هاني عرب .. وموقفي معه

[Moshaks]

السلام عليكم

هذا شعر كتبه أحد الأخوان في هاني عرب

سلام ياللي حوّط الطيب تحويط
مع طيب راسه فيه جود وشهامة
هاني ولد عرب كريم ولد الأجاويد
بالعلم ونوره كرم الله مقامه
ماهوب ناش" بين شله وتفحيط
رجال فرض على الصغير والكبير احترامه
يفزع ويسفط من خيار المسافيط
شهم افعوله سابقات كلامه
أوراقه في كل صوب له تخطيط
سارت للحجاز ونجد وتهامة
وورط بفعله سادة الشعر توريط
تقصر قصايدهم ويعلى مقامه
اللي يبسط كايد الأمر تبسيط
و رقى للمجد قمة سنامه
نسأل الله لك الأجر ويبسط لك كل أمر تبسيط
عسى الله يكتب لك في كل خطوة سلامه
وصلوا على اللي ضبط الدين تضبيط
نبينا اللي ماتجيه الملامة
وسلامتكم




وهذا شخص ثاني كتب رد على القصيدة الأولى

سلام من مسلم ضبط القاف تضبيط
ومقدمه للي رفيعن مقامه
أكتب سلامي من الخليج الى المحيط
سلام يبقى الى يوم القيامه
سلام من أحساس صادق مافيه تفريط
وعساك ياهاني تقبل سلامه
ودي أرد من الجمايل ولوشئ بسيط
وياليت ما يخونني التعبير وكلامه
فيك الوفا مزروع ماهو ملقط تلقيط
والمروه فيك وانت ابو الشهامه
لخدمة الطلاب سلطت مجهودك تسليط
وخيرك واصلن لانتسابه وانتظامه
ماغرتك دنياك مع الفلوس المرابيط
الخدمه مجاني وهاذي أصل الكرامه
في الاختبارات مزبط أوضاعنا تزبيط
ملخصات وافيه ونماذج أسئله عامه
بالصحه والعافيه يارب حوطه تحويط
واحفظه من كل مكروه واسعد له أيامه

[dr_m]

الله يجزاك بلخير يا هاني عرب

والله ثم والله انك نعم الرجل انت

الله يحفظك من كل مكروه ويحفظ ولدتك ويخليها لك ويشفيها

[موظف وطالب]

الله يجزاه خير

ويوفق الجميع

[الجامح2000]

جزاه الله الف خير

[أم كشة]

الله يجزاه الخير ويوفقه دنيا وأخره..بصراحة أنا إطلعت على ملخصااته وأعجبتني كثيراً لأنها مرتبة ومنظمة بشكل يفتح النفس عالمذاكرة..بس هاني عرب الحين وينه؟ظتخرجت ولا للحين يدرس بالجامعة؟؟


الله يوفقك بالوظيفة المرموقه ياهاني..

[foras]

الله يجزاه كل خير ويعافيه ويجعل عمله في ميزان اعمالة

[aamer_alenazi]

بارك الله فيه واكثر من امثاله

والله ان له افضالاً علي

[joud]

انا بسمية ايذا سمحلي دكتور الملخصات شـكــ وبارك الله فيك ـــرا لك ... لك مني أجمل تحية .

[خالد جـــده]

والله والله والله إني كنت اذاكر من الكتب بالترم الأول وطاح معدلي لأني ماكنت قادر اجمع من الكتاب المعلومات المهمه لكن الترم الثاني ذاكرت من ملخصات الاخ هاني عرب ورفعت معدلي بشكل ماكنت متوقعه

بصراحة ملخصاته راااااااائعه وفيها كل مفيد

الله يحفظك أخوي هاني ويجزاك كل خير ويوفقك ويسدد خطااااك ويعينك على بر والديك

[sastranger]

اسأل الله الرحمن الرحيم ان يجمعني واياه واخواني المسلمين في مستقر رحمته في جنة الخلد ...امين