يا حنيني ...

[الفجر البعيد :]

سلام عليكم ..

هذا نص شعري من نوع التفعيلة ..

أتمنى يرقى لذائقتكم ..

(( يا حنيني ... ))

يا حنيني ..
يا أيامي الباقية
يا جميلتي الراقية
يا سنيني ..

كل حاجة فيّه تذكرني .. تجرحني
وكل حاجة فيك تذكرني .. تذبحني

أذكريني كل ما جال ذكري عليك
وأسمحي لطيفي على بالك يجيك

وإذا جت علي أنا
فلا تحاتين
أن ما ذكرتك أنا
أسرح فمين ؟؟
وحيدة أنت في قلبي
وتدرين
ما فيه بالجوف قلبين!!
(( بس أعذريني ))
سهى فكري عنك يومين
غريبة .. وهي فعلا غريبة !!
والأغرب أني عايش
إلى الحين !!
يا سنيني ..

تخيليني ..
شايفك وأن كنت ماني بشايف
ولا تسألي في وجهي الحسايف
في غيابك وحيد
عكس هالعالم أنا
في أمان الخوف ... (( خايف ))
يا حنيني..
....
أنا بغيابك متأثّر كثير
بس للأسف بدون تأثير
يمكن تأثّر به عصافير
لأرتفع صوتي بأسمك .. تطير
يا جميلتي الراقية ..
..
أنا بحبك تعلمت
كثر ما قد تألمت
علمتني.. أن الوفا
لابد له لحظة جفا
يبان فيها الوفا
وأنا من هذا وهذا
عرّفت التالي :
الجفا : تعريف مطلق شعوره .. البرد
الوفا : أحساس يقوم في دوره .. الورد
وعلمتني السخرية ..
كل ما شفت غيرك أتّباها
تصف طابور وتنسى عناها
أبتسم في نفسي وأقول
تبّا لها .. وللي وراها
لأني ..
تذكرت حسنك وقلت :
هم بداية في الجمال .. أنت نهايتهم
هم وسيلة في الدلال .. وأنت غايتهم
يا حنيني ..
علمتني أشياء وأشياء كثيرة
كبيرة لو هي بعينك صغيرة
منها قصيدي ..
اللي أغلبه بينك وبيني
يخبي أسمك ويردد
يا حنيني ..
لماضي ومستقبل
سنيني ..
.
.
.
ودمت بودّ ..