رأيكم في الجدول

[احلى الأسامي]

السلام عليكم ورحمة
جدولي مليان مواد ادبيه والمتبقي اصلا 12 ماده وزعت 6مواد لترمين
وممكن ازيد اذا حسيت انه ضغط شديد عليا

ف احتاج رأيكم بالاستاذات والمواد
مقدمه في الادب مس ايمان بوترعه
دراما وشعر مس خديجه باوزير
فكشن مع عمر باسلامه
نقد ادبي مع الشوكاني
نحو مع مس خلود السريحي

اي المواد تعتبر فرصه ف ما احذفها ابدا؟

[فيصل الحمراني]

وعليكم السلام
انا اللي اشوفة ماهو جدول هذا عملية انتحارية بحزااام ناسف هههههه

بصراحه المواد المضافة لديك دسمة جداا ويبيلها مجهوووووود وقت للمذاكرة وإن شاء الله الاخوان والمستشارين مايقصرون

[Tiger20]

وعليك السلام
عندنا بالانتظام ماتقدري تنزلي مواد آدبية الا اذا كملتي مقدمة فالادب
وكويس اذا قدرتي تنزليها ومارفض الاودس
بالنسبة للدكاترة
باسلامة ماقد اخذت معاه مواد لكن قد قابلت كثير طلاب مايمدحوه وانا ماعرفه صراحه
والشوكاني ماقد اخذت معاه بعد لكن فيه طلاب يمدحوه وطلاب مايمدحوه
وعلى حسب الكلام اللي اسمعه من الطلاب ان الشوكاني افضل من باسلامة
بالتوفيق لك ولجميع الطلاب

[متفائلة بالغد 55]

استني اول شيء قوليييلي كيف قدرتي تضيفي مواد ادبية مع المقدمة في الأدددب؟؟؟؟لأنو انا طلعت عيني وانا احاول اضيف مواد ادبية مع مقدمة في الأدب ومانفع وانا انتساب مثلك فقوليلي ايش عملتي عشان عرفتي تضيفهم عشان اضيفهم مثلك؟؟

انا شكلي هاعمل مثلك الترم الجاي واحط كل المواد الأدبية مرة واحدة عشان اخلص..

انا مستغربة اصلا الدكاترة والأستاذات هذا الترم للمواد!!المتعودين عليهم مش موجودين!! وكل مأبحث عن احد من الموجودين الآن الاقي الطلاب والطالبات مصورينهم دراكولا تعبولي نفسيتي بصراحة..وقررت اخذ المواد وابذل الأسباب واتوكل على الله فلو هاتنتظري الدكاترة والأستاذات فمارح تسجلي مواد..هذه السنة خصوصا انو غالبا يكونو نفسهم في الترم الثاني كمان :(

[حلم قريب]

تبي الصراحة ؟!
جدولك مرة دسم
كله مواد ادبية بس مادة وحدة لغوية
برأيي خذي مقدمة في الادب-فيكشن-مسرحية-نحو
وحطي معاهم مادة حرة او زيدي مادة لغوية
و نصيحة ثانية لاتاخذي مع استاذ واحد مادتين نفس الترم.

وبالتوفيق :)

[احلى الأسامي]

ضحكني اللي قال عمليه انتحاريه😂😂. انا حاسه اني بودي نفسي لستين داهيه كمان بس لانه اللي باقي اصلا 12 ماده وزعتها المسؤوله كذا

اللي تسأل كيف اضفت الادب قلت لانه باقيلي 12 ماده عالتخرج وزعتها مس جميله بالتساوي على ترمين بطلب وترجي مني يجزاها خير

[ابوالحمزة]

المشاركة الأصلية كتبت بواسطة احلى الأسامي السلام عليكم ورحمة جدولي مليان مواد ادبيه والمتبقي اصلا 12 ماده وزعت 6مواد لترمين وممكن ازيد اذا حسيت انه ضغط شديد عليا ف احتاج رأيكم بالاستاذات والمواد مقدمه في الادب مس ايمان بوترعه دراما وشعر مس خديجه باوزير فكشن مع عمر باسلامه نقد ادبي مع الشوكاني نحو مع مس خلود السريحي اي المواد تعتبر فرصه ف ما احذفها ابدا؟

جدولك بالمره حلو بشرط أن تكون الأستاذات اللي ماسكين المواد من اللي موصين عليهن زميلاتك في القسم و ما عندك إلا النحو يبغاله شوية تركيز

بالتوفيق يارب

[حلم قريب]

^
والله بكل أمانة الأستاذة دا الترم مشي الحال
خصوصا خديجة باوزير تاخذ معها مادتين مرة ما أنصحها
أول مرة أجربها بس يقولوا طيبة وتساعد في الدرجات بس أنا شايقة الوضع معها حايس , محاضرة ساعة وثلث وأنا مدري أيش تبى ؟
وهذا مو كلامي وحدي .. هذا كلام أغلب البنات في قروب الواتس
أستاذة الله يسامحها حواسة والمادة معاها عايمة .. هذا واحنا تعليم عن بعد ومعاها طول الترم
مابال الإنتساب اللي كلها ثلاث أسابيع تعطيهم المنهج أكيد قمة الحوسة !!!

ومس ايمان ماقابلت وحدة تمدحها, ويقولوا أخلاقها ضيقة والمادة معاها صعبة على حسب كلام زميلاتي أخذوا معاها المقدمة الترم الماضي.
عاد إنتِ لو تبي جربيها وشوفي :)

وأستاذ باسلامة كويس بس يبالك مجهود مضاعف معاه ويكون عندك القواعد الأساسية في الكتابة
يعني تكون كتابتك كويسة , وإن شاء الله تمشي معاه

مس خلود ماجربتها لكن فين ماتسمعي عنها مدح ماشاء الله

والشوكاني ماسمعت عنه ولا جربته