طيب والله ماني فاهمه شئ بخصوص القبول

[محتارهـ]

طيب أول شئ السلااامووو عليكوووم ..
أنا طالبه دووبني متخرجه من الثاانويـــه ، أبغى أقدم على سنه تحضيريه للكليات الصحيه ، بس أبغى أعرف وقف القبوول للنسبه الموزونه عند كم ؟؟



علماا انه نسبتي الموزوونه .. 83 ..


ونفسي أدخل تخصص علوم طبيه تطبيقيه ، أعرف انه لزم أجيب معدل أول شئ حلووو ..

بس لو سمحتوا جاوبولي على السؤال الأول وقف القبوول على كم ؟

اذا أي أحد عنده أي معلوومه .. الله يخليه لا يبخــل علي ..

[mzat kau]

ياحبيبتي اظن انو القبول خلاص خلاص وقف على 79

ومافي شي اسمو تحضيري للكليات الصحيه
لا التحضيري قسمين ادراي وانساني وعلمي والتاني هوا اللي تقدري منو علوم تطبيقيه
ولو جبتي معدل عالي فيها ان شا الله يتم قبولك بالكليه اللي تحبيها يعني اهم شي المعدل العالي =)

[mzat kau]

وبعدين العلمي لو درستي حتكون نفس المواد لكي وللي تبا العوم مثلا او كليه الحاسب يعني شامله لكل التخصصات العلميه
وبعدين لمن يجو على قبول الكليات الصحيه مثلا يشوفو الرغبات الي حطيتيها وكل وحده حسب معدلها تتخصص
وازا عندك اي سوال احنا حاضرين =) بالتوفيق ليكي ولينا

[عزة نفسي_تكفيني]

يالغلا لا تقوولي ماسجلتي ؟؟؟؟؟؟؟؟

التسجيل للسنه التحضيريه انتهى واللحين متاح انتساب بس

والسنه التحضيريه مو كل كليه لها سنه تحضيريه ..لاااا .. هي سنه تقدمي عليهااا وبس من غير تحديد كلياات بعد هالسنه حسب القسم والكليه اللي تبيهاا تتسكني فيهاا وطبعا حسب معدلكـ

وبالتوفيق يالغلا

مودتي ووردي

[محتارهـ]

شكرررررررا حبايبي والله ما تقصرون ..

طيب أنا عارفه انه التسجيل خلص .. بس أعرف وحده ممكن تدخلني ، لأني أساسا شرقاااويه بس والله أحب جده وأهلها ..

فعشاان كذا أســـأل ... لأنه الجامعات اللي عندنا مرره طالبين نسب عاليه، نقدم على التخصص على طول . فمثلا العلوم الطبيه وقف للبنات على 87 .. الحين .. فربي يسهل انشااااااااء الله ..

يالله،الله يسعدكــم ويوفقكم .. شكراا مرره ثانيــه ..

[mzat kau]

اهااا طيب كوويس يلا ان شا الله تدخلي
وادا تقنيه 87 مرة حلو ترا ومن جد ربنا يسهل للجميع
اميين يارب =)

[قلبي مملكه]

المشاركة الأصلية كتبت بواسطة mzat kau ياحبيبتي اظن انو القبول خلاص خلاص وقف على 79 ومافي شي اسمو تحضيري للكليات الصحيه لا التحضيري قسمين ادراي وانساني وعلمي والتاني هوا اللي تقدري منو علوم تطبيقيه ولو جبتي معدل عالي فيها ان شا الله يتم قبولك بالكليه اللي تحبيها يعني اهم شي المعدل العالي =)

كيف وقف على79 ونتايج التسكين ماطلعت ياليت توضحين

[mzat kau]

لا لا انا اتكلم عن القبول في الجامعه للسنه التحضيريه

مو القبول في كليه العلوم التطبيقيه:)

[unbreakable g!rl]

حبايبي ممكن تفهموني أكـتــــر !! والله مافهمت انا دحين علمي اتخرجت من الثانويه وانقبلت الحمدلله بالجامعه

ونفسي ادخل تغذيه كلينك .. بس لمن سجلت ماسألوني أييييي شي بس اعطوني البطاقه والسلام

بس مافهمت يعني فيه سنه تحضيريه خاصه بالعلوم التطبيقيه ولا على حسب السنه اللي حندرسها !!

وايش اعمل ؟! ماعطوني ورقه اختار ولا شي

الله يخليكمـ اللي عندها معلومات تطمني

[mzat kau]

ياحبيباتي دحين انتو اللي انقبلتو فيه هوا السنه التحضيريه المسار العلمي طيب

المسار العلمي دا تقدري تدخلي منو ( كليه العلوم الاقتصاد المنزلي الطب الصيدله الاسنان التمريض التقنيه الطبيه والطب الموازي اللي هوا نفس الطب العادي بس بدون مكافاه )

حتدرسو دحين في السنه التحضريه ( رياضيات فيزيا مهارات اتصال حاسب الي وانجليش واحياء وكيميا واحصاء وانجليش 102 ) مقسمه على ترمين اي سنه كامله

المطلوب منكم تجيبو معدلات عاليه يعني تشدو حيلكم علشان بعدين على نهايه الترم التاني من السنه التحضيريه حينزلولوكم ع الاودس طلبات التسكين في الكليات ترتبوها على حسب ماتبغو يعني اللي تبا تغذيه اكلينيكيه مثلا تحط اول شي التقنيه الطبيه وبعدو الرغبه اللي بعدها مثلا الطب وزي كدا وهما حيحطوكي في الكليه المناسبه بعدين على حسب معدلك يعني لو عالي حتقدري تدخلي اللي تبغيه وزي كدا عموما هوا اكتر كليه تحتاج نسب عاليه هيا الاسنان وبعدها الطب والصيدله وااتقنيه بالتوفيق الله يسهلي تخصصي ياررررب ياكريم