هل فكرتم مثلي؟؟

[كيوت كات]

بصراحة في سؤال دائما يخطر على بالي...
اول شي انا من المدينة وبصراحة لو تشوفو من دحين والله خايفة من اول يوم في الجامعة حاسة إني حأكون وحيدة بدون صحبات ولا احد....
ومره خايفة من دا الشي ....حاسة اني الوحيدة اللي بأفكر في دا الشي...
بس الوحدة والله مو حلوة وانا خايفة اني ما اتأقلم ؟؟؟
اتمنى تقولولي تجاربكم ؟؟
وشكرا

[Tomy]

حاله طبيعية جداً كلها أسبوع أو أسبوعين وتتأقلمي
أنا أعرف ناس زيك كانوا خايفين في البداية
لكن مع الأيام تأقلموا و إنبسطوا...))
بالتوفيق يااااارب

[.,.نيــــــــــــــــــــران.,.]

حتلاقين بإذن الله صديقات وأخوات لك في الله وحتحسين انك في ديرتك :)

بس إدعي الله إنه يبعدك عن رفيقات السوء أهم شي "اجلسي وحيدة ولا تجلسين معاهم"

الله يوفقك يارب

[sooma]

يا كيوت يا عزيزتي

انا دخلت الجامعة ولا معايا ولا وحدة من صحباتي

يعني بس كانو اللي معايا صحبات عاديين ..ايام المدرسة وكده

ودخلت الكلاس على أمل اني الاقي وحدة أعرفها

وللأسف مالقيت ولا وحدة أعرفها

جلست جنب وحدة من البنات وكنت خاااااااااايفة مرررررررررة

بس لما بدأت تتكلم معايا ارتحت شوية

وصرنا نتكلم مع بعض في الكلاس

والله لقيت بنات زي العسل

من مجتمعات مختلفة ..
وصدقيني من يوم الموعد راح تتأقلمي وتكلمي اللي جنبك

لانو في حالتكم أفتكر التوتر كان أكبر

فراح تتشاركي معاهم الهموم والتوتر
وترتاحي لما تعرفي انو في أحد زيك

وصدقيني أول سنة راح تنبسطي مررررررررة لانو راح تتعرفي على بنات وتمررون في ظروف صعبة
راح تتشاركو الفرحة والاحزان

والله اني زعلااااااانة اني غلقت السنة التحضيرية

مرررررررة انبسطنا فييها

وبالنسبة اللي راح تتعرفي عليهم راح يكونو معاكي طول الوقت في كل الكلاسات
وهدا الشي ميزة السنة التحضيرية

والله حتى في النت كانو البنات مررررررررررة متعاونين

وكنا نذاكر على النت ونسأل بعض وكل شي

وكللو حصل هنا في المنتدى

ولا تخافي مليون مررررررة

لانو اللي زي حالاتك كثييييييير وراح تلاقي أحلى الصحبات

وبس والله هدا الكلام نزلتو لك من قلبي

وان شاءالله اني ريحتك ولو بشي قليل

[Tomy]

كلام أختي sooma صحيح
لاتحملي هم شيء مايستحق إنك تتعبي نفسك عشانه .... تصدقين و الله ما كنت أبغى السنة
هذي تخلص لأني تعرفت على أصحاب جدد و كانوا طيبين رغم إني من النوع
المتحفظ " ما أتكلم مع أي واحد" ...))

[MNMO0ONA]

لا تشيلي هم هوا في البداية كدا بعدين راح تتاقلمي عادي

[Oxsgen]

ههههه لاتخاافي حتى انا من المدينة بس عايشة بجدة مرررة البنات طيوباات

انا مساري علمي يمكن نتقابل..

سلملم

[العمري(ويلي)]

المشاركة الأصلية كتبت بواسطة كيوت كات بصراحة في سؤال دائما يخطر على بالي... اول شي انا من المدينة وبصراحة لو تشوفو من دحين والله خايفة من اول يوم في الجامعة حاسة إني حأكون وحيدة بدون صحبات ولا احد.... ومره خايفة من دا الشي ....حاسة اني الوحيدة اللي بأفكر في دا الشي... بس الوحدة والله مو حلوة وانا خايفة اني ما اتأقلم ؟؟؟ اتمنى تقولولي تجاربكم ؟؟ وشكرا

لا تخافي حتى انا من المدينة بس انا ولد طبعا وان شاء الله كلنا بنلاقي الاصحاب والاصدقاء المميزين

وأبارك للجميع على القبول المبدئي

[شروق ..]

:( :(

هذ الموضوع اللي شايله همه من ذحين ..

الله يعيننا وييسر لنا الرفقه الصالحه ويبعد عننا رفيقات السوء :)

:)

[طالبه قيد القبول]

كيوووت ياقلبي عليك
مررره لاتشيلي هم أنا زيك خاايفه مرره إني ماأتأقلم وخصوصًا إنو صحبااتي ماأترشحوا معايا
إن شااء الله في الجااامعه بنلاقي أحلى ناااس وبنشيل هم زي دحين بس حيكوون على فراقهم أنا معاااك وإن شااء بالصدفه نتقاابل ونسيير صحبااات