التحويل للانتضام مره اخرى

[ضوضائيه]

السلام عليكم
دوبي راجعه من الجامعه ابغى احول قالت لي روحي عند استاذه عبير اكتبي اسمك رحت وكتبت اسمي في الورقه ومعدلي ورقم جوالي وقلت لها وبعدين اش اسوي قالت خلاص حينزل قبولك عالنت قلت لها واذا مانزل قالت راجعينا بعد يومين انا مو فاهمه ليه بعد يومين ودايماً يقولو بعد يومين ليه مو بعد يوم المهم انا الحين مستغربه يعني التحويل حيستمر للاثنين طيب بنات الانتظام بدأو محاضرات وعملو جداولهم وحتوقف الحذف والاضافه الي حيحولهم يوم الاثنين ايش يعملو كيف يعملو جدوالهم وكيف يفوتو المحاضرات وكيف تنزل اسمائهم في الشعب مو الشعب برضو حتقفل انا مستغربه يعني خلاص الدوام بدأ كل اسبوع يزودو يومين طيب ليه مو من اول المهم انا اليوم رايحه عاساس بحول خلاص قلت لنفسي يوم الاربعاء حولو الي 3.75 اكيد السبت والاحد حيحولو اقل
رحت عند استاذه عبير و سألتني كم معدلك وقلتلها 3.74 قالت لي خلاص اكتبي اسمك ولقيت بنات معدلاتهم فوق المطلوب فوق 3.75 وماتحولو رغم انهم قدمو عالنت غريبه ولله
الي راحو اليوم اش سويتو في احد حول
وابغى اسألكم اش اسم العميده اذا تعرفوها

[ضوضائيه]

up
up
up
up

[Ξxтяα ςάѓαмεζ]

انا زيك اليوووووووووووووووووووووووووووووووووووووووووووووم رحت ومن 9 ونص الين 11 ونا واقفه في الطاااابور اللي عند شباك 3 والمهم في النهاااااااااااااااااااااااااااااااااااااااااااااا ااااااية كتبت اسمي ورقمي وقالت ازا نزلو عند المعدل نتصل ونا معدلي 3.71

[ضوضائيه]

لاتنستنيهم يدقون لانهم مابيدقون وانا ماقالت لي بيدقون قالت لي راجعينا استاذه عبير مهم فاضين يدقو على كل بنت وصلو عند معدلها هههههههههههههه مستحيل يسوها الافضل كل وحده تروح بنفسها بس ولله طفشت وانا كل يوم رايحه مره طفشت

[فلتوكا]

إن شاء الله يا رب يحنو علينا ونحوووول<<<< جاها امل في الجامعه دي

وعقبال ما تجي تبشرينا بالتحويييييييل

ميرسي ع الخبريه

[Ξxтяα ςάѓαмεζ]

والله مني عارفا اش اسوي تعبت =(


بس يقولووو الا يتصلو ع البنات تررآ

[امل يعقوب]

هع

انا فقدت الآمل ومآعآد ابغى خلآص ~

>_<

[عصفورة الحب]

انا من السبوع اللي فات وانا مداومه عندهم وبرضو اليوم ولاهم يحزنون بس قلت ايش وراي كل يوم رح اطفشهم لحدت مايحولوني انا معدلي 3.95

[الأشواق]

شكله كذا جد مااااااافي أمل


الله يخارجنا بس ويوفق الي تحولو

[rose-jeddah]

لا تياسوا ولاتعتمدوا انهم يتصلوا عليكي ....... عصفورة الحب غريبة ما حولتي ولا ما قدمتي طلب على النت ..
انا السنه الى فاتت راحت عليا فرصه اني احول عشاني جالسه في البيت واعتمدت على التحويل الى من النت بعدين عرفت ان فيه بنات حولوا و كانوا تحت المعدل المطلوب والترم الى بعده ( يعني بين الترمين ما قبلوا الا اربعه وفوق)يعني روحوا للجامعه الين ما تبدا الدراسة وخلاص اكيد ما في تحويل ( عشان بعدين ما تندمي وتقولي ياليتني رحت)
والحمدلله حولت هذه السنه وعقبالكم كلكم