أول يــــــــوم طالب جامعي - حدثونا كيف كان معاكم؟(للمستجدين)

[المقبلة على الجامعة]

انا اول يوم حسيت اني شي كبير انو كبرت فجأة ولايغني ذالك عن الضياااع والرغبة في البكااء ويرؤية صديقاتي طمئنت نفسي واحببت الجامعة....

[Walad_Jeddah]

هههههههههههههههههههههههههه
الله يعينكم
يلا كلها اسبوع بالكثير و تتعودو على الجامعه و على النظام

وكلنا كنا زيكم اول يوم مشينا فيه و لفينا الجامعه كلها
الين ما اتكسرت رجولنا من المشي :d
وعلى حظنا ماكان في ولا محل ولا اي مكينه شغاله شعشين نشتري منها شيء نشربه
خخخخخخ


بالتوفيق للجميع
وبالنسبه للي بيسألو عن الإختبار

لا تخافو خلال اليومين الجايه بالكثير السبت الجاي هتلاقو إعلان على الجدران مكتوب فيه اللي ما اختبر يروح المبنى الفلاني بالقاعة الفلانية و يختبر :)

بس انتم حاليا روحو على القاعة المكتوبه في جدولكم و في نفس الوقت
لانه بعد تصحيح الإختبار و فرز النتايح هيغيرو قاعاتكم و شعبكم :)

[dodi girl]

مممم والله اول يوم مررررررا ماكان حلو الصراحه انا وصلت قبل الاختبار بنص ساعه وعلى طول رحت القاعه وبعدين نمن خلصت الاختبار طلعت وكنت بستنى السيارة بس كنت لوحدي مااعرف احد هناكا دا اسوأ شي كنت متفقه مع ملاك بس مافتحت ايميلها ولا كلمتني ف كنت لوحدي

[dodi girl]

يابنات المنتدى ياريت اللي جدولها زي تقولي بليييييز لاني لوحدي

[M!$$ RoSe]

لا لا لا مرررا ما حبييييييييييييييتها
شي يضيع و مدري إيش
والله رجولي تعورني مررا من كتر المشي واللفلفه
بس الإختبار كان مررا حلو وسهل
أخخخ بس الله يرحم أيام زمان كنا في المدرسه والناس تجينا لين عندنا بس دحيين لا يا حسسره

[فشفاشة]

فرع البنات مـــــــو حلو
وماكان معايا احد ولا اعرف احد
كان نفسي اشوف المباني وكدا بس
مارحت لاني لحالي

[عاقله لحد الجنون]

المشاركة الأصلية كتبت بواسطة فشفاشة فرع البنات مـــــــو حلو وماكان معايا احد ولا اعرف احد كان نفسي اشوف المباني وكدا بس مارحت لاني لحالي

كثري منها مرة موحلو هو جدولك زي جدولي باشياء انا زيك خطه أ

[ضوضائيه]

يالله حزنتوني ولله بس لازم تمرو بالمشاعر المخبطه هذي عشان بعدين حتحبو الجامعه مره
انا مو انتظام انتساب بس حتى انا زيكم لمن دوامت اول مره وقت الدوره حسيت بنفس شعوركم امشي مو عارفه وين رايحه وانصدمت من كبر الجامعه حتى من كثر مامشيت رجلي علمت من الشوز
اول كنت بس أسال لكن الحين ماشاء الله عليا انا الي ادل وحافظه ارقام البوابات حتى من برى من الشارع
بس بسألكم سؤال لقافه اش الاختبار الي اختبرتو ليش يختبركو هذا الاختبار وهوا اجباري ولا كيف والي ماينجح فيه واش فايدته اصلاً

[د. أسامة]

تيست تيست ون تو ثري ،، ألصووووت واضــح

أما أنا قصتي قصـة

الله يذكر أيام الثانوية بالخير

كانت جنب البيت أروح لها في ثواني

لكــن هالــحين الله لا يوريكــم ، مشششششششششششششـــوووآآر إلى الجامعـة ، لكن مع الأيام بتعـود عليه ع العمـوم

أنا قبلها بيـوم قابلت خويي بو عبدالرحمــن < ][ بطل قصصي كلها ^_* ][ و قلت له يا رجل بكره إن شاء الله 6:45 إنت صاحي و أنا صاحي ، نفطـر و الساعة 6:55 إحنا متوجهين للجامعـة مع العلـم إن إختباري يبداً الساعة 1 < خطة ب ، لكن كان ودي أروح علشان أحضر حفـل الجامعـة و أشوف المباني و ألـف على مكتبة الشقيري و غيرها ، لكن و لا حاجة من اللي فاتت حصلت خخخخخخخخخخخخخخخخخخخ

حاط عشرين منبه و لا واحد منهم صحاني و كنت مرررررره تعبان ، اليوم اللي قبله كان مجهـد شوووووي ^_^

و صحيت ع الساعــة 8:45 و أنا مفجـوع و أنا في الأصـل ناسي جوالي على الصامت من أمس و ألاقي مليـون إتصال من الشعب السعـودي كله ،

و أتصلت سريع على بو عبدالرحمن و قال أنا في القاعة و بيعطونا الأوراق هالحين ،

و دقيت ع ولد عمي ثامر < ][ بطل المنتدى ][ إلا و هو يقول نفس الشئء و على واحد ثاني و نفس الكلام ،

أنا خفـــــــت من جد و قمت جري أفطر و أتجهــزز و ألبس ثوبي و أشغـل السيارة و مشيــت ألــف < ][ معاي بوووغــآتي ][ ،

و الحمد لله وصلـت و عدت الأمور على خير و إختبرنا و جانا واحد هـنـدي ، فجأة ألاقيه فوق رأسي ، قلت له خذ ريـال و جيب لي واحد شاهي يكثر سكر و هذا ريال ثاني علشان النعناع ، إلا و الرجال يصيـح ، ( إس كلام ، أنا دخــتـووووووووور ) ،و عاد اعتذرنا منه ،

وخرجنا من الموقف بسـلام ^_^

[كوكو شانيل]

^ ^
looooooooooooooooooool
والله الى الان انا مو مستوعبه ان اليوم اول يوم
واننا رحنا واختبرنا .. وانو خلاص حنبدأ دراسه قريب
خلوني شويه كدا كم يوم استوعب الهرجه واقولكم مشاعري << امزح
والله شعور لا يوصف كنت مرررررا مضيعه ومو عارفه وين اروح او اسأل مين وانا اعرف ان الكل مضيع زي حالتي والجامعه مرررررا مو زي ما اتخيلتها كانوا بيقولوا الجامعه حلوه والجامعه تجنن ومدري ايش .. وفي النهايه تطلع الجامعه عاديه لا وحشه ولا حلوه بس عندي احساس اننا راح نحبها ان شاء الله في القريب العاجل << عندها أمل
ايوا صح كنت حنسى شفت كم حبه من صاحباتي ودا شي اكيد فرحني بس انو اختبارهم كان بدري وانا اختباري 1 يعني لازم من الجلسه لوحدي يوووه والله في كلام مرررررا كتير في نفسي بس خلاص لا ازودها واطول عليكم ..
الله يوفق الجميع يارب ويحققلنا وإياكم أمانينا ويكتبلنا كل اللي فيه الخير لنا .. آمين يارب
وألقاكم على خير ان شاء الله ..