بخصوص الهندسه الصناعيه : هام جدا

[hayas]

السلام عليكم ورحمة الله وبركاته



كيفكم حبايبي ان شاء الله بخير ...كل سنه وانتم بخير وصحه وسلامه وبعد





ياشباب انتشر ذي الايام بين الشباب خبر عن الخطه الدراسيه لقسم الهندسه الصناعيه انهم حذفو مادتين

وهيا ce201 الاستاتيك وووو mep261 ثيرمو داينامك ويقولو انها بتعدل الخطه مع الترم

الجاي ياشباب نبغى خبر اكيد يثبت هالكلام ياليت اخويه صقر تفيدنا

وعندي كمان استفسار بسيط ياجماعة الخير مادة النيومركل ياشباب هاذي اش رمزها في الخطه ياليت احد يفيدني ياشباب ...

وشكرا .................

[الكريم ابن الكرام]

إن شاء الله صحيح

النيوميركال ee332

[خافي الأحزان]

من بؤك لباب السماء يارب

الخطة الأخيرة وزعوها في بداية الترم الصيفي وكانت موجودة فيها الاستاتيك والثيرمو ما أدري عن الترم الجاي

أنا كمان أتوقع حيكون فيه تغيرات الترم الجاي زي ماصار في قسم هندسة الطيران وعلى رأسها إضافة ماث 205 وie200

بس لا تفرح كثير لا حذفوا كم مادة بيعوضوها بمواد جديدة

بس والله فكه من الاستاتيك و الثيرمو يقولون صعبة

بالنسبة للنيوميركال رمزها ee332 زي ما قال الأخ كريم واسمها الطرق الحسابية في الهندسة

بالتوفيق للجميع

[مالك معاذ]

هذا الكلام يسري على الطلاب الجدد اللي 09 او حتى يمكن طلاب دفعة 2010

أما طلاب دفعة 08 وما قبلها فلا يسري عليهم هذا الامر

وملتزمين بالخطة القديمة وهذا الكلام اكيد ومافيه شك

[خافي الأحزان]

^^^^^^^^^^
أخوي ممكن مصدر لكلامك إذا ماعليك كلافة؟؟

إنت تقصد الاستاتيك والثيرمو فقط ولا جميع المواد اللي حيصير فيها تغيير؟؟

[م/ المستقبل]

مساء الخير جميعآ ....

انا جاني تأكيد من الخريجين والمعيدين الي بقسمنا وحيكون في تغيير جذري للخطه
ومادة الإستاتيك والثيرمو داينمك حينحذفو من الخطه وحيسيروا إلكتيف ولكن سيتم إضافة مادة safty engineering كمادة مطلوبه ورئيسية

وكمان حتتغير بعض الساعات لبعض من المواد زي :
الوورك ستادي والهيومان فاكتور كلها حتسير ب 3 ساعات بدال 4 قديمآ
الفاندمنتال والسي شارب والأوراكل حتسير ب 3ساعات بدال 4 قديمآ
البحوث والعمليات المستويين 1 و 2 حيسيروا ب 4 ساعات بدال 3 قديمآ

دا الي وصلني ومتأكد منو .... وياريت لو احد عندو معلومات غير كذا يبلغنا

[الكريم ابن الكرام]

أممممممممم

شكراً

بالنسبة للاستاتك مادة ما لأمها داعي في الصناعية

وحاطينها عامة كمان

سؤال إيش هيا المادة اللي تقول عليها جديدة يعني عن أيش

[hayas]

والله ياجماعه ان شاء الله يكون كلامكم ويحذفو الثيرمو والاستاتيك احسن ياشيخ

وعادي لو يضيفو مواد ثانيه مافيها شئ بس تكون حلوه ونستفيد منها في التخصص

بعدين بالله اش يستفيد المنهدس الصناعي من الثيرمو ولا من الاستاتيك وهو شغلو كلو اداري ؟؟


يعطيكم العافيه يا شباب على التفاعل مع الموضوع

[الكريم ابن الكرام]

يعني لو حذفوها تبقى في عدد الساعات اللي في الأوديوس

وإلا تتشال كلها مع الساعات

مثلاً الساعات المكتسبة قبل الخطة 100

وبعد الخطة تصير 93 ؟ لو حسبنا المواد المحذوفة

وإلا كيييييييييف

[خافي الأحزان]

المشاركة الأصلية كتبت بواسطة م/ المستقبل مساء الخير جميعآ .... انا جاني تأكيد من الخريجين والمعيدين الي بقسمنا وحيكون في تغيير جذري للخطه ومادة الإستاتيك والثيرمو داينمك حينحذفو من الخطه وحيسيروا إلكتيف ولكن سيتم إضافة مادة safty engineering كمادة مطلوبه ورئيسية وكمان حتتغير بعض الساعات لبعض من المواد زي : الوورك ستادي والهيومان فاكتور كلها حتسير ب 3 ساعات بدال 4 قديمآ الفاندمنتال والسي شارب والأوراكل حتسير ب 3ساعات بدال 4 قديمآ البحوث والعمليات المستويين 1 و 2 حيسيروا ب 4 ساعات بدال 3 قديمآ دا الي وصلني ومتأكد منو .... وياريت لو احد عندو معلومات غير كذا يبلغنا

الله يبشرك بالخير

اشوا ما أخذت الاستاتيك ولا الثيرمو

بس ايش تقصد بـ إلكتيف ؟؟