كل ما تريد معرفته عن تخصص "عمارة البيئة" " Landscape Architecture "

[احمد ربيعة]

والله ما قصرت

بس دحين قسم العمارة خاص بتاميم فقط ولا يدخل مثلا في متابعة المشريع ولا هذا خاص في الهندسة المدنية

[Mr.LandScaper]

المشاركة الأصلية كتبت بواسطة احمد ربيعة والله ما قصرت بس دحين قسم العمارة خاص بتاميم فقط ولا يدخل مثلا في متابعة المشريع ولا هذا خاص في الهندسة المدنية

الله يسلمك و يخليك

تخصص العمارة صحيح انه مختص بالتصميم لكن ممكن يكون مشرف على البناء
تقدر تكون مصمم و بس .. لكن انت كذا حتكون حصرت نفسك تحت مسمى مصمم
وما تعرف شي غير التصميم ..
خروجك للموقع و متابعتك لمراحل البناء تعطيك فكر و خيال أوسع في التصميم
وكل ما زاد مجال فهمك كل ما قدرت تسوي تصاميم معمارية لم يسبق لها مثيل

أعطيك مثال ..
لو أنت عندك محل حلويات .. وانا كل يوم بعطيك حلويات تبيعها
بس انت ما تعرف كيف تسويها .. يهمك انها توصلك و تبيعها و خلاص
لو انا تركتك وصرت ما اعطيك وما لقيت احد يعطيك .. راح تقفل محلك
ويمكن تسيب الشغله كلها!!
لكن لو انت بنفسك تعرف تسوي حلويات و تبيعها
أول شي أي شخص يتخلى عنك تقدر تجيب غيره لأنك فاهم شغلك صح
ثاني شي بإمكانك تغير و تسوي نكهات جديده لأنك فاهم بالضبط اش المقادير
واش الشي اللي يحبوه الناس واش الاشياء اللي ممكن تسوي حلاوة مميزه

نفس الحال في التصميم ..
لا تفوت أي معلومه في أي تخصص .. بالعكس لقيت كتاب عن الهندسه الإنشائية
إقرأ و تعلم و تفقه .. لقيت في التخطيط لا تتأخر .. لقيت في عمارة البيئة من غير ما تفكر

آسف على الإطاله

والله يوفقك