التدريب العملي في مستشفي

[جيجي21]

انا حابه اتدرب في مستشفي، بس عندي سؤال،،، انا سمعت طبعا ان في طالبات انجليزي بيتدربو في مستشفيات،،، لكن انا ابغي اعرف ايش طبيعه شغل طالبات الانجليزي في المستشفيات،، واللي يعرف مستشفيات حد ادرب فيها قبل كده يقولي بليز

[white rose]

حياك الله اختي

حسب ما سمعت يتدربون في الريسبشن او في الارشيف والملفات وتكون فيه مشرفة عليك هناك

بس اذا تبغي تضمني درجتك بالتدريب اتدربي اما في عمادة القبول والتسجيل او في وحدة الخريجات او في المكتبة المركزية او في الشئون

لان داخل الجامعة تقييمك يكون اعلى من خارجها خاصة انك منتظمة

الله يوفقك :-)

[جيجي21]

بجد ؟؟؟ يعني لو اتدربت بره ما اضمن اخد تقييم كويس؟؟ وجوه الجامعه مضمون ؟؟؟ انا كنت توقعت ان هيكون مافي فرق الا ان في الجامعه هيكون ممل اما بره لا :d

[white rose]

المشاركة الأصلية كتبت بواسطة جيجي21 بجد ؟؟؟ يعني لو اتدربت بره ما اضمن اخد تقييم كويس؟؟ وجوه الجامعه مضمون ؟؟؟ انا كنت توقعت ان هيكون مافي فرق الا ان في الجامعه هيكون ممل اما بره لا :d

يب أختي ما تضمني اش راح ينكتب عنك بالتقرير لكن داخل الجامعة هما عارفين التقييم وعارفين كل استاذة في القسم على اش تركز بالضبط في تقييمك

لذلك بسرعة تتفلل الاماكن جوت الجامعة عكس خارجها خاصة في المكتبة المركزية والعمادة ووكالة الخريجات

واغلب اللي اعرفهم تدربو داخل الجامعة وكانت درجاتهم طيبة على الايه او الايه بلس لذلك نصحتك فيها

ومن ناحية الملل في المكانين موجود الملل والروتين لان التدريب اساساً ما يراعي اللغة لانو ما فيه اماكن متمرسين فيها لغوياً بشكل اكاديمي زي ما تعلمنا بالتخصص عشان تقدري تمارسي لغتك بشكل محترف لكنك تتعلمي مهارات العمل ومقتضيات المسئولية وعبئها حسب المكان اللي حتتدربي فيه

الله يوفقك :-)

[جيجي21]

شكراااااااا ياحبيبتي على الاافاده خلاص هروح هناك طالما كده- وربنا يسخرك اللي يسعدك في حياتك ويساعدك دايما يارب زي ماانتي دايما اللي بتردي على اي سؤال بساله والله من غيرك هنا الواحد هيحس نفسه في صحرا هههههههههه