تجمع الناقدين فقط ! لما في الجامعة من عيوب فنية أو تربوية (حملة لنرتقي للأفضل)

[ahmed_al0lyan]

السلام عليكم

اختي سميه احييكي على مجهودك الرائع واتمنى انو فكرتك توصل للمسؤولين لأنو كلامك هوا اللي حاصل وان شاء الله مو وجود طالبات جريئات زيك الحال حيتعدل

بس في بعض المواضيع مجبورين نتغاضا عنها لأنها حريه شخصيه مثل المكياج وقصة الشعر

انا عارف انو المكياج يضر البشره والبنت على طبيعتها تكون ارتب بس هدي حريه شخصيه

يعني ما اقدر اتخيل كيف المنضر حيكون لما يكون في تفتيش على بوابة الكليه للمكياج وقصات الشعر

بالنسبه لخروج ودخول الطالبات من الجامعه هدي برضو حريه شخصيه

مو شرط انو البنت لو طلعت من الجامعه حتسوي غلط ..

ترى كثر الضغط ما ينفع يا سميه وممكن لو زاد يسبب امراض نفسيه

وعشان كدا في مجتمعنا تلاقي كثير من البنات حالتهم اندمرت بسبب الضغوط

[سميه محمدي]

المشاركة الأصلية كتبت بواسطة ahmed_al0lyan ترى كثر الضغط ما ينفع يوممكن لو زاد يسبب امراض نفسيه وعشان كدا في مجتمعنا تلاقي كثير من البنات حالتهم اندمرت بسبب الضغوط

مين قال ضغط فينو ؟؟

هههههه

لا ضغط ولا شي ,

وأعتقد مافي وحدة تدخل الجامعة نفسيتها إلا ومع الوقت حترتاح خصوصاً لمن

بتشوف عالم وأمم وتستثمر وقتها صح.

في حاجات ومميزات رائعة وطيبة من جامعة

الملك عبد العزيز إنها بتعمل حفلات معايدة وتخرج وتكريم وجوائز ومسابقات

و بازارات وحلقات لتحفيظ القرآن و نادي رياضي للأسف قديم و دورات مجانية

ورحلات لكل فصل أو فصلين دراسي للكلية البحرية و بباص الجامعة.
...
وكيف كانوا الطالبات بالمدرسة هل مضغوطين ؟؟؟

ما أعتقد .!!!
....
وصح إن الطالبات بيطفشوا ويشعروا بالملل خصوصاً

اللي عندهم محاضرات وبعدها ياخدو ساعة أو ساعتين

وقت فراغ قبل المحاضرة اللي بعدها, خصوصاً

بعض المعامل و المواد العامة بعد 1ظهراً

...
لكن لو إنو زي ما بأقول توضع مراكز ترفيهيه داخل الجامعة

راح تختلف نظرة الطالبات عن الهروب والتشرد من الجامعة

لأنو القاعات ممتلئة والأجواء بالساحة ساخنة جداً حتى بعد تركيب المظلات

و المطعم صغير جداً وسقفه بيخررر موية وريحتو فايحة همبرجر مقلي وذرة من

الصباح...