ممكن استفسر عن الزي ؟؟

[ديباكين]

السلام عليكم ..
لوا سمحتوا ابغى اسأل بما اني ان شاء الله راح اداوم بالجامعة الاسبوع الجاي حابه اعرف عن الزي هل فيه الوان محدده ولالا وهل الكم القصير مسموح وغيرها من هالشغلات ..

[فاقدة أبوها]

بصراحة فوضى باللبس مافيه نظام ,كل شي مسموح من الوان وبناطيل وبرمودا وميدي وقصير وربع كم -حتى الكت عادي -بس انتي البسي اللي يرضي ربك .....

مدري اللي يلبسون كذا كيف يرتجون النجاح وهم مغضبين رب العباد!!!!!!!!!!!!!!

والله يوفقك باختباراتك يارب ويهدي بنات المسلمين .

[Glam G!RL]

البس تنورة عادي اي لون وتيشرتات عادي اي لون برضوا

اهم شي التنورة ماتكون قصيرة اكتر شي اربع اصابع فوق الكعب :d

وفي بنات يلبسو جينزات وكدا

بس لو شافوكي الامن انسي نفسك يسحبوا بطاقتك وتصيري زي الشغالات بدون اقامات يطفشوكي

[فاقدة أبوها]

المشاركة الأصلية كتبت بواسطة glam g!rl البس تنورة عادي اي لون وتيشرتات عادي اي لون برضوا اهم شي التنورة ماتكون قصيرة اكتر شي اربع اصابع فوق الكعب :d وفي بنات يلبسو جينزات وكدا بس لو شافوكي الامن انسي نفسك يسحبوا بطاقتك وتصيري زي الشغالات بدون اقامات يطفشوكي

هذا للإنتظام أما الإنتساب عااااااادي أي شي حتى لو بالبيجامة مااحد يقولك شي!!!!!!!!
قمة الفوضى والتسيب وقال حرم جامعي!!!!!!!!!

[منال عبد الغني]

مرحبا كيفكم حبيبتي من قال كل شي مسموح اللبس النظامي في الجامعة سواء انتساب او انتظام التنورة جميع الالوان مسموحة بس لازم تكون طويلة وممكن التنورة المدي بالنسبة للبلايز برضو جميع الالوان مسموحة الكم القصير برضو الكت اذا شافوك يسحبو بطاقتك زي ما تفضلت الاخت مو معني ان كم طالبة لبست بنطلون ولا برمودا معناته ان الجامعة سامحة بكل شي وللاهمية فيه بنات انتساب يجو لابسين بناطيل وبرمودات زي ما ذكرت الاخت بس لازم تكوني لابسة العباية بحكم انهم موظفات وربات بيوت يعني ليه احط نفسي في وضع غير لائق وبالنهاية لكل مقام مقال
اتمنى اكون افدتك

[فاقدة أبوها]

ياقلبي يامنولة انا شفتهم بدون عبايات ويتمشون براحتهم والأمن مايقولون شي وبعدين أكثر من نص الجامعة لابسين كذا والله اللي يلبسون تنانير ينعدون عد !
انا اختباراتي تبدأ العصر وماقد رحت الجامعة الصباح يمكن ممنوعة الصبح لكن العصر فررررررري وبقووووووة

[بيو كيميائية ^_^]

هم طقات يوم يجون ويتفلسفوا وعشرة لا

على حسب مزاجهم

[مافهمت الناس]

المشاركة الأصلية كتبت بواسطة فاقدة أبوها ياقلبي يامنولة انا شفتهم بدون عبايات ويتمشون براحتهم والأمن مايقولون شي وبعدين أكثر من نص الجامعة لابسين كذا والله اللي يلبسون تنانير ينعدون عد ! انا اختباراتي تبدأ العصر وماقد رحت الجامعة الصباح يمكن ممنوعة الصبح لكن العصر فررررررري وبقووووووة

صح كلامك وانا برضوا انفجعت أكثر من وحدة أشوفها يا لابسة بنطلون او قصير مره يعني تحت الركبة على طول وعادي بدون عباية ولا احد قالهم شي وبرضوا كانو اول يقولو قفلوا العباية لكن دحين لا عادي سار... طبعا هدا عند الانتساب

وفي أيام الاختبارات اللبسي اي شي .... صح راح يقولون لك في القاعة شيلي العباية لكن عادي ما يقولو شي على اللي لابسته

واذكر وحدة من الاستاذات كانت تحكينا انو في بنت جات بقميص نوم بس خلوها في قاعة لحالها ...... غباء المفروض يفتشوها وخلاص تجلس بالعباية

نفسي اعرف الحكمة من انو نشيل العبايات في القاعة يعني اذا عندنا شي ممكن نخبيه في الجاكت مثلا

وزي ما قالت زهورة على مزاجهم يعني خذي حذرك الالوان عادي

^_^

[pulse heart]

أحســن وابتعادا عن المشاكل

أولآ انتي طالبة علم

ألبسي تنوره طويله وتيشيرت عادي الآلوان اي شي ولا تلبسي كت ولا برمودا

ألبسي بنطلون لكن لآتفسخي العبايا

وبالتوفيييييق يارب

[منال عبد الغني]

اهلين اختي فاقدة ابوها حبيبتي كل شيء بجامعتنا جايز انا الي اشوفهم لابسين بناطيل قليل انا دايم اجي الجامعة احضر دورات محاضرات عموما حبيبتي بجد انا ما افضل البنت تلبس بنطلون بالجامعة الوحدة لا زم تحترم المكان الموجودة فيه بالنسبة ليا مرة فري في لبسي بصفة عامة اما بالنسبة للجامعة احب احترم بالقوانين لانه احترامي للقوانين يعني احترامي لذاتي وبالنهايةلكل مقام مقال تحياتي للجميع