طريقة الاخلاء المفجعة !!

[doo22]

الحمد لله على سلامتكم والله انا خايفه اروح جدة بس عشان اختباراتي

[osa_1]

المشاركة الأصلية كتبت بواسطة doo22 الحمد لله على سلامتكم والله انا خايفه اروح جدة بس عشان اختباراتي

الله يسلمك ياعسل

لاتخافي وتوكلي على الله وإن شاء الله مش حيصير غير اللي ربي كاتبو

[&(*_*)&]

بركه قالولكم انو فيه اخلاء
سو اخلاء عندنا في مبنى الادبي والعلمي(حي الفيصليه)<<لتوضيح.
ومبنى المدرجات محد جا يسوي اخلاء بس وحده من البنات جاها مسج وقالت لدكتوره وطلعتنا..
وربي صار كابوس عندي المطر حتجيني حاله نفسيه ياربي حسن الختام.

[HeeeeeeeeeeeeeeeND]

أهم شي الحمدلله على سلامتكم والله يعوضكم في اختباركم إنشاءالله

[osa_1]

المشاركة الأصلية كتبت بواسطة heeeeeeeeeeeeeeend أهم شي الحمدلله على سلامتكم والله يعوضكم في اختباركم إنشاءالله

الله يسلمك ويحفظك من كل شر

يسلمو

[طمـــــ في شموخ ـــــوح]

اللي قاهرني أكثر أن صاحبتي من كلية ثانية تتصل علي وتقولي اخلاء في الجامعة
واحنا في اقتصاد منزلي مااحد قالنا اخلوا وبعدها تقريبا بنصف ساعة يجوا ويقولوا اخلوا
وصاحبتي طبعا وصلت بيتها ماشاء الله عليها
ليش كليتنا أخر ناس يخلوا مافي تطور واتصالات قال عصر السرعة قال

[never hide]

مفجعة و بس الا ارهابية كمان

أنا من يوم ما طلعت من الكلاس الا وبدي نجلس مع صحباتي الا تجي وحده تقولي انتو اش مجلسكم السيل جاااااااي من ينبع و الله طاح قلبي و جري اور على اختي و على البوابة و لما شفت السيكوريتي لابسين عباياتهم قلت و الله من جدهم هاجين

و يا روح ما بعدك روح الكل متوتر حتى الدكتورات و الأمن و في الشوارع معصبين و زحمة

و البنات صارو يندرو في السكك ما يمدي اهاليهم يدخلو لان البوابة مزحومة لآخرها

أنا ماحزنني الا هداك الشايب على عكاز جاي في تاكسي يدور بنته عند بوابة البنات ....

و لا البنات اللي في الباصات و لسه ما جات باصاتهم قاعدين يبكو ... و شارفت ذات الحمل ان تضع حملها ..

مشاهد و أفلام دراما و رعب على الهوا و فوق دا كلو ماشفنا ولا سياره دفاع مدني مع انو اخويا يقول لي في ينبع وقت المطره الدفاع المدني ينتشرو احتياطا ... هو أصلا هو فيه مكان ينتشروا فيه ....

يتهيأ لي أن اللي ما بيموت من السيل بيموت من الفجعة و لا من السرعة و لا من التهور اللي صارت مع زحمة السيارات برا ... زي ما قلتو هي اخلاء مسؤؤليه ... مني قادرة اتخيل لو ان السيل جا وقت الاخلاء لا سمح الله .

لازم يفتحو بوابات اضافيه مو معقول 22 ألف يخلو في نفس الوقت مع بعض و ما يسير زحمه...

أو انهم ما يعملو اخلاء يجمعو البنات في الادوار العلوية و يفصلو الكهرباء عن المباني عشان لا يصير التماسات لا قدر الله ... و ساعتها يخلو براحتهم .. بقوارب .. بهيلكوبتر .. بمنطاد <<<أما منطاد ليه تمشية هي هههه المهم بأي حاجة

على العموم جت سليمة و الحمد لله على سلامتكم ...

الازمات دايما تكشف لنا النقص اللي موجود عندنا في ثقافة الطوارئ.

[osa_1]

المشاركة الأصلية كتبت بواسطة never hide مفجعة و بس الا ارهابية كمان أنا من يوم ما طلعت من الكلاس الا وبدي نجلس مع صحباتي الا تجي وحده تقولي انتو اش مجلسكم السيل جاااااااي من ينبع و الله طاح قلبي و جري اور على اختي و على البوابة و لما شفت السيكوريتي لابسين عباياتهم قلت و الله من جدهم هاجين و يا روح ما بعدك روح الكل متوتر حتى الدكتورات و الأمن و في الشوارع معصبين و زحمة و البنات صارو يندرو في السكك ما يمدي اهاليهم يدخلو لان البوابة مزحومة لآخرها أنا ماحزنني الا هداك الشايب على عكاز جاي في تاكسي يدور بنته عند بوابة البنات .... و لا البنات اللي في الباصات و لسه ما جات باصاتهم قاعدين يبكو ... و شارفت ذات الحمل ان تضع حملها .. مشاهد و أفلام دراما و رعب على الهوا و فوق دا كلو ماشفنا ولا سياره دفاع مدني مع انو اخويا يقول لي في ينبع وقت المطره الدفاع المدني ينتشرو احتياطا ... هو أصلا هو فيه مكان ينتشروا فيه .... يتهيأ لي أن اللي ما بيموت من السيل بيموت من الفجعة و لا من السرعة و لا من التهور اللي صارت مع زحمة السيارات برا ... زي ما قلتو هي اخلاء مسؤؤليه ... مني قادرة اتخيل لو ان السيل جا وقت الاخلاء لا سمح الله . لازم يفتحو بوابات اضافيه مو معقول 22 ألف يخلو في نفس الوقت مع بعض و ما يسير زحمه... أو انهم ما يعملو اخلاء يجمعو البنات في الادوار العلوية و يفصلو الكهرباء عن المباني عشان لا يصير التماسات لا قدر الله ... و ساعتها يخلو براحتهم .. بقوارب .. بهيلكوبتر .. بمنطاد <<<أما منطاد ليه تمشية هي هههه المهم بأي حاجة على العموم جت سليمة و الحمد لله على سلامتكم ... الازمات دايما تكشف لنا النقص اللي موجود عندنا في ثقافة الطوارئ.

يعطيك العافية كفيتي ووفيتي اللي ماقلتو بجد يوم الثلاثاء يوم مش حننساه بكل ماصار فيه من تخويف

وإن شاء الله يفكرو يحنو علينا بنظام ثقافي للطوارئ

[فاضية ومشغولة]

مهما عملت الجامعه لازم تنظروا للسلبيات مع انو مانى شايفه شئ وكنت موجوده وقتها بس تحبوا تضخموا وتكبروا المواضيع يعنى هما ماقصروا عملوا اخلاء اش تبغوهم يعملوا ؟؟

[osa_1]

المشاركة الأصلية كتبت بواسطة فاضية ومشغولة مهما عملت الجامعه لازم تنظروا للسلبيات مع انو مانى شايفه شئ وكنت موجوده وقتها بس تحبوا تضخموا وتكبروا المواضيع يعنى هما ماقصروا عملوا اخلاء اش تبغوهم يعملوا ؟؟

والله ياعسل ماكبرنا الموضوع يعني من كم طالبة شافت الوضع انتي الوحيدة اللي جيتي تقولي عادي

احناء تعطلنا في اختبارنا بسبب طريقة غبية في الاخلاء يمكن انتي كنتي خارج المبنى وما وصلك

زي اللي وصلنا .