|| أقول : صب شاهي بس ||

[dr_m]

السـلام عليكم ورحمة الله وبركاته

صباكم سكر مع شاي

قبل أن نتفاعل مع هذا الموضوع ..

لتكن لكم وقفة مع هذه المشاهد ..

المشهد الأول ...
وزير + وزير
الأول : وش اخبار وزارتك؟
الثاني : الأمور فيها تمام بس العجز المالي شوي مأرقني ومايخليني أنام
الأول : للحين ماعرفتوا الخلل
الثاني : أنا احصلها من العجز أو الإختلاسات أو .. أقول صب شاهي بس!!

المشهد الثاني ...
رئيس دولة + رئيس دولة
الأول : وش اخبار دولتك؟
الثاني : الأمور فيها تمام بس مشكلة هالحدود مأرقتني شوي وماتخليني أنام
الأول : انتم للحين ماحليتوها ؟؟؟
الثاني : ياخوي أنا احصلها من الحدود أو الشعب أو ...أو .. أقول صب شاهي بس!!

المشهد الثالث..

مدير + مدير
الأول : وش اخبار إدارتك؟
الثاني : الأمور فيها تمام بس تسيّب الموظفين شوي مأرقني ومايخليني أنام
الأول : للحين ماعالجت الوضع
الثاني : أنا أحصلها من الموظفين أو رؤساء الأقسام أو .. أقول صب شاهي بس!!

المشهد الرابع...

موظف + موظف
الأول : وش أخبار شغلك؟
الثاني : الأمور فيه تمام بس موضوع الإجازة شوي مأرقني ومايخليني أنام
الأول : للحين ما وافقوا لك عليها
الثاني : أنا احصلها من الأدارة أو المراجعين أو .. أقول صب شاهي بس!!

المشهد الخامس...

مواطن + مواطن
الأول : وش أخبارك اليوم؟
الثاني : الأمور تمام بس مشكلة الشغالة شوي مأرقتني وماتخليني أنام
الأول : للحين ماجتك التأشيره
الثاني : أنا أحصلها من من مكتب العمل أو الإستقدام أو .. أقول صب شاهي بس!!

المشهد السادس...

زوجة + زوجة
الأولى : وش أخبار عيالك؟
الثانيه : الأمور تمام بس هالبنت اللي ماجاها نصيب شوي مأرقتني وماخلتني أنام
الأولى : للحين ماانخطبت
الثانيه : أنا احصلها من خطبة البنت أو وظيفة الولد أو .. أقول صبي شاهي بس!!

المشهد السابع...

عامل + عامل
الأول : كيف كفيل مال أنتا؟
الثاني : كويس بس هذا مشكل راتب يسوي تفكير ومافي نوم
الأول : ليش هو مايعطي راتب ؟
الثاني : أنا مشكل كفيل أو مشكل بيت مال أنا أو ... صديق جيب شاهي!!

المشهد الأخير...

أصناف كثيرة من الناس .. تحاول أن تبعثر همومها بكأس من الشاي ..!!

حينما تتزاحم عليهم ضغوط الحياة .. و مشاكلها .. و تعبها .. و كدرها ..

و حينما يصل إلى حد عدم التحمل ..!!

نراه يكتفي بكأس من الشاي .. ليعدل مزاجه .. و ينسى همومه

هل صادف و كنتم في هكذا موقف؟!

هل استطاع كأس الشاي ذات مرة أن يمتص منكم آثار زحمة الحياة و مواقفها؟!!

[كيدو]

وظيفة كأس الشاهي يعدل المزاج للمذاكرة

خخخخخخخخخخ بس موضوع خطييييييييييييييييييييييرررررر << نسيت تجيب طاري القمة العربية

وصفيت الدنيا مع لــبـيــتون

[funtoon]

صبآحك عسل دوعني ،’

ـأنآ مآ أحب الشآهي ،، بس لمآ أكون مع حريم وصجو رآآسي بهرجهم ومرجهم

صديق جيب شاهي!!

/

[dr_m]

المشاركة الأصلية كتبت بواسطة كيدو وظيفة كأس الشاهي يعدل المزاج للمذاكرة خخخخخخخخخخ بس موضوع خطييييييييييييييييييييييرررررر << نسيت تجيب طاري القمة العربية وصفيت الدنيا مع لــبـيــتون

اسعدني وشرفني مروركم الكريم

وكفايه الي جبناهم

دمتم بحفظ الرحمن

[dr_m]

المشاركة الأصلية كتبت بواسطة funtoon صبآحك عسل دوعني ،’ ـأنآ مآ أحب الشآهي ،، بس لمآ أكون مع حريم وصجو رآآسي بهرجهم ومرجهم /

ألف شكر لك على تواجدك
بس في مجالس الحريم مايبييلكم كاس شاهي ؟؟
يبيلكم برميل من الشاهي وكرتون بندول

[hanadiateiah]

i don't drink tea ...thanx a lot ..best of luck

[بنت االجنوب]

طالبه +طالبه

الأولى : وش اخبارك مع الجامعه ؟؟؟؟

الثانيه : تمام بس السنه التحضيريه مسببه لي مشكله

الأولى : انتم للحين ما خلصتوا منها!!!!

الثانيه : حنا نخلص من مشكلة الدراسه أو التسكين أو التخصص أو..أو... أقول صبِ شاهي بس

أشكرك أخوي على الموضوع الرائع الواقعي 100%

[rayyan1444]

المشاركة الأصلية كتبت بواسطة بنت االجنوب طالبه +طالبه الأولى : وش اخبارك مع الجامعه ؟؟؟؟ الثانيه : تمام بس السنه التحضيريه مسببه لي مشكله الأولى : انتم للحين ما خلصتوا منها!!!! الثانيه : حنا نخلص من مشكلة الدراسه أو التسكين أو التخصص أو..أو... أقول صبِ شاهي بس أشكرك أخوي على الموضوع الرائع الواقعي 100%

ههههههههههههههههههههههههههاي

شكرا على المرور

[miss pink]

ههههههههههههههههههههههههههههههههههههه والله من جد
من زماااااااااااااان عن الشاهي اخر يوم شربتو ايام الاختبارات يروق المزاج

ان شاءالله بس مديرنا ( ناصر ) مايقولنا صب شاهي عشان مشكله الحوار

[البادي]

طيب وإلي ما يشرب شاهي وش يشرب؟
مدري كيف تشربون الشاهي استغفر الله
خخخخخخخخ
وشكراً