من فرج عن مؤمن كربته فرج الله عنه كربة من كرب يوم القيامة

[BOSH]

والله اكتب وانا حدي بالبكوة في عيوني
ماني فاهمة شي زي الاطرش بالزفة
...كنت متوقعة انو جدولي ينزل من الجامعة زي التحضيري ومطمنة واذا بي افاجأ بالموضوعات الهائلة عن الحذف ولاضافة والخطة ....وربي ماني فاهمة شي ..جزاكم الله خير عن الموضوعات الموجودة بهالخصوص لكن والله ماني فاهمة شي من جد
يعني مثلا:ايش هي الخطة ؟وهل هي على الترمين ولا ترم واحد بس؟
والاوديوس معلق كيف حننزل جداولنا ؟
وكيف حنعرف الاساتذة التمام عشان نسجل عندهم؟وايش هي المواد اللي المفروض ندرسها؟
وايش حكاية الالوان والرموز اللي في جداول البنات؟
وليه هادي اللخبطة والحوسة كلها ...
فرجوا همي فرج الله همكم

[no0gh]

المشاركة الأصلية كتبت بواسطة bosh والله اكتب وانا حدي بالبكوة في عيوني ماني فاهمة شي زي الاطرش بالزفة وه وه .. على ايش ..كل شي له حل ... ...كنت متوقعة انو جدولي ينزل من الجامعة زي التحضيري ومطمنة واذا بي افاجأ بالموضوعات الهائلة عن الحذف ولاضافة والخطة ....وربي ماني فاهمة شي ..جزاكم الله خير عن الموضوعات الموجودة بهالخصوص لكن والله ماني فاهمة شي من جد على حسب الخطه تعملي جدولك ... يعني مثلا:ايش هي الخطة ؟وهل هي على الترمين ولا ترم واحد بس؟ ايش قسمك ..حتلاقي خطتك ..وموجوده في الادوس اسمها خطة القسم وتشووفي انتي اي مستوى وامشي عليه ..احنا الحاسب نظام اترام والاوديوس معلق كيف حننزل جداولنا ؟ الادوس عاااتي .دائما كذا ..ماتقلقي ..حيرجع يفتح وكيف حنعرف الاساتذة التمام عشان نسجل عندهم؟وايش هي المواد اللي المفروض ندرسها؟ [size=5]الاساتذة غالبا الحاسب ماينزلونهم ...[/size] المواد على حسب الخطه الموجوده في الادوس تبعك .. وايش حكاية الالوان والرموز اللي في جداول البنات؟ مافهمتك ... وليه هادي اللخبطة والحوسة كلها ... عااتي ... لازم تتعودي على اللخبطه ..حتنحل لاتخاافي فرجوا همي فرج الله همكم

اتمنى اكون افدتك واي خدمة انا حااضرة ...

[ملك بلا مملكه]

اختي في الله

استعيني بالله اول الامر ولا تخافي

من يوم الثلاثاء الى يوم الجمعة تسوين الجدول حقك من odus عن طريق الحذف والاضافة

وبعد ذلك خلال الاسبوع الاول كله من عمادة الكلية التسجيل ورقي

واسالي البنات الي اكبر منك

ولا تخافي الامر بسيط


اسال الله ان يوفقك ويفرج همك ,, اللهم امين

[BOSH]

نوفة عندي كمان سؤالين لو سمحتي:
1_ لو فرضا جلس الاوديوس معلق فيه احتمال اني ما الاقي شعب ولا ادرس ده النرم(انا عارفة سؤال غبي بس والله مرة خايفة اني ما ادرس)
2_لمن سأليتي فوق ايش قسمك ايش كان قصدك؟
انا كاتبين عند اسمي مستجد حاسبات وتقنية معلومات
ومررررررررة شكرا يا قلبي هديتي بالي شوي

[IT dancing doll]

مافي شي يخوووووووووووف جداول بنات الحاسب بتتعمل دايم من المشرفات حتى لو مافهمتي من الاودس
الله يخلي مشرفاتنا
بي ريلاكس وهونيها ياحلوا

[BOSH]

جزاك الله خير يا ملك بلا مملكة ...وتسلم على المرور
امــــــــــــــــــــــــــــــــــــــــــــــــ ـــــــين يا رب وهمك كمان

[BOSH]

فين مكاتب مشرفات الحاسب it dancing doll
وان شالله احاول اكون ريلاكس مع اني على اعصابي من يوم ما دخلت المنتدى وقريت المواضيع

[no0gh]

المشاركة الأصلية كتبت بواسطة bosh نوفة عندي كمان سؤالين لو سمحتي: 1_ لو فرضا جلس الاوديوس معلق فيه احتمال اني ما الاقي شعب ولا ادرس ده النرم(انا عارفة سؤال غبي بس والله مرة خايفة اني ما ادرس) لا حبيبتي مافي شي ماتدرسي دا الترم .. في عندكم اول اسبوع اللي هو الجاي ..لكم مشرفه معينه تساعدكم في الحذف والاضافه اذا الادوس مامشى معااك لأي سبب كان .. وحتلاقو اسماء مشرفاتكم غالبا عند الشئون التعليمية لكلية الحاسباات 2_لمن سأليتي فوق ايش قسمك ايش كان قصدك؟ اممم .. ماعليش كنت احسبك تخصصتي (تقنية_نظم_علوم) انا كاتبين عند اسمي مستجد حاسبات وتقنية معلومات اها فهمتك .. ومررررررررة شكرا يا قلبي هديتي بالي شوي

العفو .. ماعملت حااجه ..

واي خدمات انا حااضرة ...

[IT dancing doll]

تلقيهم في ورقه على باب شؤون الحاسب
والله اول ترم كل بنات الحاسب امورهم تمشي وكله تمام
بي ريلاكس وبقو ه كمانا

[BOSH]

يا ناسو عليك الله يسعدك يا رب ويرزقك من غير حساب ويفرج همك زي ما فرجتي همي