ساعدوني الله يخليكم مادري كيف ازاكر الحاسب

[Dr.Najlaa]

السلام عليكم
حبيت اسأل الدفعه الي كانت قبلي كيف زاكرو الحاسب انا الي سمعته سهل بس المنهج مقربع لانه استاذتنا تقول زاكرو الكتاب مع العرض والعرض لما نجي نحمله مو بس انا مايتحمل خليتها ترسلو على ايميلي وجاه مقربع والكلام ممسوح والطامه الكبرى في اجزاء عملي في العرض ماهي موجوده في الكتاب وماهي معروفه كيف نطبقها عملي طيب كيف ازاكرها
لله عليكم مره سرت خايفه من الحاسب بلييييييز الدفعه الي قبلي من وين زاكرتو العملي من الكتاب ولاالعرض ولا الاتنين وابغا الي جابو الفل المارك من وين زاكرو بلزبط هل اكتفي بل العملي في الكتاب ويجيبوامنه ولا كيف الله يخليكم ساعدوني اتمنى تجاوبو بسرعه لانه بدأ يتراكم عليا وشكرا:

[مودة.ع]

اول شي حملي السلايدات من وحدة مهارات الحاسب تاني شي العملي في وحدة المهارات موجود تدريبات للعملي انا كنت اذاكر منها
و لا تذاكري العملي من الكتاب ابداً ذاكريه من السلايدات و حملي التدريبات مهمة مهمة مرراا نفس الفكرة يجيبوها و شاملة لكل شي
و ليش تبي تذاكريه من دحين؟؟ في واحد يوم اجلسي عليه و خلاص ..
بالنسبه ليا انا كنت اعمل كدا :)
و الله يسهل لك

[Somaiah Yousef]

العرض عشان يفتح معاكي مزبوط فيه ملف لازم تحمليه
وتلاقيه ف وحدة مهارات الحاسب الالي .. تحت اخر شي بعد العروض

المذاكرة في يوم واحد زي ماقالت مودة
وممكن 3 ساعات بالكثير تكفيك

اول شي العرض اقريه مزبوط وافهميه
بعدين الكتاب اقريه ع السريع عشان لو فيه معلومات مو موجودة ف العرض

لكن لاتمسكيهم مع بعض ف نفس الوقت لانهم مو ماشين ع نفس الترتيب .. حيطفشك ويضيعكك

خلصي عرض بعدين كتاب

العملي من التدريبات والواجبات
انا ماكنت اذاكر للعملي .. كله كان معروف وسهل ف لاتشيلي هم

[رفّات حُلم]

جبت فل مارك في الحاسب الحمدلله.
مُزاكرتي كانت اول حااجة من الكِتاب ( قبل الاختبار بأسبوعين مع مزاكرة كل المواد )
أقرأ كنت الكلام اللي مكتوب وأجلس أطبّق عملي ( حتى في الاختبار النظري اذاكر نظري وعملي ) لانه تجي اسئلة عملية.
وبعدين امسك السلايدات اللي من موقع الحاسب واجلس ازاكرها وقت الاختبار..
مع العملي واطبق كمان وعادي :)
وكنت ازاكر في الاختبار النظري نظري وعملي من المصدرين.
بس لا تمسكيهم مع بعض لانه الترتيب مو زي بعض.
والعملي من العرض والواجبات.
وترا العملي مرررررة سهل وبمراحل من الواجبات اللي موجودة :*
موفقة .

[Delal Mohammed]

المشاركة الأصلية كتبت بواسطة مودة.ع اول شي حملي السلايدات من وحدة مهارات الحاسب تاني شي العملي في وحدة المهارات موجود تدريبات للعملي انا كنت اذاكر منها و لا تذاكري العملي من الكتاب ابداً ذاكريه من السلايدات و حملي التدريبات مهمة مهمة مرراا نفس الفكرة يجيبوها و شاملة لكل شي و ليش تبي تذاكريه من دحين؟؟ في واحد يوم اجلسي عليه و خلاص .. بالنسبه ليا انا كنت اعمل كدا :) و الله يسهل لك

التدريبات الي بوحده الحاسب الي بجدول ومكتوب تدريبات وسلايدات وواجبات وكذا ؟ لاني حملت التدريبات بس حسيتها مو مفهومه :s

[أسرار سامي♥]

السلام عليكم ورحمة الله وبركاته ♡
ماشاء الله البنات ما قصروا♡
الحاسب مادة سهله خفيفة لازم تعطيها حقها عشان تأخذي a+ بإذن الله
العملي حتى إذا كان سهل و أكثره عارفينه افتحي الكمبيوتر و أتدربي. عشان يثبت في عقلك ♡ موفقة