رســالــتــي إلـــى الــســـــارق ؟؟!

[أثيرالصمت]

حســبــي الــلــه ونــعــم الــــوكـــيـــــل

>>وهي الكلمة الوحيدة اللي أقــدر أقولها له والله لا يوفقه في دنياه وآخرته<<
هــذا واحد ســرق ملخصي( الدفترالخاص بي) لمادتي الإحصاء واللغة الإنجليزية بعد مادخلت دورة مايقارب ثلاثة أسابيع كنت أروح الدوام بالصباح حتى الظهر وبعدين أروح للدورة المغرب حتى الساعة 11 بالليل يعني تعبي ثلاث أسابيع ودفعت مايقارب 1800 ريال للمعهد وغيرها راحت هباءً منثورا بعد أسئلة مادة الإحصاء التحطيمية اللي أتوقع إني راح أحمل المادة "" الله ييسرها ويستر "" أنا حاط ايميلي على الدفتر ورقم جوالي ،، ياخي لاتسرق عندك وسائل الاتصال فيني والله العظيم لو أنه أعجبك وأنا عديت لأعطيك الدفتر بماحمل من خواطر وقربعة أيام المذاكرة حتى على فكرة الدفتر مو مرتب كل درس في قسم من الدفتر * الدفترمقسم اربعة اقسام * وبعض المحاضرات ماكتبتها ،،، ،،
أتمنى من مشرفي الموقع تثبيت الموضوع علّ وعسّى يكون من رواده لإني والله العظيم ما راح أسامحه طووول حياته ((سبق وإن صارت لي نفس هالطريقة في ايام الثاني الثانوي ورسبت في المادة )) وظليت أدعي عليه حتى انكشف منهو اللي سرق الدفتر ،، والأخ اللي سرق دفتري يوم إختبار الإحصاء من هذا المنبر أتمنى إني أقدر أتواصل معاه هاليومين وإن ماحصل وعاند ما أقوول إلاالله لا يوفقك في هالاختبار ولايوفقك دنيا وآخرة ترى انتظرت كل هالفترة توقعت منه يتصل يرسلي أقلها رسالة أبي أخذ منه نسخة << والله العظيم خايف من الإحصاء والله يستر لاتكون المادتين بعد،،، المعذرة إخواني الأعضاء ومشرفي الموقع لكن مالي طريقة إلا اكتب والله من الحرة اللي في داخلي ،،، ،،

أتمنى يتم تثبيت الموضوع على الصفحة الرئيسية لطلاب الانتساب

تقبلوا خالص تحياتي وتقديري ،،، ،،

[N0NA]

:)
لو مارجعلك هيا لاتفقد الامل في دورات السنترا مسجلة وشاملة

[بنوته...]

يالطييييييف
يبى ينجح بدفتر مسروق كيف ربي بيوفقو
ياربي تعدي وتتيسر امورك
بس انت ادعي انو ربي ينجحك
ولا تقعد تتشاؤم
قود لاك

[أبي سلف60مليون]

لأني من طلاب خطه ( أ ) أحسني متهم أول

بس أشوا تقول دفعت للمعهد يعني ما كانت إختباراتك معانا بجده

بكذا تكون سقطت التهمه عني ^^

قول آآآآميييييين

إن شاء الله تعدي المادتين ولا تحتاج للملخص هذا

[tariq_101]

إذا نجحت في المادتين سامحه لوجه الله وإذا رسبت لاقدر الله فأنت الحكم.. ما قول إلى الله يعينك .. ناس ما عندهم ذمه
ولا ضمير .. سبحان الله أنا أسمع اللصوص يسرقون فلوس حتى الدفاتر سبحان الله ويبغى الله يوفقه .. كيف تجي ..
أخوي أنشاء الله ما يضيعلك تعب ..واضحك عليك حاقد لكن فكر في اللي جاي إن شاء الله تنجح وتنساه

[Super Linux]

الله يعوضك عليك

اذا انسرق بالمعنى الاصح ماراح يرجع

لو ضاع منك اكيد لو الطالب الي حصله فيه خير يتصل عليك

والله يهدي السارق

[مريووم]

وي وي لسى في ناس تسوي دي الحركات
ما أقول غير الله معك صراحه قهررررررررررر

[حلزوونه]

خلاص كل دقه بتعليمه .. انتبه اشد الانتباه لا ينسرق منك شي .. شوف انا مثلا الشنطه في كتفي طوول الوقت

اجلس بيها واامشي بيها ... والله يوفقك ومايوفق الي سرقلك هو ..

[life rose]

تصدق يا خوي انا صار لي نفس الحركة بالمعهد يعني مو رجال حتى الحريم والله انسرقت اسئلتي حقت الثقافه وانا اختبر تخيل والطامه الكبرى انسرق بوك الشنطه الله لا لا لا يوفقها قولو امين
مشكلت الي يراقبون يطلبون نحط اوراقنا والشنط قدام واحنا نلهى بالاختبار يمكن الي خلصت تاخذا اغراضي وانا ما ادري اطلب منهم يخلون الاغراض تحت كرسي الطالب والطالبه

[كل المشاعر]

يا رجل ترى الدعوى ماهي مستاهلة،هونها وتهون،يمكن ملخصك ما انسرق!
يمكن ضاع بطريقة أو بأخرى..
على كل حال أسأل الله أن يعوضك خيرا ً منه ويوفقك في اختبار الاحصاء والانجليزي وتنجح وبعدها متأكد انك راح تسامحه - هذا اذا إنها أنسرقت فعلا ً - ما ضيعتها هنا أو هناك ..

موفقك أخي الكريم