30%

[dail]

المشاركة الأصلية كتبت بواسطة عيون الحقيقة *أولا: يابنات مين قال إنه الآلة بتصحح غلط؟! أنا وكل زميلاتي اللي راجعوا أوراقهم كانت درجاتنا فعلا هي اللي نستحقها ولا درجة زايدة ولا درجة ناقصة، ومو نحن اللي نحكم عليها لأنه مو نحن اللي بنستخدمها *ثانيا: البنات اللي يجيبوا 99% في المدرسة مو شرط يجيبوا درجات عالية في الجامعة لأنه ممكن يكونوا من الناس الصمامين اللي مو فاهمين أو إنه المدارس متساهلة، ونحن في الإحصاء قالت الأستاذة من أول محاضرة إنه لازم نفهم ونذاكر ونحل الواجبات أول بأول *ثالثا: انتو يا بنات الكلية مو تبغوا تدخلوا الكليات الطبية؟ فكيف تقولوا نحن ميح في الانجليش وما نقدر نمشي؟! لأنه الكليات الطبية كل دراستها بالانجليش..فلازم تقووا نفسكم فيه *رابعا: الأستاذة قالت إنه المذاكرة الأساسية من الكتاب فليش تلخبطوا نفسكم وتروحوا للملخصات اللي هي بالعربي وبخط اليد وأي كلام؟! *خامسا: مو كان عندنا نموذج للاختبار شفناه وعرفنا منه طريقة الأسئلة، حتى مساكين اللي اختبروه كان عندهم 60 سؤال فإذا إنتو تقولوا إنه الوقت ماكفاكم مع 45 سؤال يعني هم إيش سووا وقتها؟!! *سادسا: لغة الاختبار كانت أسهل من الكتاب وحتى في أسئلة كانت بالظبط زي أسئلة الكتاب بس محد حيلاحظ دا الشي الا اللي تحل التمارين والكويزات *سابعا: الدرجة الكاملة يابنات سواء في الإحصاء أو في اي مادة تانية مو لازم الكل ياخدها..ما تاخد الفل مارك الا الطالبة اللي تستحقها وتكون بتذاكر أول بأول مو اللي تذاكر بس وقت الاختبار <<<<مع العلم اني نقصت ما اخدت فل مارك *ثامنا: شكلي حانضرب بس هادي كلمة حق حبيت اقولها بدل ما دايما نحن الطالبات نقول الاختبار فيه ويخطيه والمكينة اكيد غلطانة والدكتورة ماتعرف تشرح والأنظمة بتظلمنا..ليش ما نفكر إنه اللي بنزرعه هو اللي بنلاقيه فإذا كنا مهتمين حنلاقي النتيجة اللي ترضينا ولو كنا لعابين حنلاقي اللي نستحقه، والدليل انه في بنات جابوا فل مارك فمعناها الموضوع مو مستحيل!! طولت عليكم بس أتمنى تكون فكرتي وصلت، والله يوفقنا جميعا ونجيب اعلى الدرجات

اولا احنا مانلوم الاستاذات ...وثانيا هذا اول اختبار لنا وهما ماراعوا هذا الشي ولا تقولي الاسئلة سهله ..مو معقوله الاغلبيه بيكذبوا واحنا من بداية السنه شادين حيلنا وعلى فكره انا متخرجه من مدرسه حكوميه نموذجيه العاشره على المدرسه نسبتها 98 ومن المدارس الي فازت في امتحان الفيزياء والرياضيات

[عيون الحقيقة]

المشاركة الأصلية كتبت بواسطة dail اولا احنا مانلوم الاستاذات ...وثانيا هذا اول اختبار لنا وهما ماراعوا هذا الشي ولا تقولي الاسئلة سهله ..مو معقوله الاغلبيه بيكذبوا واحنا من بداية السنه شادين حيلنا وعلى فكره انا متخرجه من مدرسه حكوميه نموذجيه العاشره على المدرسه نسبتها 98 ومن المدارس الي فازت في امتحان الفيزياء والرياضيات

أرجع أقولك مستواك في المدرسة مو لازم يكون نفس مستواك في الجامعة، ومن اللي سمعته إنه في بنات شطار في المدرسة رسبوا في الجامعة حتى من قبل ما يعملوا نظام السنة التحضيرية. هو يعتمد على الطالبة نفسها. واللي تشد حيلها ان شاء الله ربنا مايضيعها.
وانا اختي كانت تحضيري العام الماضي وهم قبل ما يدخلوا الاختبارات ما كان عندهم لا نموذج ولا شي،يعني كل ال60 سؤال جديدة عليهم!! نحن نحمد ربنا إنه أخدنا فكرة عن الأسئلة قبل ما نختبر

[dail]

المشاركة الأصلية كتبت بواسطة عيون الحقيقة أرجع أقولك مستواك في المدرسة مو لازم يكون نفس مستواك في الجامعة، ومن اللي سمعته إنه في بنات شطار في المدرسة رسبوا في الجامعة حتى من قبل ما يعملوا نظام السنة التحضيرية. هو يعتمد على الطالبة نفسها. واللي تشد حيلها ان شاء الله ربنا مايضيعها. وانا اختي كانت تحضيري العام الماضي وهم قبل ما يدخلوا الاختبارات ما كان عندهم لا نموذج ولا شي،يعني كل ال60 سؤال جديدة عليهم!! نحن نحمد ربنا إنه أخدنا فكرة عن الأسئلة قبل ما نختبر

خلاص اوكي تبغيني اقول انو الخطا علي وانو انا الي ماذاكرت او بالاصح انا كسلانه وممكن اني ارسب>>والاسئله سهله مويه <<

[mnonna]

معليش بنات انا رجعت للموضوع القديم لانو غايظني
بطلو دلع
كل وحده اخدت الي تستاهلو
الي مو عاجبتها علامتها تروح تراجع
احياانن يكونو هما غلطانين
زي ف الاحياء
راجعنا مع رئيسة القسم دكتوره سهيله قاري واكتشفت انو نموذج d , c فيها شي
الاله صححت سؤال خطا في c , سوؤالين خطا في dكنت متاكده اني حجيب درجه 30 ولقيت علامتي 28 ... بعد مارجعت اكتشفت الشي دا وحمدلله حاخد ال30
ورجعو عادو تصحيح كل البنات الي نمادزجهم C , D يدوياا بس مانزلو الدرجات لكن حتتعدل
بالنسبه للاحصاء كان عندي غلط وراجعتو وطلع غلطي
الاسأله مافي اسهل منها وبعضها نس الشابتر كويز
بلا دلع وتقولو ظلم ومو ظلم محد يبا يتحمل دعاوي مظلوم ولا تقعدو تدعو على احد قبل ماتتأكدو
اتاكدو من حلولكم بعدين قلو غلط

ومعليش لو زعلت احد
شكرا

[تروبيكان]

المشاركة الأصلية كتبت بواسطة mnonna معليش بنات انا رجعت للموضوع القديم لانو غايظني بطلو دلع كل وحده اخدت الي تستاهلو الي مو عاجبتها علامتها تروح تراجع احياانن يكونو هما غلطانين زي ف الاحياء راجعنا مع رئيسة القسم دكتوره سهيله قاري واكتشفت انو نموذج d , c فيها شي الاله صححت سؤال خطا في c , سوؤالين خطا في dكنت متاكده اني حجيب درجه 30 ولقيت علامتي 28 ... بعد مارجعت اكتشفت الشي دا وحمدلله حاخد ال30 ورجعو عادو تصحيح كل البنات الي نمادزجهم c , d يدوياا بس مانزلو الدرجات لكن حتتعدل بالنسبه للاحصاء كان عندي غلط وراجعتو وطلع غلطي الاسأله مافي اسهل منها وبعضها نس الشابتر كويز بلا دلع وتقولو ظلم ومو ظلم محد يبا يتحمل دعاوي مظلوم ولا تقعدو تدعو على احد قبل ماتتأكدو اتاكدو من حلولكم بعدين قلو غلط ومعليش لو زعلت احد شكرا

ياحبيبتي لادلع ولاشي كلنا عارفين انو درجات الاحياء كانت حلوة
والاغلب ناجح ومافيها شي لو الواحد شكا هموا بركي بيرتاح

[طموحه بس حذره]

طيب ياحلوين كلكم مو عاجبتكم درجاتكم في الاحصاء احنا قالتلنا الاستاذة
انو راح نطلب من رئيسة القسم تعدلنا الاختبار انتو ادعوا في صلاتكم انو
ينعاد الاختبار وكمان لاتجلسي تلومينا على الي بنقولو عارفين كيف كانت دراستنا
في الانجليزي 6 سنوات بندرسها بس نعتبر مبتدئين يعني الغلط مننا ولا منهم على العموم
لو تكاتفنا احتا كلنا وطلبنا اعاده لاختبار الاحصاء إن شاء الله يعيدو لانو العام عادولهم إن شاء الله يعودولنا