموحاتي..اذا جهة العمل ماسمعت رغباتي مين بيسمعها..
والحمدلله اديت اللي علي على اكمل وجه واتمنى يجي رزقي بعيد عن الواسطة لجل مااقطع رزق وحده مؤهلها يمكن يكون افضل مني..
ارجع واقول لكم تجربة ناجحة حتى لو ربي ماكتبها من نصيبي.
اتمنى تعتمدوا على نفسكم عشان تشعروا بطعم الفرح اللي حسيته بعد القبول المبدئي واجتياز الاختبارين النظري والعملي واجتياز المقابلة وصدقوني كل وحده ربي كاتب لها وين يكون رزقها..
وربي يقول اسعى ياعبدي وانا معاك..
معليش طولت عليكم فااعذروووني..ربي يوفقكم ويسعدكم

[شموخ كبريآئي]

للآن مآ أنحطيت فآلموقف ، وشـآيلة هم دآ آليوم من دحين ..

أستفدت من تجآربكم ، وآلله يوفقنـآ جميعـآ ..

[حلوة المعاني]

كان لي بس تجربه وحده بالمقابله الشخصيه
واول مقابله تصير معايه وكنت متخوفه جدا بحكم انو لي 5 سنوات متخرجه ولاعمري جربت مقابله شخصية

كنت مقدمه على وظيفه مسؤولة ارشيف وتصدير

وكانت الاسئلة كالتالي

عرفينا بنفسك/ قلت لهم عن اسمي وعمري وحالتي الاجتماعيه ومؤهلاتي
ايش مهاراتك/سرعة التعلم ومتمكنه جيده من تطبيقات الحاسب الالي وسرعة الطباعه وقادره على التعامل مع أنماط الشخصيات المختلفة
ايش تعرفي عن مهام وظيفة مسؤولة ارشيف /زين مني ان حفظت مهام موظفة الارشيف هههه
هل اجريتي مقابله شخصيه قبل كذا / قلت لها لالكني كنت ابحث عن وظائف وارسل سي في لايميلات الشركات لكن مايجيني رد واول رد كان منكم
وقالت تتوقعي ليه محد طلبك ومحد اجرى معاك مقابله ؟؟ تعذرت بالسيره الذاتيه
ووضحت لها اني لما حسنت سيرتي الذاتيه وجتني 3 عروض وظيفيه ومنها الوظيفه
الي انا مقدمه عليها الحين
قالت متخرجه من عام 1429 والي الان ماعندك اي خبره وظيفيه !؟؟
قلت لها كان بحثي مقتصر على الوظائف التعليميه فقط وكان شرط الخبره عائق امامي وماحد عطاني الفرصه
لكن مع فتح مجالات كثيره لعمل المرأه بديت اتوسع في نطاق البحث واتوجه للوظائف الاداريه وغيرها
تتوقعي بنقبلك / قلت لها نعم ان شاء الله
وليه نقبلك / هنا حست الدنيا ههههههههههه لاني ان شاء الله بكون عند حسن الظن :)

وبعدها بأسبوع جاني اتصال منهم ورساله بالبريد انو تمت الموافقة على عملك لدى مجموعتهم
وبتكون المقابله الشخصيه الثانيه في يوم الاربعاء بتاريخ كذا وكذا
والله وجيتهم وماحصلت الاستاذ الي بيجري معاي المقابله الشخصيه قالو مسافر
واخذت الموظفه اوراقي وقلت طيب ليه حددتو معاي اليوم دام انه مسافر قالت خلاص اصلن المقابله الشخصيه الثانيه بس ناخذ صور من شهايدك واصلن حنا محتاجين شوفي المكتب فاضي

واتصل فيهم بعد 3 ايام ويقولو لسى استنى مارجع وكلمته شخصيا قال بشوف موضوعك وطناش
كلمت الموظفه قالت اصلن انا موظفة الارشيف قلت طيب لكن معلوماتك عندنا في حال لو احتجنا ندق عليك

والله جد قلة ذوق وادب خسرت على روحاتي وجياتي وعشموني بالوظيفه وبالنهايه اذا احتجنا ندق عليك
اصلا موظفة الارشيف والتصدير معاهم ثانوي والثانيه تدرس انتساب بالجامعة وماتداوم ايام اختباراتها

[ام آيه]

الموضوع ججدا مفيد ورائع ياليت يثبتووه المشرفين

[جنون الطفولة]

الموضوع فكرته حلوة جدًآ ,
والأحلى إنه كل اللي كتبوا مواقفهم وتجاربهم , أسهبوا بالوصف .. حتى إنطباعاتهم اللي وصلت لهم بعد كل موقف ,

---

nour al3mr

يا سلام على روقانك , أتوقع ذي كانت أول مقابلة شخصية لك..صح ؟
بما إنّك مانمتِ حتى ولا تجهزتِي (مخيًا)

بس أبغى أعقّب على موضوع الإنجليزي , هو فعلا ضروري وصار لازززم ..
وللاسف أنا للآن ما أخذت (شهادة) لغة من معهد , بالرغم من إني في الاستب اختبرته مرتين
ودرجاتي كانت 72 و 77 الحمدلله , وجالسة أرفق في خانة اللغة بالسيرة الذاتية هذه النقطة ..
حتى يقضيَ الله أمرا كان مفعولا ..
لكن لاززم أحصل عليه كـ شهادة لغة .. وماعرف كيف أو متى

---

سفيرة الاحلام

بصراحة ؟ ماشاءالله لا قوة إلا بالله عليكِ
حصّنتك بالله من كل شر وسوء وعين عائن ..

أتوقع تحضيرك لنفسك للمقابلة , تحضير ررائع , هو نموذج مبسط لتحضير الشّخص الذّكي
بالبداية : موضوع كتاب لغة الجسد + الاسئلة اللي قرأتيها من النت
وبعدها : هدوئك في المقابلة + ردودك منظمة + ثقة بالنفس + وضوح رؤيتك وهدفك لمستقبلك بدون أي تشويش وغموض + الصراحة والصدق.
رائعه فعلا

عجبني ردّك الدبلوماسي إنّه ماتطلبي تكوني محاضرة , (وممكن هم يقولوا مو مكانك)
نقطة شغلك على نفسك وتطويرك لنفسك بحيث السي في استجد فيه جديد ,
مرة ماشاءالله روعة , وكمان قدوة قدووة ..

---

حلوة المعاني

مرة مهمة نقطة نقرأ في المهام الوظيفية للوظيفة اللي متقدمين عليها +
أي شيء معاه ..
يعني مثلا أنا مقدمة على خدمة عملاء .. وعندي في السيرة دورة خدمة عملاء + سكرتاريه
أتوقع يسألوني ايش تعرفي عنها ؟
(يعني وقتها مع التجهيز نحتاج مراجعة بسيطة لمحتوى الدورة, بالذات لو ماعندنا خبرة فيها لسا)

بس بصراحة حركتهم انه ما اتصلوا وجابوكي على الفاضي (مسخرة)

---

لي عوده إن شاء الله

[MALY]

ماشاء الله عليكم الله يوفقكم