بناااات بحث الدراما مع أ/شادن .. طريقة و أسلوب البحث

[no one]

السلام عليكم يا بنوتاات يا حلوااتات

معليه يا بنات ما قدرت انزل الموضوع ابدر من كدا لأنو النت كان قاطع ..

اوكي ,, أول شي لا تتعصبو و تقلقو و تخافو و تتوترو ووووووغيرو كتير ,,, البحث أتأجل تسليمو لحححححححححححححححححححححححححححححححححححححححححححد يوم السبت الحمد لله

فانتبهوا معايا كدا و ركزوا حبتين اقولكم كيف البحث و طريقتو و كيف تجيبو الـ +A قبل ما تسلموو االبحث ..

طيب .. أول شي مس شادن قالت البحث لااااازم و مهم جدا انو ما يكون مجرد تحليل (بيور انالسيس) للمسرحية .. لاازم يكون فكرة انتي وجدتيها او استنبطتيها من المسرحية - مثلا زي في ترايفلز كان في جندر ديفرينسيز- بعد كدا تمسكي الفكرة دي و ترميها في بحر الورق و مهم انك تربطيها من رجلها بالمسرحية عشان لا تغرق في بحر الزيييييروووووو ..

كيف تربطيها؟؟

ممكن تكتبي عن موضوع بحثك بأسلوب عادي جدا زيو زي اي مقاله احترافيه تانيه ,, مكون من مقدمه و محتوى و خاتمة ,, لكن في كل نقطة تكتبي انتي من فين تستدلي او من فين تلاقي هادي الفكرة في المسرحية ..

مثال :
جنون هاملت كان عائد لمشاكل مع الوالد ,, انتي تمسكي الجنون دا و تحلليه (ايش نوعو, اسبابو و زي كدا ) و تبدأي تربطي كل نقطة زي الاسباب مثلا بأسباب جنون هاملت ..

و زي كدا نقطة بنقطة هوب تروب خلصتي المقال , ,

اشيـــــاء لازم تنتبهيلها ..

اول شي ,, المقدمة ما تكون اطول من باراغراف وااااحد بسسس (زي ما قلنا انو مقال طويل) ,, في المقدمة دي حتجيبي ملخص بحثك و الفكرة اللي حتاكليها.. طبعا ازا فكرتك مرتبطة و لو من بعيييد بالكاتب حتجيبو سيرتو في المقدمة برضو من بعييد كدا ..

تاني شي ,, من الافضل انك تكوني بتكتبي على اسااااس ,, يعني بتتبعي باترن محدد في كتابة المقال مثلا ارغيومنتاتيف او كوميراتيف و هكزا دواليك .. لأنو حيسهل عليكم المهمه مرره كتيييير ..

تالت شي ,, لا تفكرو ابدننن انكم تكرسو صفحة الورك سايتايشن لوااحد مصدر بسس ,, هي قالتها : لا تحطولي مصدر واحد بس ,, يعني كحد ادنى مصدرين و يفضل تالته اربعة ..

رابع شي ,, المصادر مو لازم تكون عن المسرحية بحد ذاتها ,, ممكن جدا انها تكون عن الفكرة - زي ما قلنا جنون هاملت يعني ممكن يكون المصدر مقالة او موضوع او بحث اقتبستي منو يكون عن دا الجنون (يعني مقالة علمية عن الجنون مو عن هاملت).. طبعا يكون بأسلوب الـ MLA (كل البحث بدا الاسلوب)

خامس شي ,, لا تنسو تستخدو قواميس و كتب السينونيمز عشان يكون اختيار الفوكابلاري متحزلق و ليس متزحلق ..

سادس شي ,, بما اننا عرفنا كيف و ليش؟ بدي اتعلم .. عرفنا انها مقالة طبيعية و زايد عليها حبتين احترافية و صفحة مصادر ,, باقي نركز على الافكار و كيف نتناولها في المقال (يعني الباقي عليكم)

نقطة اخييرة مررره حتعجبكم و هي ,, كيف تتأكدي من صحة مقالتك و صحة اسلوبك في السايتايشن عشان نكون نوعا ما ضامنين A أو A+ ؟؟
لقيت مو قع جاامد أوي (امكن تعرفو) بس لسه ما جربتو !! المهم تتدخلو النص بتاع المقال في المكان المخصص و كزاالك نص السايتايشنات ,, و تتبعي الخطوات ,, بسس

الرابط :

http://paperrater.com

على فكرة ما يقبل نصوص قصيرة يعني اقل شي يكون تلاتة باراغرافز اضن ..

اوكي ,, هادا كل شي في بالي دحين .. انتبو على حالكم و لا تفلوها ,, ترا ما اتأجل غير ويك اند واحد بس (ويتش از مرره قود الحمد لله)..

لا تنسوني من دعواتكم و الله يوفقنا كلنا لما يحب و يرضى

سلااام

[دلوعة SaRaB]

ثانكس ثانكس ثانكس حبيبي مرررررررررررره شكراااا ريحتي بالي الله يريح بالك ويسعدك طول العمر

[no one]

.any time hun

.^_^

[lozanov]

يعطيـــك العافيـه نووو ون توضيح جدا راائع
تسلمـ يدك

<< مو لاقيه شي في المسرحيه لفت انتباهي عشان اتكلم عنه !!!
المسرحية سياسية !!!!

بحاووول ابحث عن شي والله يعيـــن ,,,

[no one]

you're welcome, dear.

about the subject of your play, you can always talk about symolism and connect it with real life events

and since it's politician, you won't get lost connecting your play with reality

good luck