أنا آسف على طول أنتظارك ....

[الفجر البعيد :]

السلام عليكم ..

كيف حالكم .. والله وصار لكم وحشة ..

مقدمة ..

(( غريب الدار ومناي التسلي .. أسلي خاطري عن حب خلّي ))

فأنتظارك ..


أنا آسف على طول أنتظارك
وعلى درب(ن) تباعد ليّ دارك
أنا من كثر ما تطري عليّه
توهّقت .. فدروبك وأنتشارك
فجيتك تارك(ن) ليلي ونجومه
أبي ضوّ(ن) مع طلة نهارك
أزورك من بعد شوق(ن) تعنّى
وازور لقلب عايش في جوارك
هجرني قلبي من لحظة وداعك
توجّهلك.. وخذ مني قرارك
لذلك .. كل مافيني تفاؤل
تعدّي حزن ماضينا بوقارك
تواضع لجل وقفاتي وناظر
لجل ورد يتنفّس من بخارك
وانا راضي بكل اللي تقوله
لو أنّك تحرق اثباتي بنارك
ترى من أسوأ الأشياء عندي
تبادلني.. شعوري باعتذارك
فلا تبخل عليّه.. يا غناتي
أنا وشعري ووردك فأنتظارك


وسلامتكم

لا تنسوني من ردودكم ..


(( ترى من أسوأ الأشياء عندي .. تبادلني شعوري .. باعتذارك ))