استفسار بسيط جدا عن المواد وارجوا الرد الواضح

[دافئ الإحساس]

سلملم يا احبتي في الله

رجعنا اليكم من جديد

سوري اني غبت عنكم دي الايام وحرمتكم عن ردودي او مواضيعي

الدنيا كلها مشاغل بس الله يشغلنا في طاعتوا .... آآآآآآآآآمين

الهرجة هييييا انو انا دحين في اول سنة راح اكون تحضيري طبعا

بس بالنسبة للمواد انا عارفها اش هييا

بس زي ما سمعت انها راح تكون كلها بالانجلش

صحيح دا الكلام ولا لا

ولا هييا بس الرموز بس انجلش

والشئ ايه رايكم

بدورة السعودي البريطاني

تنصحوني بييه ولا لا يسير اشوفلي شئ غيرو

وياريت ما تحرمونا من ردودكم المفيدة

ونشوفكم على خيير

[Mora]

كلو حيكووون بالانجليش

بس ترا ما يحتاج تاخد اي دورة او شي جنب الدراسة

حتتأقلم بسرعة و اغلبنا درسنا بدون ما ناخد دورات او شي مع انو اللغة كانت مضروبة بس تعدلت مع الوقت

و بالعكس حتحس انو الانجليش اسهل من العربي

بالتوفيق :)

[M!ss Mojy]

زي ماقالت مورا بالزبط

ان شاء الله ماراح تواجه مشكله في دراسه المواد بالانجليزي

يعني اللغة ماكانت عائق للطلاب ابدا

ومع الوقت راح تحس بسهولة المواد بالانجليزي خصوصا وانو الاختبارات كلها اختياري

بس هذا مايمنع انك تدخل دورة وتستفيد من وقتك

[surgeon]

زي ماقالو بالظبط

اقول ترى اغلبنا دخل الكلية وهو مااخذ دورات بس صدقني راح تتاقلم ع طول لاتشيل هم....بس لو قدرت تاخذ دورات ترى شئ حلو

تقبل مروري

سرجون

[مجتهدة ومستنية النتيجة]

كلام الدكاترة مية المية ..وعشان أريحك أكثر..الشرح حيكون أغلبه بالعربي,,

[mzat kau]

مالو داعي دورات =) الشرح بالعربي سهل مايبالو مرة =)