هااام لطالبات خطه ب انا رحت الجامعه وفهموني كل شئ

[خديجة عبده]

المشاركة الأصلية كتبت بواسطة ملكــــه والله حــاله

عن جد انتي اخلاق واسم على مسمى
الله يوفق الجميع

[NADA-ALI]

هههههههههههههههههههههههههه خديجه ضحكتيني من قلب والله الله يسعدك اجل رااايحه بكعب وكاشخه هههههه مسكينة حبيبي يعطيكي العافيه

وكلامك سليم 100% والدليل أدخلو على تقويم الجامعه أظغطي هنا

وبعدين زلي الجدول على تحت لأنو فيه تكمله راح تلاقو ان دورة خطة (ب) طالبات راح تبداء بتاريخ 18/12/1430هـ

يابنااااااااااااات لاتسمعو كلام اي وحده تتكلم عندكم الموقع ادخلو واتأكدو بنفسكم أبحثووو وراح تلاقو الإجابة الشافية بإذن الله

وبالنسبة لدورات السنترا انا مرررره مبسوطه عليها لأني موظفية هادا اولاً ثانيا راح توفر عليا المواصلات والمشوار حق الجامعه غير كدا لما حتسمعي المحاضره راح تسمعيها بروقان وتقدري تعيدي وتزيدي فيها الين ماتفهمي بإذن الله

أنا متفائلة بالخير إن شاء الله موفقين يابنات

ومشكوره يا اخت خديجه وجزاكي الله خير عن جد أفدتيني لأني كنت محتاجه أحد يروح ويسأل الله يوفقك ياااارب وينولك اللي في بالك =)


Nada Ali

[soft girl]

الله يعيين
وعلى طآري الكتب دام انها نزلت المفردات واسم الكتاب والمؤلف عادي اشترو الكتب لأنه استحاله بعدها يقدرو يغيرو الكتب ولنفرض لو غيروها مررره ماراح يكون عندهم وقت هذي كتب وطباعه ونشر يعني مشوار

واللي اعرفه احنا دوامنا في الحج بس انتي تقولي 17-11 << يعني ممكن قدموا الوقت اش فيها عادي
كل شي راح يبااان ياحلووين انتو بس خليكم متآبعيين للأودس والتقويم والمنتدى

يعطيك العآفيه ياعسل :)
وربي يوفق الجميع

[ام توفي]

كيف ممكن ندخل على المحاضرات على النت

[خديجة عبده]

المشاركة الأصلية كتبت بواسطة ام توفي كيف ممكن ندخل على المحاضرات على النت

حيكون عن طريق برنامج الodus وبس نفتح ع البرنامج اكيد حنعرف الطريقة الصحيحة

وشويا شويا حنولف ع الهرجة تبع النت
يابخت خطة أ دحين هما بيحضرو والمستوى التاني حيكونو زينا بس حيكونو عارفين احنا صرنا التجربة وهما ع الجاهز استفادو مننا

[@ هفوات @]

اولا اختي الحمدلله على سلامتك بعد الطيحه وماتشوفي شر انا جاتني تنبيهات مسبقه على موضوع الكعب في الجامعه بسبب المرمطه والمشاوير
ثانيا ياعسل لاتزعلي من بعض الردود اكيد متوترين وانتي عملتي اللي عليك والله يجزاك بالخير ان شاء الله ما قصرتي والمفروض يقدرو انك ماجبتي شي من راسك وما ورطتي احد بشي تقدم الموعد كان بها واذا كان قي نفس الموعد برضو ماراح يصير شي على العموم مشكوره ياقمر ولا تزعلي



اختك :هفوات

[هيبة ملاك]

البنات اللي معارضات اسمحولي بتقولو بعدين جزاكم الله خير ع الخبر
لان كمان انا قالولي نفس الكلام
يعني قبل الحج
وراح ينزل الموعد ع التقويم او الاودس قرييييب
والتزمو الاخلاق اذا ماعجبكم كلامناا او اخرجو من الموضوع من غير ماتحطو ردود غير لائقهـ
مشكورة حبيبتي ع الموضوع
وكلامكـ يالغلا 100%

[حصار الثلج]

الله يوفقك ويعطيك العافيه.,..

واكيد راح يظهر لنا مع الوقت كل شئ ,,..

[بتوحشنـــي]

عنــي أنا مررره حبيتو

[whiteswan]

اولا : سلامات على الطيحة(ومايطيح الاالشاطر)..
ثانيا:مشكورة ياقلبي جزاك الله خير والله كنت شايلة هم الدورة اللي في الحج لانها مرة بعيدة...
بس الحين مادام بشرتينا انه في دورة قبلها اطمأنيت ...
مشكورة مرة ثانية وعقبال الانتظام يارب...