الحذف والإضافة. انتبهوا (مهم جدا)!!!!

[ابو محمد 2009]

السلام عليكم
ياشباب اللي باقي له ترمين أو ثلاثة على التخرج لازم ينتبه لا يعطل نفسه ترم اضافي على مادة واحدة:

الموضوع: الجامعة تمنع أخذ المادة ومتطلبها في نفس الترم
ولنفرض واحد يبغا ياخذ مادة bus 476 و المطلوب لها bus 473 وللأسف ماقد أخذها. جا ياخذها طلع لها مطلوب bus 345. و تخرجه نهاية السنة القادمة فرضا. يعني يبغا له ثلاثة أترام. بالعربي ياخذ bus 345 صيفي ضروووووووري و ضروووري يعديها ولا يتأخر ترم عشان مادة.

التخطيط مهم جدا, غضوا النظر عن المادة السهلة في الصيفي إذا كان فيه متطلبات ماقد أخذتها.

اسأل الله أن يوفق الجميع لما يحب و يرضى

وعاشت الأرانب ذخرا

[Hard 2 Reach]

كلام صحيح 100 % يعطيك العافيه ابو محمد وبالتوفيق للجميع

[ابو محمد 2009]

شرفتنا بطلتك الجميلة
تو ماأشرق الموضوع

[حسين القحطاني]

الله يعطيك العافيه


مثلي ما تخرجت في الترم الأول عشان متطلب لماده ثانيه .. وآجلتها وخذيت معها مادتين صيفي لأني حذفت الترم الماضي والا كان تخرجت من الترم الأول..


تحياتي لك أخوي ..


ومشكور على التنويه

[ابو محمد 2009]

المشاركة الأصلية كتبت بواسطة حسين القحطاني الله يعطيك العافيه مثلي ما تخرجت في الترم الأول عشان متطلب لماده ثانيه .. وآجلتها وخذيت معها مادتين صيفي لأني حذفت الترم الماضي والا كان تخرجت من الترم الأول.. تحياتي لك أخوي .. ومشكور على التنويه

شكرا على المعلومة أخوي حسين
للمعلومية: ممكن يكون فيه تجاوزات من قبل إدارة الجامعة للطلاب المتخرجين
وأيضا ممكن عطل من السيستم يسمح لك تسجل مادة و متطلبها في نفس الترم
الأمرين حصلوا مع طلاب متعددين

لكن (ليكن) بالهندي
الجادة ولو طالت ورتب أمورك يالطالب ولا تخلي لأحد منة عليك. خصوصا انه لا يخفاكم حسن أخلاق بعض منسوبي الجامعة الشديد

ودامت الأرانب ذخرا

[عبدالعزيز الصالح]

المشاركة الأصلية كتبت بواسطة ابو محمد 2009 السلام عليكم ياشباب اللي باقي له ترمين أو ثلاثة على التخرج لازم ينتبه لا يعطل نفسه ترم اضافي على مادة واحدة: الموضوع: الجامعة تمنع أخذ المادة ومتطلبها في نفس الترم ولنفرض واحد يبغا ياخذ مادة bus 476 و المطلوب لها bus 473 وللأسف ماقد أخذها. جا ياخذها طلع لها مطلوب bus 345. و تخرجه نهاية السنة القادمة فرضا. يعني يبغا له ثلاثة أترام. بالعربي ياخذ bus 345 صيفي ضروووووووري و ضروووري يعديها ولا يتأخر ترم عشان مادة. التخطيط مهم جدا, غضوا النظر عن المادة السهلة في الصيفي إذا كان فيه متطلبات ماقد أخذتها. اسأل الله أن يوفق الجميع لما يحب و يرضى وعاشت الأرانب ذخرا

يابو محمد
تراها انظمة مقيدة لمن يتعامل مع النظام
لاكن لو الواحد يروح للجامعة تراهم ميقصروا
الترم الماضي راجعتهم عشان عندي مواد كثير ويحتاج انجازها وفقا للنظام ربما خمس او ست اترام اضافية
راجعت الكلية التابع لها وهي كلية ادارة الاعمال اضافة الى الدكتور سعود مندورة على ما اعتقد ، المهم دكتور مكتبه في اقصى اليمين من الدور الارضي في مبنى تسجيل المواد
بصراحة ماقصروا
الدكتور سعود مندورة وافق اسجل ثلاث مواد متسلسلة في التطلبات في الترم الماضي
بعد ان ابديت لهم رغبتي بالتخرج في الفصل الصيفي ، كما وافق دكتور لا اتذكر اسمه في كلية ادارة الاعمال شكله اقرب الى اشكال الاماراتيين نحيف بلحية خفيفة مثل اللحى الاماراتية شكله سمح ويسعى للمساعدة ، مكتبه في مبنى كلية ادارة الاعمال في الدور الرابع بمنحي 20 ساعة ووافق لي ايضا بان اخذ الكثير من المواد ومتطلبها لايسعني غير الدعاء له بان ييسر الله اموره ، وهو ما ساعدني في الترم الصيفي لاخذ المتبقي من المواد 11 ساعة متبقية

خلاصة الكلام .. من يقصر تعامله مع الانظمة الالكترونية سيواجه مشاكل كثيرة تعيق تخرجه .. ومن يراجع في الجامعة سيجد تعامل اخر خاصة ان وصل الى الشخص المناسب صاحب الصلاحية

لذا انصح اخواني بان يذهبوا الى الشخص المختص بالجامعة في حال وجود مادة ومتطلبها
وعدم الاقتناع بانه لايمكن تسجيل المادة ومتطلبها حتى ان وجدت شخص بالجامعة يقول لك ذلك فاعلم بانه ليس صاحب الصلاحية او لايعلم فين الله حاطه
اليكم صورة من جدول للترم الماضي والذي يوضح اخذي لـ 20 ساعة اضافة الى اخذي لمواد مع متطلباها علما بان الترم الذي سبقه ايضا اخذت مواد ومتطلبها ولله الحمد وفقت بها جميعا
المهم ان تذهب للشخص المناسب وتتحدث اليه بحوار ايجابي .. واعلم اخي الكريم بان الدكاترة لديهم صلاحيات فان اقنعتهم بحوار ايجابي واحترام مدهون بالزبده فسيعملوا لك المستحيل ، حيث لايوجد في الجامعة مستحيل

[ابو محمد 2009]

مشكور ياأخوي عبد العزيز على التوضيح ووفقك الله في أمرك كله.

شوف ردي رقم 5. نعم فيه امكانية... بس فيه احتمال تسمع " لا " وارد برضه.
و بعدين من فيه شده يروح جده (شاعر)!!

كلامي وأنا أخوك تحت بند " الجادة ولو طالت"

وفق الله الجميع لما يحب ويرضى

[سنكولا]

روحة جدة مو مشكلة قل تستاذن يوم مايضر لكن هل تضمن انك تخلص امورك في يوم ؟؟ هل تضمن انك تلقاهم في يوم؟؟

بالنسبة لي رفض النظام يعطيني مواد اختيارية او حره وكانت الخيارات المتاحة لي كلها مواد اجبارية...

[nano valente]

لازم تروح تغير حالتك لمتوقع تخرجه اذا كنت معدي 100 ساعه وتشوف العز كيف ماعاد يجي شي اسمه تعارض كل

شي مفتوح لك