عندي استفسار مهم ضروري ردو عليا

[اعتبرني ذكرى وعدت]

مرحبا
انا عندي مشكلة في واحد من ضروسي تعتبر حالة مستعصية وانا مستغربة جدة كلها مافيها احد عارف حل لهالمشكلة انا كنت في الاردن بس للاسف عرفت انهم يقدرو يحلو مشكلتي غير قبل السفر بيوم يعني ماكنت حاقدر اسوي شي
المهم اقولكم عالحالة المستعصية
انا قبل 6 سنين عملت سحب عصب في الاردن وكنت اشتكي من ضرسي لما رجعت هنا وكل مااروح لدكتور يقول لازم يتلبس قبل 4 سنين تقريبا او 3 سنين مو فاكرة بالظبط متى جيت مستشفى الجامعه وفتحت ملف وعملتلي الدكتورة تلبيس الله يسعدها كانت زي العسل جلست فتره مااشتكي وبعد فتره رجع الالم القديم وبزياده الالم يجلس معايا 3 ايام او 4 ايام غير انو يوجعني اذني وراسي كمان يوجعوني وكنت ابلع في الادوية الين صارت ماتاثر حتى البروفين بطل ياثر
قبل كم شهر عملت اشعة تانية قالولي لازم عملية تنظيف عصب ومدري ايش كلام طويل قالولي اذا ماراح الالم لازم الضرس ينخلع لانه يمكن يكون فيه خراج تحت الضرس وانا 3ارباع مستشفيات جدة رحتها محد عارف ايش الحل غير واحد دكتور في المدار قال اذا تعرفي احد في مستشفى الجامعه خليه يحولك على دكتور خالد بالطو هوا يعرف يحللك مشكلتك
انا بس ابغى اعرف كيف اوصل للدكتور خالد بالطو وبنفس الوقت انا ابغى اعمل تقويم كيف الطريقة يعني اجي المستشفى واحجز ولا كيف؟؟
بس المهم عندي خالد بالطو كيف اوصلو لاني اغلب اللي اعرفهم يقولولي شايف نفسه ومحد بالساهل يقدر يوصلو
الله يخليكم اللي عنده حل يقولي عليه ويريحني الله يريحكم دنيا واخره يارب

[الحلم..!]

الله يسهلك ويرفع عنك ألمك ،

إنتِ روحي لعيادات المستشفى " الخاصه "

وكلمي الاستقبال هناك إنك تبغي موعد عند الدكتور خالد

والله يسهلك :|

[khlil saeed]

أهلين
أول شي احب اصحح معلومة انو د . خالد قمة ف الاخلاق وابدا مافيه شوفة نفس ع قولك
بالنسبة للموعد عنده ما ابغا اقولك صعب بس بوضح لك انو الدكتور رئيس قسم وكمان مدير مركز الأبحاث فما اعرف لو ينزل عيادات او لا بس حقولك عالطريقة الصحيحة عشان توصلي له
تجي تفتحي ملف ولما يسوولك الكشف تشرحي للدكتور قصتك ووقتها هوه يحولك للأخصائي او الاستشاري المناسب والموجود غالباَ يحولوك لطلاب الماجستير اللي يكون مشرف عليهم دكتور بروف سواء د. خالد او غيره في بروفات ع مستوى عالي زي د تركي هزازي ود ايمن جوهر و...إلخ
دا ايميل الدكتور بيرد عليه على طول لو حابة تتواصلي معاه مباشرة kbalto@kau.edu.sa
وكمان موجود عالفيسبوك وبيرد علطول
والله يعينكك ويشفيك