تكذيب قصة سعود الطيار

[JuStice]

’.

قبل شوية دخلت جوجل وقرأت القصة كاملة رغم طولها ..

وتقييمي لها هو : تفاهة x تفاهة !

واللي كتبها فاضي تافه وكل من نشرها أتفه منه ,

مسويين مغامرات حب وفلّة ..

.’

[عطر الجوري]

ناااااس فاضيه
وبقووه

[مشمشانا]

mzat kau

طموح

عزة نفسي - تكفيني


اشكر تفاعلكم

[northstar]

اصلا اي قصه ولا موعظه عن طريق الايميل احذفها
ماعدا النكت

[JuStice]

المشاركة الأصلية كتبت بواسطة northstar اصلا اي قصه ولا موعظه عن طريق الايميل احذفها ماعدا النكت

’.

كلامك صحيح ..

هذا اللي المفروض نسويه .. لأن 90% من القصص الوعظية من الإيميل

كلها أحاديث وأشياء غير صحيحة وكلام فاضي ..

الله يجازي كل من أرسل قصة أو حديث بدون ما يتأكد من صحته

.’

[مشمشانا]

كوول

نورث

اشكركم على تواصلكم

وبالفعل هذا اللي المفروض يسير لانو اغلب دي القصص بكش في بكش والناس تصدق وترسل

[soma al7elwa]

الناس صدقت القصة دي لانو البنات لسه متأملين انو في رجال بدي الرومانسية والحب

مستعد يسافر عشان خاطر عيدميلادها

ويجري وراها من بلد لبلد بس لأنو مشتاقلها

نسي كل عيوبها وحبها هي .. حب شخصيتها .. حب هيفا نفسها بغض النظر عن كل عيوبها

وأهم شي بعد ما اكتشفوا اهلها علاقتهم مستعد يعمل أي عشان يرجعلها ويبين صدق حبهم

رمى نفسو بين رجول اخوها وذل نفسو عشان يحبها بصدق

عن نفسي شخصيا

لما قريت الايميل دعيت من قلبي اني الاقي رجال يحبني لدي الدرجة ومستعد يسوي كدا عشاني

مساكين احنا صدقنا انو في رجال "سعودي" مستعد يعمل كل دا عشان بنت حبها

صدقنا لأنو في مجتمعنا عندنا شي اسمو مجاعة حب ورومانسية

بين الزوجين ما تلاقي الرومانسية الا من رحم ربي

حتى في العلاقة الخاصة اوقات كتييير تلاقي الرومانسية معدومة

ادخلوا شوفوا مواقع الاستشارات الزوجية

وبعدين نسأل ليش انجرفنا ورا المسلسلات التركية وقبلها المسلسلات المكسيكية؟

نتفرج ونحلم انو نكون يوما ما في مكان ميرنا ولا مكان لميس ولا مكان نور ولا ازابيلا ولا ماريّا والقائمة طويلة

نحلم انو نلاقي رجال دمعته على خده من شوقه ومستعد يعمل المستحيل فقط من اجل شي اسمو "حب"

الحب الي كتيييير من رجالنا مو موجود في حياتهم

الحب اللي كتير من بنات جنسنا المتزوجة قبل الآنسة مفتقدينه

احلموا يا بنات جنسي

عل وعسى يجي يوم ربنا يرزقنا فيه بسعود الطيار في "القصة المكذوبة" ولا خليل ولا يحيى ولا اليخاندرو ولا اوسكار

يسلمو مشمشانا

[مشمشانا]

المشاركة الأصلية كتبت بواسطة soma al7elwa الناس صدقت القصة دي لانو البنات لسه متأملين انو في رجال بدي الرومانسية والحب مستعد يسافر عشان خاطر عيدميلادها ويجري وراها من بلد لبلد بس لأنو مشتاقلها نسي كل عيوبها وحبها هي .. حب شخصيتها .. حب هيفا نفسها بغض النظر عن كل عيوبها وأهم شي بعد ما اكتشفوا اهلها علاقتهم مستعد يعمل أي عشان يرجعلها ويبين صدق حبهم رمى نفسو بين رجول اخوها وذل نفسو عشان يحبها بصدق عن نفسي شخصيا لما قريت الايميل دعيت من قلبي اني الاقي رجال يحبني لدي الدرجة ومستعد يسوي كدا عشاني مساكين احنا صدقنا انو في رجال "سعودي" مستعد يعمل كل دا عشان بنت حبها صدقنا لأنو في مجتمعنا عندنا شي اسمو مجاعة حب ورومانسية بين الزوجين ما تلاقي الرومانسية الا من رحم ربي حتى في العلاقة الخاصة اوقات كتييير تلاقي الرومانسية معدومة ادخلوا شوفوا مواقع الاستشارات الزوجية وبعدين نسأل ليش انجرفنا ورا المسلسلات التركية وقبلها المسلسلات المكسيكية؟ نتفرج ونحلم انو نكون يوما ما في مكان ميرنا ولا مكان لميس ولا مكان نور ولا ازابيلا ولا ماريّا والقائمة طويلة نحلم انو نلاقي رجال دمعته على خده من شوقه ومستعد يعمل المستحيل فقط من اجل شي اسمو "حب" الحب الي كتيييير من رجالنا مو موجود في حياتهم الحب اللي كتير من بنات جنسنا المتزوجة قبل الآنسة مفتقدينه احلموا يا بنات جنسي عل وعسى يجي يوم ربنا يرزقنا فيه بسعود الطيار في "القصة المكذوبة" ولا خليل ولا يحيى ولا اليخاندرو ولا اوسكار يسلمو مشمشانا

الله يسلمك يا قلبي
صح الناس صدقت لانها لسه تستنى رومنسية القصص
عني شخصيا ما صدقت لاني ابدا ما تدخل مزاجي دي القصص
واحس مستحيل تسير ممكن في رومنسية ولو قليلة بس انو
في رجال عادي يحب بنت تروح استراحات وتكلم شباب
دا كان مستحيل في نظري مهما كان الشاب منفتح ماراح يوصل لدي الدرجة
بس مو دي القصة الوحيدة اللي وصلتني في قصة تانية بنفس الاسلوب
بس نهايتها البنت تدخل المستشفى وهوا يطلب الناس تدعيلها وبرضوا مادخلت مزاجي
ولكن في النهاية الرجال تضرر وسمعته وتضررت و اذاه دا الانتشار للقصة
ما احد فكر ايش موقف اهلو من دا الشئ ولا موقف اهل البنت نفسها
في النهاية ما اقول غير حسبي الله على اي واحد يشوه سمعت غيره

[مشمشانا]

عطر لجوري

تسلمي على تنويرك الصفحة ومن جد ناس فاضية لاورها عملة ولا شغلة

[soma al7elwa]

واحس مستحيل تسير ممكن في رومنسية ولو قليلة بس انو في رجال عادي يحب بنت تروح استراحات وتكلم شباب دا كان مستحيل في نظري مهما كان الشاب منفتح ماراح يوصل لدي الدرجة

وليش مستحيل؟؟؟

دحين معقولة كل البنات المتزوجات دول ولا وحدة فيهم كانت تعرف واحد قبل ما تتزوج؟؟

طب فين اللي يعرفوا؟؟

وايش معنى الرجال مستحيل يتزوج بنت كانت تعرف واحد قبلو لو مجرد معرفة

والبنات يتزوجوا مدمين مخدرات "تابوا" وقتلة "تابوا" ومروجين مخدرات "تابوا" وتلاقي عرف عشرمية وحدة قبلها ويجي يحكيها عن مغامراته السابقة بكل بساطة؟؟؟

ليش غلط البنت غير غلط الولد؟؟

يا ترى كمان الاسلام عظم غلط البنت كمان وخفف غلط الولد؟؟

ولا دا كمان من تخلفات مجتمعنا اللي معطي المرأة حقوقها بالملي واللي كل بنات العالم يتمنوا يجوا مكاننا؟؟؟