اللي يبغا الاجر ينصحني..( بعد سماع قصتي )

[قلب محروم]

بسم الله الرحمن الرحيم
وبعد

م حاب اطول عليكم

حدخل بالموضوع على طول

اولا :

انا طالب تحضيري خطه أ..وماشي تمام
الا بمادة الفيزياء مني فاهم ولا درس مرره...
وحب ما سمعت انهم يقولو اكيميا والاحياء والاحصاء اصعب مليون مره ( النصف اتاني )

وانا داخل ابغا الطب او بلاشي من جامعة الملك عبد العزيز..

فالهرجه انو فيه تقديم عى النصف التاني بكلية ينبع الصناعيه...مني عارف اش الحل اكمل في عزووز ..او اسحب انصف التاني وارووح الكليه الصناعيه ( علما بأن شهادة الكلية الصنايه هندسه احسن بمليون مره من هندسة عبد العزيز )

لكن انا خاايف اكمل في عزووز واضيع سنه من عمري ومجيب معدل..خصوصا انو الفصل التاني اصعب...

وياليت كمان تفيدوني بمعدل الطب كم يبغون .؟؟ وكم طالب يقبلوون ؟؟


الله يخليكم ريحوووني.

[نودي*]

شوف مادام انت في بالك طب ان شاء الله تدخلة ان كان لك فيه خير

وبعدين مافي شيء يجي بالساهل وكل المواد يبغالها مذاكرة وشدة حيل واحنا اللي رح نخليها صعبة علينا أو سهلة

يعني لاتسمع كلام اللي يقولوا هذه المادة صعبة ولا هذه رسبت فيهاالعام بسبب تعقدها وصعوبتها بالمقابل رح تلاقي اللي يقولوا سهلة وتافهة

وحتى انا عقدتي الفيزياء بس الحمد لله عدى على خيييير

بس انت بمذاكرتك وتركيزك ان شاء الله بتخليها سهلة

ماأقولك اني الأفكار هذه ماتراودني>>متعوب عليها هههه

بس لازم نضغط على انفسنا حبتين والله يسهلها

اما بالنسبة للطب اللي اعرفه انهم يقبلون جيد جداً مرتفع

وبالتوفيق...

[mah90]

حسب كلام اثنين من العيال انه الدرجة اللي تاخذها من الكلية الصناعية تعطيك اظن مساعد مهندس<<لا تسألني كيف

يا عمي كمل في الجامعة واذا ما جبت معدل حول على اللي تبغاه...

[The golden girl]

الأستخارة.... الأستخارة ....
بقولك شي فكر فيها لو على طول دخلت طب من دون سنه تحضيري راح تلاقي اللي اصعب من الفيزياء والاحياء والكيمياء ... في الطب واشياء عمرك مااخذتها ... بس بطموحك وانت اش تبغي راح تعدي كل شي بأذن الله بس لاتحطم نفسك من البداية وذاكر واجتهد ولكل مجتهد نصيب..
والله يوفقك والجميع

[نودي*]

نسيت مااكتب قبل اي شيء لاتنسى الاستخاااااااااااااااارة

[Lake3ah]

اول شي خطة ب اسهل بكتييييييييييييييييييير
الاحياء<<تذاكرو من البنك وحيجي نفسو
الاحصاء<<ماعتقد يعني انو اصعب من الرياضيات مووو؟ بس هوا اول شبتر شد حيلك فيه
الكيمياء<<هوا يمكن اصعب شي في خطة ب
انت كمل الترم الاول في عزوز لو ماجبت نسبة عجبتك سجل في كلية ينبع الصناعية

[ime149]

استخير ياخوي

ما الصعوبه فخذ في بالك مافي شيء في

الحياه سهل..

يعني انت شد حيلك

وذاكر اول باول وحاول تلملم الماده

قبل الاختبار

لان وربي لو مافتحت الكتاب الايوم الاختبار

راح تكره نفسك وماراح تفهم شيء

وترى الكيمياء والاحياء اشياء الثنوي

لكن انجليزي

والاحصاء ماده حلوه وكلها كلام وقوانين

سهله..ومسموح بالمترجم والقوانين موجوده

في الاختبار

وربي يسهل عليك..

لجين

[Heba EB]

حيـاك الله ~

شوف انت كم تجيب معدل في الفصل الأول وعلى أساسه أحكم
يعني - لاقدر الله - لو جبت معدل منخفض يعني ماحتقدر تدخل طب ، إذاً قدم على الكلية الصناعية
وإذا جبت معدل عالي معناه توكل على الله وكمل الترم الثاني وشد حيلك وادخل طب

سمعت انو الطب يقبلو 4.5 وفوق
فـ إذا بان من معدل الترم الأول انك جايب في هذي الحدود " كمل"
وإذا ماكان معدلك عالي ماأنصحك تكمل في عبد العزيز لأنك تبغا طب ،
وإذا من الترم الأول معدلك منخفض معناه انك فقدت الطب ، فمالو داعي تضيع الترم الثاني في شئ مامنو فايده
إلا إذا كنت تبغا شئ في الجامعة غير الطب هذا موضوع ثاني

وكمان لازم ومهم تعرف معلومات كافية ووافية عن الكلية الصناعية ( شهادتها ، تخصصاتها ، فرص عملها .... الخ )
عشان لا تسحب وبعدين تتورط فيها

وطبــــعاً لاتنسى الاستخــــارة ، والتوكل على الله في كل الأحوال



هذه نصيحتي لك
مع دعواتي لك بالتوفيــق والنجاح ،،

[مــــلاكـ]

صلي صلاة الاستخاااااااااااارة
وما تضيع...........
الله يقدملك اللي فيه الخير,,,,آمين

[AL-SULTAN K.A.U]

لازم يكون طموحك عالي وما في شي مستحيل
لازم تكون علاقتك بالله قوية
+حافظ على الصلوات الخمس في المسجد مع الجماعة
+الدعاء
+رضى الوالدين ودعائهما
وهذه الحياة لازم تتعب علشان ترتاح بعدين اتعب سنة ولا تتعب دهر