Lane 321

[سطام]

اختبرنا اليوم وكان الاختبار ؟؟؟؟؟ ومش ولا بد ولله الحمد
طبعا البركه في دكتور المادة اللي لا ذمه ولا ضمير
مائة سؤال كلها اختيارات شامله جميع المنهج والادهى والامر الوقت تسعين دقيقه
والله لو الاسئله بالعربي يبغالك في كل سؤال دقيقتين على اقل تقدير تفكر وتسترجع
حسبي الله ونعم الوكيل ولا مذاكرة شهرين وانقطاع عن العالم من شافني قال احضر دكتوراه
من المسؤول
اترك لكم الاجابة

[ESC]

الله يعين^^؛
عندنا و عندكم خير :)

انا صراحه أفضل الاختيارات .. احسن من الاسئلة المقاليه
يمديك تعد و تغلط بس ما راح تنقص في درجاتك كثير

[تميمي عسل]

يارجال على الأقل انتوا خيارات .. حنا مختبرين قبل ثلاث ايام رايتنق والمده اقل من ساعه ونصف ..
وكل شوي ناط لك دكتور يقول باقي عشرين دقيقه باقي عشر دقايق ... سببوا لنا ظغط رهيب ادى لنزف بعض الدرجات
في البرقراف والاشياء الثانيه >> تعبان على التعبير << .. ماقول غير حسبي الله ونعم الوكيل ...

[ابوعلي]

انا مثلك محرووووووووووووووووووووووووووووووق دمي بقوووووه
وربي تعبت من كثر المذاكره انحرقت عيوني على ذا الماده الي تجيب المرض
وفي الاخير ساعة كامله يرتب في القاعات وسجل اسمك وشف رقمك وسكر جوالك ومليون شغله حسبالي الاختبار بسيط لانه ضيع كل ذا الوقت في الاخيرررر طلع اختباره يجيب المرض
وربي مقهور قهر مو طبيعي
مية سؤال ماخلى ولا شي ماجابه
ماقدر اكمل احس اني بنفلت لاكن الله يعوض مالنا الا الدعاء

[قيس]

كله كوم والدكتور المصري اللي في قاعة 207 الاسئلة لحالها تمغص البطن وهو زاد الطين بله , مستهتر بالطلاب ولعب في اعصابنا لعب , صراحة وش شايفنا همج والا مانفهم بغض النظر عن الاسئلة كانت صعبة مرة و الدكتور حابس حبس انفاسنا الله يسامحه , لكن اللي يرفع الضغط هالمصري اللي ودك انك تشوته, والقهر المشرفين السعوديين اللي معه شايفين اسلوبه بايخ وساكتين كل واحد منهم يتحلطم في نفسه,,

وحسبي الله ونعم الوكيل على كل حال

[serالكاسرyas]

حسبنا الله ونعم الوكيل

حسبنا الله وكفى

والله انه لعب فينا لعب اقسم بالله

اسأل الله العلي العظيم

ان كان القصد تعقيد الطلبه

ان لا يوفقهم لا في الدنيا ولا في الاخره

[ابوسعد العنزي]

حسبنا الله ونعم الوكيل لو احملها المره الرابعة ايش اسوي هذا اختبار قياس او وظيفة مو منهج ابغ اي دكتور يجاوبني هل الاسئلة وضعت بطريقة عادلة ام لا 100 سؤال 90 دقيقة يعني كل سؤال 50 ثانية هل يغقل هذا الكلام واللة اني مذاكر بس الاسئلة جات من بين السطور

[مـحـمـد]

ياشباب ان شاء الله تعدون

[فواز الجابري]

والله لما شفت الطلاب متكدسين أمام القاعات .........والمصري يلصق بالأوراق ......كانت اول علامات التشاؤم ....لكن ما يوصل الإحباط أكثر من الأسئلة اللي وضعت .....كنت اشوف درجاتي تسقط مثل المطر لكن حسبي الله ونعم الوكيل ...........100 سؤال في 90 دقيقة لا العقل والمنطق يقبــــــــــــل ولكن الطالب يقبل ويكون في تمام الرضى ......شكرا للدكتور حابس على الجور الكبير في يوم lane321 لكن .......لا نشتكي لأحد ولا ننتظر أحد يطبب علينا ولكن .........(ما يصيبنا إلا ماكتب الله لنا ........................والعزاء الأكبر لمن إجتهد ..................(إن الله لا يضيع آجر من أحسن عملا ) صدق الله العظيم

[فواز الجابري]

ما أظن إنا فاهمين غلط أنا إختبرت في القاعة 206 كان الوقت الفعلي المحسوب من توزيع شخميط حابس من 1:44 إلى 3:14 هذا ما كتبه المصري على الصبورة