تعالوا اختاروا موضوع الـPresention|| استفسروا|| وخذوا الحلول ||(موضوع جماعي موحّد)!!!

[Marvellous]

بسم اللـــهـ الرحمن الرحيم



لاحظت إن كل مواضيع المنتدى صارت عن البريزنتيشن!!
والأكثرية تايهة بين اختيار الموضوع , وانتقاء الكلمات, وطول البحث...الخ

فأنا أشوف إنه الأفضل إننا نوحد عملنا في عمل واحد يكون شامل وكامل (بدل ماكل شخص يكتب موضوع)

عشان كذا: أي أحد ماعنده أو ماإختار موضوع لسه , أو محتار بين أكثر من موضوع , أو مو قادر يرتب أفكاره , أو ماعنده مفردات وكلمات عن موضوعه .. أو .. أو ..الخ
يحط اللي في راسه هنا,, وينتظر إجابة غيره .. والعكس صحيح
يعني يفيد ويستفيد...

أنا دحين بأنسخ لكم بعض من ردودي على مواضيع البريزنتيشن اللي في المنتدى عشان تاخدوا فكرة.... مثلاً :

والله في مواضيع مـــرررة كثيرة!! بس انتي قولي مثلاً اش تحبي في حياتك ؟؟
مواضيع سياسية ... اجتماعية ... اقتصادية ... رياضية ... ثقافية

ميولك إيه هو ؟؟

يعني لو تبغي تتكلمي مثلاً عن السياسة , في عندك مواضيع كثيييرة , زي مثلاً:
1- حصار غزة 2- الحروب الصليبية (العراق وأفغانستان) 3-قضية تهويد القدس 4- إيران والعرب
...الخ


ولو تبغي تتكلمي عن الإقتصاد , مثلاً :
1- الإقتصاد الإسلامي 2- ربط العملات 3- احتكار السلع 4- غلاء الأسعار 5- التنظيم الإقتصادي للأسرة
6- البورصة ....


ولو تبغي تتكلمي مثلاً عن المواضيع الإجتماعية , عندك:
1- ظاهرة المسترجلات 2- التعاون بين أفراد المجتمع (تكامل) 3- العنوسة والعزوبية 4-تمكين المرأة
5- ضعف الوازع الديني.....


ولو مثلاً تحبي الرياضة ... عندك مواضيع كثيرة , زي :
1- كأس العالم 2010 2- تذكري تاريخ أي رياضة تحبيها 3- سيرة ذاتية لأي رياضي تحبيه
4- كرة القدم والسياسة <<موضوع مرة خطير ومهم وكثير من الناس غافلين عنه
5- رياضة اليوغا
...الخ




.................................................. ............


وهذا رد ثاني :

بسم الله الرحمن الرحيم


بصراحة المفروض مايحددوا لكم موضوع معين ويقولوا لكم تكلموا عنه !!!!

احنا ماسووا معانا كذا !!
وش معنى انتوا بالذات؟؟؟؟



المهم :
هما اختاروا لكم موضوع الإقتصاد ... وموضوع الإقتصاد راح يكون فيه أقسام حلوة تقدروا تبحثوا عنها وتستمتعوا فيها


لكن في مشكلة إن المفردات ممكن تكون صعبة شوية... بس دام المطلوب منكم (بعد الحج)
فإن شاء الله انكم راح تبدعون لأن عندكم وقت طوووويل تقدروا تحضروا لبحث يكون حلو وسهل...


سوري طولت !! بس أبغى أقترح عليكم مواضيع وانتوا اختاروا منها , مثلاً:
1- الإقتصاد الإسلامي >>>جداً شيق وممتع ومفيد
2- البورصة >>> A stock exchange mutual organization which provides "trading" facilities for stock brokers and traders, to trade stocks and other securities. Stock exchanges also provide facilities for the issue and rtion of securities as well as other financial instruments and capital events including the payment of income and dividends. The securities traded on a stock exchange include: shares issued by companies, unit trusts, derivatives, pooled investment products and bonds. To be able to trade a security on a certain stock exchange, it has to be listed there. Usually there is a central location at least for recordkeeping, but trade is less and less linked to such a physical place, as modern markets are electronic networks, which gives them advantages of speed and cost of transactions. Trade on an exchange is by members only. The initial offering of stocks and bonds to investors is by definition done in the primary market and subsequent trading is done in the secondary market. A stock exchange is often the most important component of a stock market. Supply and demand in stock markets is driven by various factors which, as in all free markets, affect the price of stocks (see stock valuation).

There is usually no compulsion to issue stock via the stock exchange itself, nor must stock be subsequently traded on the exchange. Such trading is said to be off exchange or over-the-counter. This is the usual way that derivatives and bonds are traded. Increasingly, stock exchanges are part of a global market for securities.

مثلاً يعني زي البراغراف هذا ....

3- غلاء الأسعار >>> زي واحد من الردود
4- احتكار السلع من قبل التجار >>> موضوع خاص شوية وياخذ من غلاء الأسعار (لأنه أحد الأسباب في غلاء الأسعار)

5- ربط العملات >>> يحتاج خبرة ,, ولو وحدة فكرت تسوي عنه , تقولي وأنا أقدر أساعدها
6- التنظيم الإقتصادي للأسرة >>> حلو ومفيد...


............. وبـــس

شدوا حيلكم والله يعينكم على الربشة!! ههههههههههههههههااااي !!!!
الله يستر بس منكم!!



بالتوفيق للجميع....
.................................................
...................

وهذا رد ثالث

بسم اللـــهـ الـــرحمن الــــرحيم


هذا تعبير عن اللاعب الفرنسي المعروف المشهور المسلم (زين الدين زيدان)... وأتمنى يفيدك إن شاء الله

Zinedine Yazid Zidane(born 23 June 1972) is a retired French professional footballer. Widely considered one of football's all-time greats, Zidane played for club teams in France, Italy and Spain, and was a member of the French national team. His career accomplishments include helping France win the 1998 FIFA World Cup and UEFA Euro 2000, in addition to winning the 2002 UEFA Champions League as a galactico with Real Madrid.

One of only two three-time FIFA World Player of the Year winners along with Ronaldo, Zidane was also named the European Footballer of the Year in 1998. His abilities were further recognized in 2004 when he was included in Pelé's choice list of the world's greatest footballers. He retired from professional football after the 2006 FIFA World Cup






وبالتوفيق ياااااارب للجميع

..............................................
......................

فهمتوا أنا أقصد إيه ,,, صح ؟؟
أنا والله بالنسبة لي اختبرت وخلصت ولا محتاج أي شي , بس ودي ان الناس اللي ماختبرت تستفيد

فلحد يجي يقوللي .......................... << زي بعض الناس!!




والإدارة لسه ماردوا مني !!!
بيرجعوا الرسايل الخاصة ولا لأ ؟؟!!




عالعموم الموضوع هذا لكم انتم ,,,
وبالتوفيق للجميع يارب

[ميعاد]

جزاك الله خير والله يعطيك العافيه..

[Marvellous]

يــآآآرب توفقني في دي السنه يآآرب وتعديها ع خيير

وكووول البنات يآآآرب , وندخل اللي نتمنآآه

طـيب ياميعاد والأولاد ؟؟؟

^_^

؟

!

[اجمل انسانهـ~]

احنا استاذتنا قالت بعد الاجازة بتحددلنا 3مواضيع نختار منها

بس أنا أصلاّ ماأدري إيش المطلوب في البرسيتيشن لانو باقي ماشرحتلنا شي

إذا كانت الشغله _بلقرافات_>>أهم شي ههه

يعني مواضيع أنا عندي تقريا 5مواضيع منوعه
^
^
^
تبيني أنزلها؟؟؟؟!!؟

[do_ode]

سلاااااام احنا استاذتنا قالت لنا من الكتاب نختار من الثلاث شباتر الاولى فقط
ومحتاره فممكن تعطوني اي عنوان قديم اكتب عنه ؟

[strawberry18]

السلام عليكم

احنا استاذتنا ماقالت شي شكلها نسيت
ولا حددت مواضيع وانا ماابغى استنى المواضيع لبعد الحج لانو بعدها حننشغل مع الاختبارات
وقلت اكتب من الكتاب اضمن <<<< مدري لو انتو مكاني تستنو ؟؟؟
وفكرت اكتب عن الاعلانات التجارية
طيب عن ايت اعلان تقترحوا مني عارفة ايش اكتب ؟؟؟

[girl.k.s.a]

السلام عليكم ..

مشكور خيو ع الموضوع الحلو والمفيد جزاك الله ألف خير ,,


أنا موضوعي الأول عن arabic language

والموضوع االتاني بأشوف يمكن أخليه عن (حسين عبدالغني)

بس أحس الموضوع ما ينفع لبنت في مستوى أول ,, خخخخخخ

إيش رأيكم ؟؟

والثالث عن الصداقه وعندي عرض باوربوينت عنها مرهـ روعهـ

يتكلم العرض عن كل حروف اللغة الانجليزية ولها جمله عن الصداقه

طويل شويا بس حلووو ..

أبغى آرآآآآئكم .. ^_^

[Marvellous]

المشاركة الأصلية كتبت بواسطة اجمل انسانهـ~ احنا استاذتنا قالت بعد الاجازة بتحددلنا 3مواضيع نختار منها بس أنا أصلاّ ماأدري إيش المطلوب في البرسيتيشن لانو باقي ماشرحتلنا شي إذا كانت الشغله _بلقرافات_>>أهم شي ههه يعني مواضيع أنا عندي تقريا 5مواضيع منوعه ^ ^ ^ تبيني أنزلها؟؟؟؟!!؟

يعني انتو لســه ليلكم طويل !!

الله يعينكم بس ..
أجل لمن تحدد لكم الثلاث مواضيع نفيدك إن شاء الله
ههههههههااااااااااااااااااي



أما بالنسبة للخمسة مواضيع اللي عندك , فياليت تنزلي عناوينها بس.. عشان يستفيدوا اللي ماعندهم أفكار

..وبالتوفيق

[Marvellous]

المشاركة الأصلية كتبت بواسطة do_ode سلاااااام احنا استاذتنا قالت لنا من الكتاب نختار من الثلاث شباتر الاولى فقط

المشاركة الأصلية كتبت بواسطة do_ode ومحتاره فممكن تعطوني اي عنوان قديم اكتب عنه ؟

وعليكم السلام ...

أنا بصراحة مافهمت قصدك بالضبط!
فهمت إنه دكتورتكم قالت لازم تجيبوا من أول 3 شباتر أي موضوع ,,,

أما العنوان القديم اللي تبغيه . أنا بصراحة مافهمت أي عنوان


تعالي قولي لنا وماراح نقصر معاكي , لاأنا ولا باقي الأعضاء


سي يووو

[Marvellous]

المشاركة الأصلية كتبت بواسطة strawberry18 السلام عليكم وعليكم السلام احنا استاذتنا ماقالت شي شكلها نسيت شكلها تنحت وانتي الصادقة!! ولا حددت مواضيع وانا ماابغى استنى المواضيع لبعد الحج لانو بعدها حننشغل مع الاختبارات إيوه معاكي حق ,,, بس لاتنسي ان الإختبارات لسه بدري عليها وقلت اكتب من الكتاب اضمن <<<< مدري لو انتو مكاني تستنو ؟؟؟ لو انتي متأكدة ان موضوعك اللي حتكتبيه بيكون قوي , عادي سويه من الكتاب أو من بره الكتاب... وفكرت اكتب عن الاعلانات التجارية مـــررررة نايس عن الإعلانات!! طيب عن ايت اعلان تقترحوا مني عارفة ايش اكتب ؟؟؟ مو عن إعلان تجاري بحد ذاته ... اكتبي عن الإعلانات بشكل عام واذكري كم إعلان في الموضوع (كأمثلة يعني) , أما انك تخلي موضوعك كله عن إعلان محدد أتوقع إنها حتكون صعبة عليك شوية

ولو قررتي كلمينا وراح نديك أفكار بإذن الله ..

وبالتوفيق يارب