التحويل لكليه تانيه

[Alosh.M]

السلام عليكم ورحمه الله وبركاته
كيفكم
عندي استفسار بسيط وان شاء الله فيكم الخير وبتساعدوني
انا انقبلت فقسم العلوم فالفيصليه مع اني كنت مرا مرا ابغا الحاسب ولما دحين وانا اتمنى الحاسب بس ربي م كتب قلت بدرس فمكان تاني بس افكر لو بنقل جده ولا بكمل دراسه ماعاد اقدر ارجع لو سويت اخلاء الطرف وكمان صعب اتغرب فقتنعت بالفيزياء الطبيه وعرفت من استاد حسام ان القسم مو موجود فالفيصليه وانا انقبلت فيها فقلت بشد حيلي واحول لحاسب فحبيت اسال ايش القسم الي اقدر ادخلو عشان احول لحاسب وهما منجد بيحولوني ولا بيعقدونها ويقولولي شواغر وكدا واقعد فالقسم الي اخترتو فالعلوم لين اتخرج وكمان التحويل يكون بعد ترم ولا سنه انا سمعت كدا وكدا وماني عارفه وكم حيكون المعدل المطلوب

الي يقدر يفيدني انا اخترت او رغبه كيمياء حيوي وبعدو احصاء وكمان ابا اسال عن مجالات الكيمياء الحيوي

وشكرا

[Alosh.M]

ايش وينكم ي جماعه بتوصل 30 مشاهده وولا رد اخاف يخلص تسكين التخصصات

[A7la DeDe]

اولا حبيبتي مبروك التخصص ولا تزعلي صدقيني مع الوقت والسنوات حتكتشفي انو ده كان خيره لكي
ثانيا ايوة حبيبتي يمديكي تحولي للحاسب اعرف ثلاثه من صحباتي حولو من العلوم الى الحاسب واتوقع غيرهم كثير
وصحباتي كانت تخصصاتهم كيمياء حيوي واحياء وعلى ماافتكر وحده من زميلات تخصصي الفيزياء حولت من بعد اول ترم للحاسب

::

فلا تفقدي الامل

وبرأيي انك تختاري فيزياء لأنو نفسك كمان تدخلي فيزياء طبيه

يسير تقدمي تحويل على التخصصين الحاسب والفيزياء الطبيه بالسليمانية ( اثنين بواحد )

بس بشررررط بشرررط تكوني تحبي الفيزياء.. لأنو حطي ببالك انو ممكن مايكون بالتخصصين خيره لكي و ماتنقبلي
وقتها حتكملي بالفيزياء إن شاء الله

ده رأيي واذا غلطت بحاجه سامحيني

و الله يوفقك

[فهد العتيبيء]

^ مشكورهه جزيلاً ........

[Effat AlGhamdi]

انا كانت عندي نفس مشكلتك انقبلت ف كلية الاقتصاد المنزلي بس ما اتخصصت قعدت عام واخذت مواد عامة مطلوبة ف كل التخصصات ورفعت معدلي والترم التاني حولت وممكن انتي تاخذي مواد من كلية الحاسب كمواد حرة وبعدين لمن تحولي تنحسب لك بس لازم تشدي حيلك عشان ينرفع معاكي المعدل وخذي 5 او 6 مواد عشان ينرفع لانه اقل من كذا مو كثير حيتاثر المعدل واذا جبتي المعدل المطلوب ع طول يحولوكي وانا اعرف بنات ف الكيميا مرة مبسوطين يقولو تخصص مرة سهل وممتع بعكس الفيزيا .. بالتوفيق

[Alosh.M]

المشاركة الأصلية كتبت بواسطة a7la dede اولا حبيبتي مبروك التخصص ولا تزعلي صدقيني مع الوقت والسنوات حتكتشفي انو ده كان خيره لكي ثانيا ايوة حبيبتي يمديكي تحولي للحاسب اعرف ثلاثه من صحباتي حولو من العلوم الى الحاسب واتوقع غيرهم كثير وصحباتي كانت تخصصاتهم كيمياء حيوي واحياء وعلى ماافتكر وحده من زميلات تخصصي الفيزياء حولت من بعد اول ترم للحاسب :: فلا تفقدي الامل وبرأيي انك تختاري فيزياء لأنو نفسك كمان تدخلي فيزياء طبيه يسير تقدمي تحويل على التخصصين الحاسب والفيزياء الطبيه بالسليمانية ( اثنين بواحد ) بس بشررررط بشرررط تكوني تحبي الفيزياء.. لأنو حطي ببالك انو ممكن مايكون بالتخصصين خيره لكي و ماتنقبلي وقتها حتكملي بالفيزياء إن شاء الله ده رأيي واذا غلطت بحاجه سامحيني و الله يوفقك

اول شي الله يسعدكك يارب والله يبارك فيكي
انا م احب الفيزياء مرا خياري الاخير بعد الرياضيات بس
بعد م اسستخرت ارتحت الإحصاء وقلت اخد مواد مشتركه واحول
وان شاء الله انها تكون خيره ليا والله يسعدكك مرا تانيه

[Alosh.M]

المشاركة الأصلية كتبت بواسطة effat alghamdi انا كانت عندي نفس مشكلتك انقبلت ف كلية الاقتصاد المنزلي بس ما اتخصصت قعدت عام واخذت مواد عامة مطلوبة ف كل التخصصات ورفعت معدلي والترم التاني حولت وممكن انتي تاخذي مواد من كلية الحاسب كمواد حرة وبعدين لمن تحولي تنحسب لك بس لازم تشدي حيلك عشان ينرفع معاكي المعدل وخذي 5 او 6 مواد عشان ينرفع لانه اقل من كذا مو كثير حيتاثر المعدل واذا جبتي المعدل المطلوب ع طول يحولوكي وانا اعرف بنات ف الكيميا مرة مبسوطين يقولو تخصص مرة سهل وممتع بعكس الفيزيا .. بالتوفيق

انا شفت المواد المشتركه فالاحصاء مع الحاسب كانت برمجه 1 وثقافه وعربي ونظريه الاحتمالات شي زي كدا بحاول اشد حيلي فيها بس انا ماني فاهمه ايش هرجه المواد الحره يعني يمديني م اخد ولا ماده من للمواد الاساسيه فالاحصاء واخد المشتركه بس وماده من الي يدرسوها الحاسب ولا فالترم الاول ولا التاني

والله يسعدكك يارب ويوفققكك

[Effat AlGhamdi]

المواد الحرة يعني تقدري تاخذي اي ماده من اي كلية من اي مكان كل تخصص لازم تاخذي مادتين وبعض التخصصات ثلاث مواد حرة انا لمن كنت ف كلية الاقتصاد المنزلي اخذت اسس تغذية وكم مادة من نفس الكلية بعدين لمن حولت حسبولي هيا مواد حرة فانتي لمن تكوني ف العلوم تاخذي من الحاسب مواد تنحسب لك حرة ولمن تحولي للحاسب تصير لك مواد اساسية .. ان شالله يكون شرحي واضح

[Alosh.M]

المشاركة الأصلية كتبت بواسطة effat alghamdi المواد الحرة يعني تقدري تاخذي اي ماده من اي كلية من اي مكان كل تخصص لازم تاخذي مادتين وبعض التخصصات ثلاث مواد حرة انا لمن كنت ف كلية الاقتصاد المنزلي اخذت اسس تغذية وكم مادة من نفس الكلية بعدين لمن حولت حسبولي هيا مواد حرة فانتي لمن تكوني ف العلوم تاخذي من الحاسب مواد تنحسب لك حرة ولمن تحولي للحاسب تصير لك مواد اساسية .. ان شالله يكون شرحي واضح

ايوه فهمت عليكي الله يسعدكك يارب مرا تعبتكك معايا

[szoza]

انا كمان بكلية العلوم ليا سنة طالبة تحويل وجبت فوق المعدل المطلوب للتحويل بس للأسف م قبلوني وقعدولي ع درجة الرياضيات والإنجليزي هما طالبين فوق 85 وانا عندي 80 و 77 وللأن معلقة ومدري اش مصيري ومااقدر اكمل كيمياء أبداً أنا مو حابتها بس افضل شي بالعلوم بالنسبة ليا وكمان ابويا رافض اي تخصص غير الحاسب :( الله يسهلها بس
فجلست سنة فالعلوم كيمياء واخذت عربي 1 وثقافة1 واسس تغذية ( مادة حرة ) ومعمل كيمياء والترم الثاني عربي 2 وثقافة 2 وصحة فرد ( مادة حرة ) وامن وسلامة مختبرات ورفعت معدلي فوق اللي طالبينه ( هما طالبين 3.75 )