ليش جامعتنا كده !!

[loletaaaaa]

السلام عليكم
كيفكم

حبدا فالموضوع على طول امكن مو وقتو والناس الفتره دي بتسال عالاختبارات والاسئله بس برضو لايمنع انو الواحد يقول الي فنفسو


اليوم كنت فالجامعه فكليتي وانا ماره شفت دكتوره من الدكتورات تناقش الطالبه فبحس التخرج

عارفين كيف الدكتوره قاعده !!
والله العظيم لافه الكرسي الدوار عالناحيه التانيه مو من ضهرها لا من الجنب وشبه مسدوحه

وماسكه الورقه من طرف يدها كانها قرفانه والبنت مسكينه قاعده على طرف الكرسي حقها وخايفه باين عليها

دي مو اول مره اشوف الموقف ده وخصوصا من دي الدكتوره ودايما صحباتي يشتكو من هرجه بحس التخرج

ومواقف كتير تانيه
زي صحبتي اليوم تقولي انها دخلت على دكتوره تقولها يدكتوره الي قالتها معليش لو سمحتي اتفضلي برا

ده مو وقت ساعاتي المكتبيه:s

طيب مني فاهمه البنت كلو سوال وخارجه ليش تطردها

يالله احنا طلبه علم ومكاننا كبير عند ربنا اول شي لانو الي يسلك طريق للعلم ربنا يسهل لي طريق للجنه
حديس حفظونها هوا من سنه اولى ابتدائي وماعرفو يعاملو الناس كويس وهما ماشالله حاصلين على شهادات دكتوراه وماستر من هارفرد وامريكا وكل العالم

ولا هو مكان الانسان بس بشهاداتو

واصلا دايما لمن الواحد يقدم على وظيفه يقولولو نبا في الكوميومنيكيشن دورات في مهارات الاتصال وفن التعامل مع الاخرين
طيب الدكتورات ليش مايعرفو يطبقوها علينا ودايما المهانه والمزله دي
والله العظيم الموضوع مره قهرني كانو فيا لانو اتخيلت نفسي الترم الي جاي وانا اكرف فبحسي وماانام وقلق وفالاخير تمسكو من طرف يدها وماهي محترماني

والمشكله انو اكترهم كبار فالسن يعني المفروض يعرفو التعامل وانو الدين هو التعامل والاخلاق ودي عباده

يالله
وحطيت موضوعي فكليتنا بالزات لانو الكليات التانيه احسن لمن اخد سقافه او ماده حره من الاداب مره تعاملهم جيد وطيبين ويحترمو الطالبه وحتى الاقتصاد المنزلي في صحباتي هناك يقولو تحسي انو الدكتوره صاحبتك
وخلاص مافي شي بدي اضيفو :(

[عبود الفهلاوي]

ظاهرة العنف الأسري ... أمتدت الى العنف التعليمي ..
القضية ليست في أسلوب الخطاب فقط ... ولكن هناك اشياء أخري يتقدها المدرس لممارسة دورة ..
ولذالك أعتقد أنه زعلان ..؟ مع الزيادة وخلافة ...المفروض الامور أحسن...
الغريبة أنة هناك نوعيات من ما أشرتي له وهناك على النقيض آخرين أكثر حرصا على الطالب..
موضوع أساسا التعامل الانساني أولا...
عبود

[دلوعة الجامعه]

ماهي جديده

اهوه انا مترمطة في بحث تخرجي

وياليت في مساعده او اخطه تمشين عليها


كل شوي تغيري لين يعجبها

طيب لازم تكون هنالك مسؤله لطالبات البحث


لكن للاسف


اقعدي بالكلية من 9 لين 2

لين ياحمار تطلع لك قرنين

[سما ليل]

طيب انا الاسبوع الماضي سلمت بحث للاستاذه قامت تطالع في شكلي بدل ما تطالع في البحث
وحطت لي 7 من 10
هي كذا بكيفها يعني
حسبي الله ونعم الوكيل
اني يوم القيامة ما راح يمروا من ايدي على طول

[علي العسيري]

والله على كلامكم هذا ماتستاهل تكون دكتوره ,, الشغاله الي عندنا البيت تعاملها مع الناس ارقى وافضل من هذه الصوره ,,


سبحان الله , لله في خلقه شؤن ,,

[noran.o.k]

الحمد لله اني ما مريت بموقف زي دا لأني ممكن ألوشها باللي فيدي
عشن انا ما بشحت منها انا جايبة مجهودي وتعبي
بس ما حزيد شي عن اللي قلتوه
حسبي الله ونعم الوكيل

[m!ss lala]

الله يسامحك يا لوليتا

ساعه وانا اقرأ في السطرين الاولى

ولما خلصت الموضوع طلعت عيني من فك المصطلحات وترجمتها

ايش هذا يا بنت

المره الجايه اكتبي لغة عربيه اصرف من العامية عشان ما تتعبيني

وبالنسبه للدكتورات امشي على مبدئي في الحياة

اختاري الاستاذه قبل المادة

لان في ناس ما يستاهلوا المناصب اللي هم فيها ولا يستاهلوا الاحترام اساساً

ولا تقهري نفسك ولا شي

في من هالاشكال كثير

:)

[المستبدة]

بالنسبة للاختلاف بين دكاترتنا واستاذاتنا مقارنة بالكليات التانية دا كلام سليييييييييييييم ميه بالميه
انا كنت في العلوم شتان بين التعامل والاسلوب جدا جدا جدا اللي في الكلية دحين مو بس شايفين نفسهم كمان مايتلاقوا في مكاتبهم تقعدي طول الوقت تستني وكمان احسهم فاااااايهين

[يوسف الزويلعي]

صــراحه نص كلامك مفهوم والنص الثاني حاااس اني محتاج لفك شفره خخخخخ

لكن اللي فهمته ان في دكتوره عندكم يبغالها برمجه

صراحه المفروض احنى نتعـود ،، المسـأله صارت ايـزي الدكاتره مثل شركة الاتصالات ، الواحد بس يقوول الله لايضيع لنـا تعب

[loletaaaaa]

هههههههههههه
سوري بس كنت بكتبو وانا مره معصبه فكتبتو كانو بكلم احد قدامي
المشكله الواحد نفسيتو بتتعب من ده التعامل
انا على وشك التخرج بس مااتعودت على زلهم وكل مايسر لي موقف مره اضايق واكل فنفسي
وصح زي ماقالو البنات على شي ماقلتو انك تستني بالساعه والساعتين واحيان تيجي تفك بابها وتبي تدخلي وراها تقولك عندي اجتماع وتخصرك كمان كم ساعه