طلاب وطالبات قسم اللغة الانجليزية وبس ضرووووووووووووووري

[NeMo]

السلام عليكم ورحمة الله وبركاته

مرحبا يانور:)
اول شي يقولولك هوا في سنة اولى انجليزي......انتي مو هنا عشان تتعلمي "لغة" انتي هنا بتتعلمي "علم"

"علم" اللغة "علم" الادب....
يعني لغتك لازم تكون من جيد جدا الى ممتاز بالنسبة للمحادثة...وكذلك بالنسبة للكتابة
حبك وشغفك للغة جميل والمفروض يشجعك على الاهتمام اكتر بتحسينها لكن خلي في بالك الجامعة والمقررات الدراسية مش الوسيلة لتحسين اللغة...لانو دي المقررات هدفها مش تقوية اللغة...
بالزبط زي اللي يتخصص لغة عربية, مش داخل يتعلم عربي اكيد بس داخل يدرس اللغة صح؟

نصيحيتي ليكي...استخيري وسجلي وان شا ءالله من المقبولين يارب...وفي نفس الوقت لحقي نفسك بسرعة بسرعة ازا عندك اي ضعف في جانب من المهارات...من دحين وانتي في اول سنتين عشان بعد كدا خلاص حتخشي في العميق وماراح يكون امامك وقت غير للدراسة...
احسن شي ممكن تسويه القراءة.....اقرأي لمن تدوخي
قصص مجلات جرايد عشان تتعودي على الاسلوب كمان ومنها تنمي الحصيلة عندك...

الله يوفقك يارب:)

وازا احتجتي اي مساعدة, برهن الخدمة:)