تعلم الانجليزية .. وأجتاز التوفل أو التوفل البديل

[MISS EZ3AG]

جزاك الله خير أخي طالب

عزائي .. أنا ممكن أدلو بدلوي .. بعد إذنكم .. مع الشكر الخالص لأخي طالب المزيد ..وانقل لكم تجربتي معاه .. بالسبة لبديل اتوفل .. أنا اجتزته والحمدلله .. لكن بعد اعادة الاختبار 3 مرات .. دخلتها كلها بالحظ .. المرة الأولى 346 والمرة الثانية والثالثة 380 بعد كدا قلت مابدهاش .. ودخلت دورة للتوفل في خدمة المجتمع في نفس الجامعة .. وكانت شهر ونص ويعدها عديت والحمدلله .. مش دايم الحظ يصيب .. لازم يتعب الواحد شوي.. وهو يعتمد على مهارات 50% زي مايعتمد على لغتك 50% يعني لازم تتعرف على خبايا التوفل ودهائه عشان تعدي .. أولا : اللسننق ( الاستماع ) ومهاراته في المحادثات القصيرة : الكلمة اللي تسمعها في المحادثة وتحصلها في الاختيارات طنشها وطنش كمان الكلمة القريبة في النطق ..لأنه غالبا الكلمة الصحيحة غير موجودة في الاختيارات . في المحادثات الطويلة : عكس الاولى .. يعني ركز على الكلمات اللي تنقال في المحادثة .. وخلي معاك ورقة خارجية عشان تكتب الكلمات المهمة من المحادثة وبسرعة خارقة ولو ماقدرت فاكتبها بالعربي نطفا مثل fire فاير وأحيانا اذا حبو يسووا نذالة في المحادثات فيجيبوا نوع ثالث منهم وهو شخص واحد فقط يقول جملة وانت تختار المعنى العام المرادف للجملة (وليس الكلمة)( ودي مالهاش حل عندي) ثانيا : القرامر ( القواعد) وهي القواعد المعروفة في اللغة .. ويجيبوها على طريقة ( معليش أرجع لكم مرة ثانية بإذن الله أقلكم على بقية المهارات المهمة .. لأني تعبت من الكتابة وطفشتكم من طولها ) ..

والله روووووووعه يعطيك العافية ... وعلى قولتهم اسأل مجرب ولا تسأل طبيب