هنــــــــــا من تريد الاستفسار عن الاستاذات,,,,

Fatema Alshareef · #1 13-09-2009, 04:27 AM

تستطيع أن ترى الصورة بحجمها الطبيعي بعد الضغط عليها

goood man

السلام عليكم ورحمة الله وبركاته......

بنات كلية الآداب...لاحظت انو في بنات كثير منزلين مواضيع

استفسار عن الاستاذات...وكل وحده كاتبه استفسارها بموضوع

ومنعا لتكرار المواضيع حبيت انزل هذا الموضوع لكم تستفسرون فيه

وتردون كمان ع الاستفسارات....يعني فيدو واستفيدو.....

يلا يا بنات اي وحده عندها استفسار ...

تسأل واللي تعرف ترد عليها.....الله يوفقكم..

wan · 13-09-2009, 04:33 AM

يعطيكي العافيه ع الموضوع

بالفعل المواضيع سارت مكرره و القسم مافيه تفاعل كبير لا من الاعضاء ولا المراقبين او المشرفين ع القسم
بالمقارنه مع باقي الاقسام ..
بإنتـــــظـآر النصايح و الاراء بخصوص الدكاتره و الدكتورات

بنت جامعتي .... إلكـ(f)

miss lulu · 13-09-2009, 05:15 AM

أتمنى دا الموضوع يثبت كمان

احم احم بما أني دوبي متخرجه يالا ياحلوين أي استفسار أنا جاهزه ^_^

بس نصيحه للبنات

" ممكن استاذه/دكتوره تناسب وحده وممكن ماتناسبك "

لكــــــــن

ف حالة الكل انتقد اسلوب تعامل فلانه ولاحظتي الاغلبيه يتحاشوها وماسمعت وحده تمدحها "دي نهائيا لاتفكري تاخدي معاها ماده حتى لو اضطريتي تأجلي ،، ولو بقيت هيا الوحيد اش تسوي نصيبك ^_^"

كمان حابه أضيف مو بس عن الاستاذه نستفسر الا كمان كيف نتعامل مع دي الاستاذه " شديده/جديه/تحب المدح ....الخ"

تحيـــــــاتي ،،

بنت الجامعة العزوزية · 13-09-2009, 06:16 AM

بما أنك أختي دوبك متخرجة من قسم علم الاجتماع ممكن تنصحيني بمادةحرة من قسمكم تكون سهلة وأستاذتها طيوبة.. ومشكورة مقدما

miss lulu · 13-09-2009, 10:25 PM

حبيبتي شوفي أ/ خديجه نصيف اش تدرس مواد

وانصحك " بعلم اجتماع عائلي مره سهل " بس لاتاخدي مع غيرها دي المادة اذا ماتحبي الحفظ والمقالي

وكمان شوفي اذا في أ/ رقية فتيحــــــــــي كمان دي بصراحه تسهلك المادة ماتحتاجي تذاكري كتير

واممممممممممم

شوفي كمان مادة " مشكلات اجتماعية" مره حلو وسهل ياتاخديها مع خديجه يا مع رقيه

بما اني ماقدر ادخل نظام الجامعة اللي خاص بالطلبة عشاني تخرجت ياليت لو دخلتي ع قسم علم الاجتماع اديني المواد اللي تدرسها خديجة نصيف ورقية فتيحي اذا ناويه تاخدي ماده حره من دا القسم

مني يغار الورد · 14-09-2009, 12:36 AM

يابنات فهمونا أكثر كيف نرتب جدوالنا وكيف نضيف المواد الحرة ذي يعني ايش حكايتها
لاني مني فاهمة ولااا حاجة

miss lulu · 14-09-2009, 01:26 AM

شوفي ياعسل انا ماني عارفه هوا انت ماشيه ع الخطه ولا لا ،، لو ماشيه بس تقدري تغيري الشعب بس اهم شي مايتعارض مع مواعيد محاضراتك ،،

وبالنسبه للمواد الحره انت تختاري الماده وأيش شعبتها وتروحي لكلية الآداب وهما بيضفوها لك الغرفه اللي ع يدك اليمين

شوفي انا تخرجت 1429 ومدري ادا تغيرت طريقتهم ولا لأ بس انا زي كدا كنت اسوي ان شاء الله فهمتي ؟؟

miss lulu · 14-09-2009, 01:31 AM

بالنسبه للمواد الحره حاولي تختاري ماده ترفع معدلك من 3 ساعات واهم شي الاستاذه يمدحوا فيها والماده سهله يعني أغلب البنات اللي ياخدوا دي الماده درجاتهم ماتقل عن a طبعا للبنت اللي تهتم مو وحده مفوته وبايعتها وتسأليها؟؟

تخيلي انا كنت امسك مواعيد محاضراتي واختار كدا ماده واحطها ف بالي وتتناسب مع البريك واروح لكل قسم واسأل بنات التخصص ،،

عشان ما اتورط واحط اي ماده

موفقــــه ،،

Fatema Alshareef · 14-09-2009, 07:48 AM

مس لولو يعطيك العافيه...مبادره حلوه منك...

Fatema Alshareef · 14-09-2009, 08:48 AM

بنات...وينكم احس انو ماااااااااااافي تفاعل ابدا بين بنات الآداب شوفوكيف موضوع نيران

بالاداره واقتصاد.....البنات ماشاء الله متفاعلين.....يعني انتو خلاص مايحتاج عارفين كل شي؟؟؟؟؟..مو معقوله..

هنــــــــــا من تريد الاستفسار عن الاستاذات,,,,

قسم علم النفس