معناة طالبة طموحة

[Dr.yoyo]

السلام عليكم ورحمة الله وبركاته انا طالبة سنة تحضيرية ونفسي مررره وامنية حياتي وهدفي اني ادخل طب اسنان وبما اني ماني من جده وفتره اقامتي هي في السكن اشوف كل انواع العداب لمن اشوف بنات الطب وهم لابسن لاب كوت وسكريبت نفسي اكون زيهم دايمن اتخيل نفسي مكانهم وخصوصا طب الاسنان والله عيني تدمع لمن اشوفهم ماتركت اهلي واتغربت الا عشان كدا بس خايفة من النحضيري خصوصا انو اول درجاتي زفت بلا ماخده يعني جبت في math110درجة مي حلوه وهي23اتحطمت مرررره وفكرت اسحب كمان بس قلت يابنت اضغطي على نفسك إن شاء الله تتعدل ماني عارفة تخيلو ا اني لمن اشوف بنت طب اروح اجري اتكلم معاها وسألها عن الطب والسنة التحضيريه حتى لمن اشوف وحده برابع طب حايسة ماهي لاقيه اصلع اسناني من جده اتمنى اكون انا مكانها وحايسة كدا والله يامحلاها من حوسة
ياطلاب منتدى طب الاسنان ادعولي ادخل طب اسنان والحقكم
قولوا يارب يارا تدخل طب

[υикиσωи]

وعليكم السلام ورحمة الله وبركاته ..:)

بسس احب اقولك شي واحد يمكن يررفع معنوااااايتك ..
الماث ما ينحسب في النسبة الخااااصة ..

شدي حيلك يا قلبي ..بالتوفيق ان شالله ..

[مَـزٍآج ..}..]

الله يعينك ويوفقكـ ..

إأول شئ زي ما قالت ان ناون المآث مو محسوب في الخاصـه ..

وثاني شئ ترى درجتكـ مو بطااله لهذي الدرجه الي تخليك تسسـ ح ـبي ..

وثآلث شئ مو إأي صعـوبه تواجهيها يكون الـ ح ـل لها الأنسسـ ح ـآب ،،
خلي هالحـل من اخر الحلول ..
او احذفي هآلحل اصلا من قآمووس الحـلول الي عندك


الله يوفقكـ يآ دكتورهـ !!

[Dr.yoyo]

شكرا لكم مررره رفعتوا معنوياتي

[الباشا666]

يارا لا تنغمي ولاتشيلي هم

ترا انا جبت اقل منك فاول اختبار وشوفي الحين طب اسنان حاولي بس تشدي حيلك فالاختبارات التانية وترا في زيادات فنهاية الفصل لكل مادة يعني لاتخافي حيرفعوكي

وزي ما قالت مروى فوق ترا الماث مو داخل فالنسبة الخاصة بس يرفعلك معدلك

شدي حيلك وان شالله نشوفك السنة الجاية معانا

تحياتي,,,

[مشاعل..]

الله يوفقك ياقلبي ويسهلك امرك ويعلي مراتبك <<<دعوة من جوف قلبي والله
واشوفك دكتورة اسنان واجي عندك ..