لكل طالبات الانتساب قسم اللغات الاوربيه بخصوص اساتذة هذا الترم 2017

[منال محمد الشهري]

السلام عليكم

عزيزاتي طالبات قسم الللغات الاوربيه

زي ما شفتو في الشعب كلها استاذات لهذا الترم 2017

وانا وكثير غيري نبغا نتخرج و نبغى معدل طيب ومانبغا تحطيم نفسيات و ضياع مجهودنا في الدراسه و المذاكرة وكمان والاهم من هذا كل(((ما نبغا درجاتنا لا تساوي الجهد المبذول )))

لانه في دكاترة و اساتذه يجعل الماده السهله صعبه, بمعنى انه فيه بعض أعضاء هيئة التدريس يصعب الماده و هيا سهله, وفيه العكس يسهل الماده و هيا صعبه و معقده و يبسطها ويجعلها في مستوى "امخاخانا " <بالعاميه.
يعني يخلي الماده في مستوى قدرة استيعاب الطالب و لا يعامل الطالب/ة وكأنه دكتور و على قدر من العلم و المعرفه و يعتقد انه على الطالب ان يلم بالعلم الي موجود عند الدكتور و يبغا الطالب يجاوب في الاختبار وكأنه خلص ماجستير و دكتوراه و ماشي في البروفيسوراه.

وفي بعض أعضاء هيئة التدريس بدون ذكر أسماء يقرأو فقط و يقلك الكتاب كله معانا و انتم عارفينهم كويس ياطالبات.
و البعض يشرح من سلايدز و يطلب الطالب/ة تذاكر من الكتاب طيب يا دكتور/ة انت ماشرحت الكتاب حضرتك بتشرح في مكان ثاني كيف تطلب مننا نذاكر من مكان ثاني غير الي قاعد تشرحو!!!
وفي بعض الدكاتره اسمحولي أقول الكلمه هذه مع انها ثقيله جداَ و اعذوروني و سامحوني عليها بس الكلمه الي راح اقولها هيا الوصف الوحيد وهيا ان في بعض الدكاتره هم "مصيبة" الطالب/ة ليش: لانة طال عمرهم في محاضرة البلاك بورد يفتح موقع ينسخ و يلصق منه و طول المحاضرة يقراْ من الموقع والطالب/ه ماعنده مادة يذاكر منها يعني ماعنده مرجع يذاكر منه يعني مافي شي يذاكر منه ياااااا الله على الاستهتار بالطالب/ة, طيب يا دكتور/ة حضرتك مانت فاهم الماده و قاعد تنسخ كلام الموقع الي حتى مايقول للطالب مثلاَ استعين بالموقع الفلاني لا لا لا ابداَ بالعكس روح يا طالب/ة ضيع و دبر نفسك في موقع و لا أي نيلة تذاكر منها , إن شاء الله يضيع و قتك كله وانت دور و تفهم نفسك انا مالي, والله ثم والله اني حتى بعد تفريغ المحاضرة يجيبلك شي في الاختبار ماذكرة في المحاضرة او قالك مش مهم النقطة الفلانيه و يجيبها في الاختبار! و الادهى انه حتى وهوا يقرأ من الموقع يغلط في نطق الكلمات يعني حضرتك بتقرأ من قدامك و كمان بتغلط دكتور ايه ده يابو دكتور << خلاص فصلت قسم بالله.

انا و كل الطلاب و الطالبات نبغا احد يدرسنا يفهمنا يشرحلنا يفسر لنا الأشياء المبهمه الأشياء الي فيها لبس الأشياء الي كطالب علم لا يعلمها و يحتاج احد يعلمو هيا و ينورو نبغا يضيف على المعلومات الي عندنا نبغا معلومات ترفع مستوانا العلمي نبغا كل ما استفدنا و استخدمنا المعلومه نقول جزاهم الله خير اساتذتنا هما الي علمونا , مانبغا احد يقرأ لنا الكتاب و يجي ماشي, تعال يا أستاذ/ة الله يسلمك حضرتك ماشرحت حضرتك قرأت فقط يا أستاذ/ة ياقدير فين الشرح و تسمع ذيك الكلمه والسلام عليكم و رحمة الله و يركاته و يقفل المحاضرة. وروح ياطالب/ة فرفر عشان تفهم بنفسك وروح يا طالب/ة انطحن عشان تفهم و لف العالم كلة عشان تقدر تفهم و تلم بالماده عشان لو انسألت في أي سؤال تعرف تجاوب.

المعروف جدأ ان المواد الادبيه كل شخص او مدرسه يفهما و يشرحها من منظور مختلف لذلك تلاقي الطالب انفرم مذاكرة من موقع معين بس الموقع لا يتناسب مع منظور الدكتور القدير فيحسبلو اجابتو غلط او مايعطيه الدرجه كامله لذلك المواد الادبيه زي الدراما القصص المسرحيه و شكسبير لابد من الي يدرس يوضح للطالب هوا ايش يبغا هوا من أي منظور شايف تحليل الماده.

يا ناس نبغى احد يشرحلنا و يعطينا (((مرجع محدد))) يتناسب مع الوقت المتاح للانتساب و بعدين حاسبنا على كل غلط في الاختبار اما لاشرح ولا مرجع تقعد تقرأ واخر شي تحاسبنا على كل غلطة. يعني الي ذاكر وجالو شلل في مخه من المذاكرة الا الا الا ماينقص درجات كثييييير و ما حياخذ درجه تساوي المجهود و الوقت الي بذله.

انا طولت عليكم أتمنى أتمنى أتمنى من إدارة القسم و من كل شخص له سلطه له طريقه على قسم الطالبات لغات أوربية يفتح لنا شعب مع الدكاترة التاليه أسمائهم.

1- الدكتور عمر باقبص (شكسبير - شعر).
2- الدكتور سلطان الحاتمي (صوتيات وعلم أصوات ونحو و صرف و لغويات تطبيقيه و اجتماعيه) وجميع المواد اللغويه. (والله ثم والله ثم والله اول مرة افهم الأصوات و اللغويات معاه) مع العلم اني رسبت مع الدكاترة المذكورين أعلاه و معاه جيبت 98!!!
3- الدكتور محمود عبداله السبحي.

و أي احد يساعدنا بوضع أسماء الدكاترة الي يشرحو و يعطو الطالب مرجع للمذاكرة يتكرمو و يكتبو أسمائهم.

طبعاَ فيه غيرهم كثير بس هذولا الي لي تجربه معاهم.


خلاص يا ناس ارحمو من في الأرض يرحمكم من في السماء انا تخرج ابغا اتخرج وغيري كثير.

الرجاء إيصال الرساله للأشخاص المعنين .

والصلاة و السلام على اشرف الخلق نبينا و حبيبنا محمد عليه الصلاة و السلام.

[منال محمد الشهري]

و اضيف اخر شي انه بعض الدكاتره يتكلم في المحاضرة ب توون واحد وكأنه آلة مبرمجه قاعدة تقرأ يعني بنبرة صوت وحده وعادة تكون هاديه تخلي الطالبه تسرح و تضيق في المحاضرة فين فن الالقاء فين مهارات الالقاء والتدريس ترفع النبرة في مواضع و تخفض النبرة في مواضع تسرع في مواضع و تبطئ في مواضع يخلك تركز و يشد انتباهك غصب وبالتالي تفهم الكلام و تقدر تلحق الكلام مو يبغالك كيلو قهوه تشرب عشان تركز الا يبغالك تاكل البن زي ماهوا عشان تقعد مصحصح ويالله يالله تقعد مركز و منتبه و تقدر تلحق الكلام .

ارجوكم سامحوني اذا غلطت في شيئ بس من شدة الإحساس بالظلم و كأني مربطه و مالي احد يسمعني انا و غيري كثييييير والموضوع في مصلحة الجميييييييييع, كل ماسعيتم في هذا الموضوع كل مانتم استفدتم و حصلتم على معدل تخرج يناسب مجهوداتكم . واذا اهملتوه كلنا متضررين أتمنى تشدو همتكم يابنات بجعل الدكاترة المذكورة أسمائهم هم الي يدرسونا

وصلو راينا و طلباتنا لادارة القسم ارجوكم

[منال محمد الشهري]

و علشان لاتقولو اني كسوله او تبغى السهل الممتنع او ماتبغى تذاكر او مهمله او او او انا الحمدلله معدلاتي الفصليه مرتفعه جدأ وماخذه شهادات تفوق بتوفيق من الله و لله الحمد

[حلم قريب]

ماراح أقول عنك كسولة لأني عشت الوضع و أعرفه كويس وفيه ظلم للطالبات
لكن حطي تحت كلمة لكن مليون خط , بقول كلمة حق
كل الطالبات يحبوا عمر باقبص و سلطان الحاتمي و السبب برأيي أحيانا في تحديد المنهج بشكل ممكن يضر الطالب و الأسئلة في النهائي تكون موضوعية
وطبعا هذا النوع من الأسئلة عشق الطالبات لأنهم مايحبوا الكتابة , ويكرهوا الأساتذة اللي اسئلتهم مقالية لأنهم مايحبوا يكتبوا
المشكلة إنهم يتخرجوا و مايعرفوا يكتبوا جملة صح , لأنو للأسف كثير من الطالبات هدفهم الدرجات وبس
فأشوف إنو بعض الأساتذة رغم صعوبة الدراسة معهم لكننا بنستفيد منهم لأنهم يخلونا غصبنا عننا نشد حيلنا و نطور من نفسنا
أنا جربت أدرس مع أستاذ كثير يسبوه بنات و أولاد وإنو صعب ومعقد وووو
لكن لما درست معاه والله تعلمت واستفدت كثير

فالخلاصة : قسمنا يحتاج لجهد و مثابرة وصدقيني الدرجات مو كل شي و الأسئلة الموضوعية شيء مدمر
والمنهج المحدد الي المحذوف فيه أكثر من الداخل فيه, مابيفيدك, صح بتاخذي الدرجة اللي نفسك فيها لكن صدقيني هذا مو لصالحك

[منال محمد الشهري]

المشاركة الأصلية كتبت بواسطة حلم قريب ماراح أقول عنك كسولة لأني عشت الوضع و أعرفه كويس وفيه ظلم للطالبات لكن حطي تحت كلمة لكن مليون خط , بقول كلمة حق كل الطالبات يحبوا عمر باقبص و سلطان الحاتمي و السبب برأيي أحيانا في تحديد المنهج بشكل ممكن يضر الطالب و الأسئلة في النهائي تكون موضوعية وطبعا هذا النوع من الأسئلة عشق الطالبات لأنهم مايحبوا الكتابة , ويكرهوا الأساتذة اللي اسئلتهم مقالية لأنهم مايحبوا يكتبوا المشكلة إنهم يتخرجوا و مايعرفوا يكتبوا جملة صح , لأنو للأسف كثير من الطالبات هدفهم الدرجات وبس فأشوف إنو بعض الأساتذة رغم صعوبة الدراسة معهم لكننا بنستفيد منهم لأنهم يخلونا غصبنا عننا نشد حيلنا و نطور من نفسنا أنا جربت أدرس مع أستاذ كثير يسبوه بنات و أولاد وإنو صعب ومعقد وووو لكن لما درست معاه والله تعلمت واستفدت كثير فالخلاصة : قسمنا يحتاج لجهد و مثابرة وصدقيني الدرجات مو كل شي و الأسئلة الموضوعية شيء مدمر والمنهج المحدد الي المحذوف فيه أكثر من الداخل فيه, مابيفيدك, صح بتاخذي الدرجة اللي نفسك فيها لكن صدقيني هذا مو لصالحك

عزيزتي و اختنا الغاليه حلم قريب
والله اني ازعل في قلبي و انقهر لمن تكون الأسئلة سهله و موضوعيه تخيلي!!! نعم ازعل جدأ واحس اني برضو انظلمت لاني استعديت بطريقه تفوق الاختبار وأتمنى أوضح للأستاذ المستوى حقي الفعلي .
احب أسلوب د. عمر يخليكي تكرفي و تفهمي و تتعلمي فوكابلري جديد و صياغة جمل في أسلوب متقدم جداَ في الإنجليزي و أسلوب في الالقاء رائع و اختبارته مقاليه كويس اذا كفانا الوقت لكن اانتهي من المحاضرة و انا فاهمه الي بتكلم عليهم بيقرأو الكتاب يعني محاضرة قراءه مابتتعب نفسها و تشرح كذلك سلطان الحاتمي اسلوبو يشد الانتباه و يشرح من قلبو و تفهمي معاه بسبب انة منظم ومحدد منهج مو اشرح للبنات من سلايدز ونقاط معينه و اقلهم ذاكرو الكتاب طيب خلاص اشرحي من الكتاب عشان نفهم ولا ندوخ وندور المعلومه في الكتاب يعني جهد مضاعف مارح يفيدني في شي يعني اضيع وقت عشان بس اربط السلايدز بالكتاب و بعد ما اربط المنهج كله في الكتاب ابدأاذاكر طيب ليه ليه اضيع وقتي ليش ماعندي مرجع واحد فقط اما الكتاب او السلايدز و خذي مني هذه المعلومه الطالب الحريص حيبذل كل ملفي وسعه عشان يفهم و يذاكر و يجيب درجات و الطالب المهمل والله لو تجيبيلو أسئلة الاختبار ماراح يجيب الدرجه كامله لاتقولي ببالغ اقسم بالله وحده أمها في مدرسه و تجيبلها الأسئلة ولا تعرف تجاوب ولاتجيب الدرجه ف المجتهد مجتهد سواء مع دكتور متساهل او دكتور متشدد و المهمل مهمل لو ايش ماراح يذاكر و يتعب نفسه

الزبد نبغا دكاترة يشرحو و يحددو منهج نذاكرة (يعني يا كتاب يشرحو منه و نأشر معاهم و يسألوني فيه في الاختبار او سلايدز يشرحوها و يسألوني عليها في الاختبار) اما انو يدوخنا ب كذا مرجع مايصير والاهم انهم يشرحوووووووو يشرحو يعني مثلاً د.سلطان لمن وحده تسأل سؤال يوقف يجاوبها و يشرح مرة و اثنين و البنات على طول متفاعلين معاه وحتى باقبص يخلي الوحد تجاوب بنفسها و تعبر مو يقمع الطالب و يبغى منه أسلوب واحد وكلام واحد وطريقه وحده والاهم من ذا انك تطلعي فاهمه المنهج فهم صح وأضاف الى علمك وارتقيتي بعلمك لمستوى اعلى و ارجع د.سلطان بقلك رسبت في مادة و معاه نجحت فيها تقريباأ بالدرجه كامله هذا ايش معناه بالله هل معناه انه مايشرح ومايفهم لا طعاَ العكس معناه انه شرح و المعلومات و صلت وزاد على علمي و فيه بنات كثير ماجابو معاه As يعني عادي زيو زي أي دكتور وهوا مايحذف هوا حددلنا منهج كامل شامل جميع المقرر لكن حدد لنا كتاب او أوراق نرجعلها مو ولا أوراق و لا كتاب و لا سلايدز ولا شيرح اقلك في بعضهم محاضرة قرااااااااءه والله محاضرة قراااءه ولو تلاحضي انا ماكتبت هرموش مع انه جدأ يسهل و يختصر لا لا لا احنا نبغا شرررررررررررررح نبغى نفففففففففففهم نبغى يحددو يا سلايدز يا كتاب. وبس

[حلم قريب]

المشاركة الأصلية كتبت بواسطة منال محمد الشهري عزيزتي و اختنا الغاليه حلم قريب والله اني ازعل في قلبي و انقهر لمن تكون الأسئلة سهله و موضوعيه تخيلي!!! نعم ازعل جدأ واحس اني برضو انظلمت لاني استعديت بطريقه تفوق الاختبار وأتمنى أوضح للأستاذ المستوى حقي الفعلي . احب أسلوب د. عمر يخليكي تكرفي و تفهمي و تتعلمي فوكابلري جديد و صياغة جمل في أسلوب متقدم جداَ في الإنجليزي و أسلوب في الالقاء رائع و اختبارته مقاليه كويس اذا كفانا الوقت لكن اانتهي من المحاضرة و انا فاهمه الي بتكلم عليهم بيقرأو الكتاب يعني محاضرة قراءه مابتتعب نفسها و تشرح كذلك سلطان الحاتمي اسلوبو يشد الانتباه و يشرح من قلبو و تفهمي معاه بسبب انة منظم ومحدد منهج مو اشرح للبنات من سلايدز ونقاط معينه و اقلهم ذاكرو الكتاب طيب خلاص اشرحي من الكتاب عشان نفهم ولا ندوخ وندور المعلومه في الكتاب يعني جهد مضاعف مارح يفيدني في شي يعني اضيع وقت عشان بس اربط السلايدز بالكتاب و بعد ما اربط المنهج كله في الكتاب ابدأاذاكر طيب ليه ليه اضيع وقتي ليش ماعندي مرجع واحد فقط اما الكتاب او السلايدز و خذي مني هذه المعلومه الطالب الحريص حيبذل كل ملفي وسعه عشان يفهم و يذاكر و يجيب درجات و الطالب المهمل والله لو تجيبيلو أسئلة الاختبار ماراح يجيب الدرجه كامله لاتقولي ببالغ اقسم بالله وحده أمها في مدرسه و تجيبلها الأسئلة ولا تعرف تجاوب ولاتجيب الدرجه ف المجتهد مجتهد سواء مع دكتور متساهل او دكتور متشدد و المهمل مهمل لو ايش ماراح يذاكر و يتعب نفسه الزبد نبغا دكاترة يشرحو و يحددو منهج نذاكرة (يعني يا كتاب يشرحو منه و نأشر معاهم و يسألوني فيه في الاختبار او سلايدز يشرحوها و يسألوني عليها في الاختبار) اما انو يدوخنا ب كذا مرجع مايصير والاهم انهم يشرحوووووووو يشرحو يعني مثلاً د.سلطان لمن وحده تسأل سؤال يوقف يجاوبها و يشرح مرة و اثنين و البنات على طول متفاعلين معاه وحتى باقبص يخلي الوحد تجاوب بنفسها و تعبر مو يقمع الطالب و يبغى منه أسلوب واحد وكلام واحد وطريقه وحده والاهم من ذا انك تطلعي فاهمه المنهج فهم صح وأضاف الى علمك وارتقيتي بعلمك لمستوى اعلى و ارجع د.سلطان بقلك رسبت في مادة و معاه نجحت فيها تقريباأ بالدرجه كامله هذا ايش معناه بالله هل معناه انه مايشرح ومايفهم لا طعاَ العكس معناه انه شرح و المعلومات و صلت وزاد على علمي و فيه بنات كثير ماجابو معاه as يعني عادي زيو زي أي دكتور وهوا مايحذف هوا حددلنا منهج كامل شامل جميع المقرر لكن حدد لنا كتاب او أوراق نرجعلها مو ولا أوراق و لا كتاب و لا سلايدز ولا شيرح اقلك في بعضهم محاضرة قرااااااااءه والله محاضرة قراااءه ولو تلاحضي انا ماكتبت هرموش مع انه جدأ يسهل و يختصر لا لا لا احنا نبغا شرررررررررررررح نبغى نفففففففففففهم نبغى يحددو يا سلايدز يا كتاب. وبس

في بداية دخولي للجامعة كنت طالبة انتساب لمدة سنتين و نصف وبعدها حولت عن بعد و أكملت عن بعد إلى التخرج
كنصيحة وحل لهذا الوضع حولي عن بعد , الدراسة جدا مختلفة عن الانتساب
والكتاب اللي تدرسيه في 3 أسابيع في دورات الانتساب بتدرسيه في 3 شهور على مهلك في التعليم عن بعد
فكري بجدية في التحويل و أنا كمجربة للاثنين أقولك عن بعد افضل بكثير

[منال محمد الشهري]

فكرت في الموضوع لكن انا الترم الجاي اذا ربي كتبلي ح اتخرج لذلك صرفت نظر

إن شاء الله يوصل الموضوع لادارة القسم ويحطولنا الدكاترة الي نبغاهم.

طيب اذا مافيها كلفة عليك تقوليلي مين ماسك القسم هل هي أ.جميلة مشطاطي او ايمان بو ترعه او مين و ارقام التواصل لا هنتي.

وشكراَ

[حلم قريب]

تقصدي ماسك القسم من أي ناحية؟!
من ناحية تعديل الجداول ومن ناحية طلب أساتذة محددين يبوهم الطالبات؟!
فهي مس جميلة وهذا ايميلها external2010@gmail.com

بالتوفيق

[bety]

المشاركة الأصلية كتبت بواسطة منال محمد الشهري السلام عليكم عزيزاتي طالبات قسم الللغات الاوربيه زي ما شفتو في الشعب كلها استاذات لهذا الترم 2017 وانا وكثير غيري نبغا نتخرج و نبغى معدل طيب ومانبغا تحطيم نفسيات و ضياع مجهودنا في الدراسه و المذاكرة وكمان والاهم من هذا كل(((ما نبغا درجاتنا لا تساوي الجهد المبذول ))) لانه في دكاترة و اساتذه يجعل الماده السهله صعبه, بمعنى انه فيه بعض أعضاء هيئة التدريس يصعب الماده و هيا سهله, وفيه العكس يسهل الماده و هيا صعبه و معقده و يبسطها ويجعلها في مستوى "امخاخانا " <بالعاميه. يعني يخلي الماده في مستوى قدرة استيعاب الطالب و لا يعامل الطالب/ة وكأنه دكتور و على قدر من العلم و المعرفه و يعتقد انه على الطالب ان يلم بالعلم الي موجود عند الدكتور و يبغا الطالب يجاوب في الاختبار وكأنه خلص ماجستير و دكتوراه و ماشي في البروفيسوراه. وفي بعض أعضاء هيئة التدريس بدون ذكر أسماء يقرأو فقط و يقلك الكتاب كله معانا و انتم عارفينهم كويس ياطالبات. و البعض يشرح من سلايدز و يطلب الطالب/ة تذاكر من الكتاب طيب يا دكتور/ة انت ماشرحت الكتاب حضرتك بتشرح في مكان ثاني كيف تطلب مننا نذاكر من مكان ثاني غير الي قاعد تشرحو!!! وفي بعض الدكاتره اسمحولي أقول الكلمه هذه مع انها ثقيله جداَ و اعذوروني و سامحوني عليها بس الكلمه الي راح اقولها هيا الوصف الوحيد وهيا ان في بعض الدكاتره هم "مصيبة" الطالب/ة ليش: لانة طال عمرهم في محاضرة البلاك بورد يفتح موقع ينسخ و يلصق منه و طول المحاضرة يقراْ من الموقع والطالب/ه ماعنده مادة يذاكر منها يعني ماعنده مرجع يذاكر منه يعني مافي شي يذاكر منه ياااااا الله على الاستهتار بالطالب/ة, طيب يا دكتور/ة حضرتك مانت فاهم الماده و قاعد تنسخ كلام الموقع الي حتى مايقول للطالب مثلاَ استعين بالموقع الفلاني لا لا لا ابداَ بالعكس روح يا طالب/ة ضيع و دبر نفسك في موقع و لا أي نيلة تذاكر منها , إن شاء الله يضيع و قتك كله وانت دور و تفهم نفسك انا مالي, والله ثم والله اني حتى بعد تفريغ المحاضرة يجيبلك شي في الاختبار ماذكرة في المحاضرة او قالك مش مهم النقطة الفلانيه و يجيبها في الاختبار! و الادهى انه حتى وهوا يقرأ من الموقع يغلط في نطق الكلمات يعني حضرتك بتقرأ من قدامك و كمان بتغلط دكتور ايه ده يابو دكتور << خلاص فصلت قسم بالله. انا و كل الطلاب و الطالبات نبغا احد يدرسنا يفهمنا يشرحلنا يفسر لنا الأشياء المبهمه الأشياء الي فيها لبس الأشياء الي كطالب علم لا يعلمها و يحتاج احد يعلمو هيا و ينورو نبغا يضيف على المعلومات الي عندنا نبغا معلومات ترفع مستوانا العلمي نبغا كل ما استفدنا و استخدمنا المعلومه نقول جزاهم الله خير اساتذتنا هما الي علمونا , مانبغا احد يقرأ لنا الكتاب و يجي ماشي, تعال يا أستاذ/ة الله يسلمك حضرتك ماشرحت حضرتك قرأت فقط يا أستاذ/ة ياقدير فين الشرح و تسمع ذيك الكلمه والسلام عليكم و رحمة الله و يركاته و يقفل المحاضرة. وروح ياطالب/ة فرفر عشان تفهم بنفسك وروح يا طالب/ة انطحن عشان تفهم و لف العالم كلة عشان تقدر تفهم و تلم بالماده عشان لو انسألت في أي سؤال تعرف تجاوب. المعروف جدأ ان المواد الادبيه كل شخص او مدرسه يفهما و يشرحها من منظور مختلف لذلك تلاقي الطالب انفرم مذاكرة من موقع معين بس الموقع لا يتناسب مع منظور الدكتور القدير فيحسبلو اجابتو غلط او مايعطيه الدرجه كامله لذلك المواد الادبيه زي الدراما القصص المسرحيه و شكسبير لابد من الي يدرس يوضح للطالب هوا ايش يبغا هوا من أي منظور شايف تحليل الماده. يا ناس نبغى احد يشرحلنا و يعطينا (((مرجع محدد))) يتناسب مع الوقت المتاح للانتساب و بعدين حاسبنا على كل غلط في الاختبار اما لاشرح ولا مرجع تقعد تقرأ واخر شي تحاسبنا على كل غلطة. يعني الي ذاكر وجالو شلل في مخه من المذاكرة الا الا الا ماينقص درجات كثييييير و ما حياخذ درجه تساوي المجهود و الوقت الي بذله. انا طولت عليكم أتمنى أتمنى أتمنى من إدارة القسم و من كل شخص له سلطه له طريقه على قسم الطالبات لغات أوربية يفتح لنا شعب مع الدكاترة التاليه أسمائهم. 1- الدكتور عمر باقبص (شكسبير - شعر). 2- الدكتور سلطان الحاتمي (صوتيات وعلم أصوات ونحو و صرف و لغويات تطبيقيه و اجتماعيه) وجميع المواد اللغويه. (والله ثم والله ثم والله اول مرة افهم الأصوات و اللغويات معاه) مع العلم اني رسبت مع الدكاترة المذكورين أعلاه و معاه جيبت 98!!! 3- الدكتور محمود عبداله السبحي. و أي احد يساعدنا بوضع أسماء الدكاترة الي يشرحو و يعطو الطالب مرجع للمذاكرة يتكرمو و يكتبو أسمائهم. طبعاَ فيه غيرهم كثير بس هذولا الي لي تجربه معاهم. خلاص يا ناس ارحمو من في الأرض يرحمكم من في السماء انا تخرج ابغا اتخرج وغيري كثير. الرجاء إيصال الرساله للأشخاص المعنين . والصلاة و السلام على اشرف الخلق نبينا و حبيبنا محمد عليه الصلاة و السلام.

جزاك الله خير وصراحة قلتي كل الي قي قلبي .. كنت اظن اني الوحيدة الي تعاني ...ضعت كثير ورسبت كثير والحين انا ببلش السنة الخامسة بسبة هالشي .. ببرودهم وتعجيزهم للامور بدون اهتمام لمجهود الطالب والمبالغ الي يدفعها والاهم للي يسافرون مثل حالي ساعات ومايدرون يرجعون لاهلهم والا لا .. وبكل بساطه يجي استاذ والا استاذه بشرح فاشل وعقيم يتفنن باسالة الاختبارلت التعجيزيه الي ماتناسب شرحه واخص فئة الاناث مو الكل بس الكثير ,, واتمنى يراعون ضمايرهم ويتجنبون الدعاوي لاني عن نفسي تحسبت كثير

[ghammf0e]

انا والله اظم صوتي لصوت منال وبشدة
صراحه احنا التخرج نبغى دكاتره متفهمين لوضعنا ك أنتساب وحاجتنا الضروريه لدرجات عاليه كوننا تخرج
يعني كفايتنا تعذيب على يد دكاتره ودكتورات صراحه طرحهم للمواد و تنظيمهم للاسئلة التعجيزيه وتوزيعهم للدرجات والتصحيح غير عادل احيانا
مو كفايه علينا أنو شهادات الأنتساب مو معتمده باقي كمان مايبغونا ننجح بمعدل محترم؟؟؟
ويا عالم اصلا يعتمدون شهاداتنا في المستقبل ولا تجلس طول عمرها مجرد كلام وارقام على ورق
وبالنسبه للأخت الي تقول احنا نبغى السهل و المريح
هو فعلا معاك حق في كلامك
بس الحق اننا نستاهل في ترم التخرج نرتاح نفسياً ونرفع من درجاتنا شويه بعد السنين ذي
يعني هذا بدال ما اخذ الماده مع دكتور/هـ اختباراته معقده والواحد يجلس شايل هم الدرجه والنجاح حتى لو هو أنجز في الأختبار كله بسبب الدكتور/هـ
اخذها مع دكتور/هـ طيب وروحه تتقبل النقاش و بسيط في شرحه وفي اختباره واهم شي يخاف الله في طلابه ويراعيهم ويتفهم حالتنا
في النهايه اتمنى صدق صدق من كل قلبي هذا الترم يحطون اساتذه فعلا يكون همهم التعليم والطالب ويراعون..
أسأل الله ان يوفقنا وياخذ بيدنا لطريق النجاح والسعاده والتوفيق ويحط في طريقنا كل شخص يخاف الله وبعد عنا الشرور