تجمع لطالبات ماجستير إداره عامه

[maath1]

ياجماعة اتمنى اللي عنده خلفية او معلومة عن طريقة الإختبار هل هي اختيارات صح وخطا او اسئلة طويلة وهل فيها قدرات
ياليت اللي عنده فكرة يوضح لأنو طريقة المذاكرة بتختلف لو الأسئلة اختيارات او كانت اسئلة طويلة
وشكرا جزيلا لكم

[kikiwiwi]

عزيزتي.. كبرياء ملكة..

عموما تخصص إدارة مواده سهلة جدا... << يمكن لأنه تخصصي إدارة!!..
أما المجالات ما بعد الدراسة... فعلمها عند الله...
كل وحدة ورزقها مكتوب حتشوفه حتشوفه!!..
بس اللي تخصصها إدارة المفترض إنها ما تجلس في البيت... لأنه ممكن في أي مكان تشتغل..
إدارة أعمال هي المطلوبة حاليا أكتر بكتير من إدارة عامة...

زي ما قلتلك في النهاية... اللي مكتوب حتشوفيه..

تحيتي

[kikiwiwi]

ياجماعة اتمنى اللي عنده خلفية او معلومة عن طريقة الإختبار هل هي اختيارات صح وخطا او اسئلة طويلة وهل فيها قدرات ياليت اللي عنده فكرة يوضح لأنو طريقة المذاكرة بتختلف لو الأسئلة اختيارات او كانت اسئلة طويلة وشكرا جزيلا لكم

كما وصلني... فالإختبار صح و خطأ و اختياري..
سألت عن اللي داخل بالاختبار... في جزء بسيط من القدرات..
و سألت دكتور في الاقتصاد و ادارة "جارنا" قال الاختبار عبارة عن قدرات فقط و ماله علاقة بالإدارة!!!...
الله يستر..

[.البتول.]

وينكم بنات

أخبار الاستعداد : )

[الدر المصون]

البتول انتي معايا ادارة عامة كويس ^^"
اما عن اختبار الاستعداد فخلاص انا حاسة اني تعبت مرررررررررة كل شوية يقولوا شي
في قدرات لا مافي قدرات لا قدرات شوية لا يمكن بس 3 أسالة يووووهـ
المهم انا خلاص متوكلة على الله ومن توكل على الله فهوا حسبة
انا الي مجنني اختبار بكرة حق الكفايات والله اني ماذاكرت ماني عارفة مع اني اشتريت كتاب توفل من جرير بس ماحسيتوا مفيد وبس

[.البتول.]

اهليين يا عسل

الدر المصون ربي يوفقك يا ستي

انا من الاساس ما سجلت في اختبار الكفايات

ع اساس اذا ربي وفقني وانقبلت بالماستر يصير ادخل الدوره يلي بنفس الجامعه

انتي لا تشيلي هم اذا ما اجتزتي اختبار بكره عندك فرصه انو تدخلي الدوره

شدي حيلك في اختبار القسم الي هو بعد بكره

ربي يوفقنا

[hdooo]

الله يعافيكم انا كتبت موضوع وشكله انحذف

انا قدمت اوراقي لقسم الاداره والاقتصاد اداره عامه
قبل اسبوعين رحت وسلمت كل الاوراق كامله

وللحين ماعرفت شلون يردون علي عشان اروح اختبر والا لا
وكل ماادخل الموقع واحط السجل حقي يعلق الموقع وينقفل :(

ولاادري هل انا اروح الاختبار يوم الاربعا والا لا؟
يعني لازم قبول منهم والا عادي اروح اختبر والا شلون
الله يخليكم فهموني تراني حايسه مرره :(

[hdooo]

ترا مااختبرت توفل ولا كفايات :(
متى التقديم لاختبار الكفايات ؟؟

[.البتول.]

هو لازم تكوني مستوفيه الشروط عشان تدخلي الاختبار

روحي اليوم ترى لسه يمديكي اذا انتي بجده

و روحي بكره لعماده الدراسات العليا

وقولي انا ارسلت اوراقي واشيك بالموقع ما يطلعلي شي

وابغى اعرف وضعي عشان الاختبار وخليها تعلمك انتي مستوفيه او لا

اذا مستوفيه يصير تدخلي اختبار القسم يلي يوم الثلاثاء

موفقه حبيبتي

[الدر المصون]

hdooo

امم غريبة انتي دخلي موقع الجامعة وحاولي تدخلي على بوابة القبول وادخلي على متابعة الطلب وادخلي رقم السجل
لازم علشان تطبعية وتدخلي الاختبار لو مستوفية ان شالله