استشارة في مواد نظم المستوى السادس

[lol18ita]

السلام عليكم
بلييييييييييييييييييييييييييييييز ساعدوني ماني عارفه ايش اسوي
المرشده نزلتلي جدول بهده المواد
مبادئ نظم التشغيل cpis 222
نظم ادارة قواعد البيانات cpis 240
مقدمة ادارة مشاريع البرمجه cpis 334
هندسة البرمجياتcpis 250
مبادئ شبكات البيانات cpis 370
السلوك التنظيمي bus 233

انا افكر احذف الشبكات عشان اضيف بدالها ماده حرة سهله
فبليز اللي تعرف اي شي عن هده المواد كيف صعوبتها
و مين احسن وحده تدرس و هل واجباتها كثيره
يعني اللي عنده اي معلومه مفيده رجاء لا يبخل
شكرا

[queen k.s.a]

ياليت والله واللي عنده اسئله اختبارات للمواد او فاكر اسئله المواد ياليت ينزلها لنا
ولاتبخلوا علينا بشئ

[queen k.s.a]

ليه محد رد وين راحو
Is ردو علينا

[فيفوووو]

السلام عليكم
بخصوص bus233 سمعت انها د/غادة تعطيها بس مادري حتعطيها هذا الترم ولا لا
معليش حابه اسال عن cpis210 &cpcs204 &bus232 وابغى مادة حروتكون سهلة معليش حتكل عليكم

[lol18ita]

بالنسبة لbus232 اخدناها مع دكتور اسمو طارق خزندار
الماده سهله و ما يبغالها مجهود كبير بس حفظ
اما cpcs 204 صراحه المنهج مو مره صعب بس طويل لكن المعمل انا مرررررررة كنت اتصاعب منو
و cpis210 انا شفتها ماده مررررره دسمه يعني لازم تركزي فيها مزبوط مع الاستاذه و تحفظيها
و بالنسبه للمواد الحرة انا لسه م خدت ولا ماده حرة بس سمعت انو الفلك اللي ياخدها مع الدكتور مصري يجيب فيها درجه حلوة
و ان شاء الله اكون افدتك و بالتوفيق ان شاء الله

[MeEnSAt]

السلام عليكم ورحمة الله وبركاته

معليش جيت متأخر ,, ان شاء الله أفيدكم ,,

مبادئ نظم التشغيل cpis 222
نظم ادارة قواعد البيانات cpis 240
مقدمة ادارة مشاريع البرمجه cpis 334
هندسة البرمجياتcpis 250
مبادئ شبكات البيانات cpis 370
السلوك التنظيمي bus 233

أول شي ,, هدي المواد مع بعض مررررة ضغط الترم صراحة ,,
احنا اخدناها كدا ونفسيتنا كانت متأزمة داكا الترم ,

مقدمة مشاريع و سلوك تنظيمي خفيفين المادتين دوول ,,

مقدمة مشاريع ,, لها بروجكت في اللاب بس مرررة ما يبغاله , خفيف والبرنامج سهل اللي بنشتغل عليه

الداتابيس مشروعها مرة كبير ,, مع أنو المادة في حد ذاتها مرة حلوة ,, خدوها مع د.منال و اللاب مع أ.أمل بابور

هندسة البرمجيات , المادة مررررة حفظ ودش وكتابها أكبر منها ومشروع اللاب مرررررة يبغاله شغل

الشبكات , لابها مال أمه داعي في الحياة , صراحة احنا لما أخدناه ما استفدنا منو داكا الشي , بس قالو حيتغير ع الترم اللي بعدنا والله أعلم ,,

لكن نفس المادة كتير وحفظ ,, مع أنو فيها جزء فهم , بس فيها حفظ كتير

مبادئ نظم التشغيل ,, حفظ جدا جدا ,, ولابها مررررة يعصب ,,

تشتغلو على نظام تشغيل غير الويندوز , تتعلمو أوامره كأنو على CLI

بس كانت اختبارات اللاب مأساة صراحة ,,

إزا تقدرو , خدوها مع أ. هند المصباحي ( اللاب )

cpis210 ,, حفظ !!!

cpcs204 ,, جميلة دي المادة ,, هيا ممكن تشبهوها ببرمجة 3 ,, عبارة عن طريقة عامة في البرمجة , وتطبقوها على جافا في اللاب ,

أنا حبيتها لأنها فهم مرررة ,, شوية الاختبارات يلعبو فيها بس حلوة

اللاب مررررة شغلوو كتير ,, خدوه مع أ.أمل المنصور ,, صح تعطي واجبات كتير , بس تطلعي فاهما تمام

bus232 ,, مع د.طارق خزندار , ماشي حالها المادة

منهجها مو طويل ,, لكن المشكلة المشروع اللي طلبو مننا نهاية الترم

بشكل عام خفيفة المادة والاختبارات اختياري كانت

بالتوفيق للجميع يارب

ان شاء الله اكون افدتكم =)

[lol18ita]

MeEnSAt جزاك الله اللللللللللللللللللللللللللللللللف خير
انا قررت ححذف الشبكات عشان ما ابا اضغط نفسي و حاخدها الترم السابع ان شاء الله

[فيفوووو]

شكرا والله يعطيكم العافية

[@فراشة الربيع@]

MeEnSAt
إحنا ماتأسسنا في الجافا أكثر من نص الكورس إتحذف لأنو الإستاذة جات متأخر
وغير كدة مو داك الشء في الجافا لأنها ماكانت تشرح كويس حتى أسئلتها في الإمتحااان سطحية يعني حفظ نظري وتحلي
نقدر نمشي في تراكيب البايانات ولا ؟
لأنكم بتقولو تقريبا جافا

[MeEnSAt]

العفو لاشكر على واجب

فراشة ,,

هيا التراكيب في حد ذاتها ,, زي ما تقولي بنية تحتية لأي لغة برمجة ,

بس بنطبق اللي بناخده فيها بالجافا ,,

ونقدر نستخدم فيه أي لغة برمجة ,, بس هما اختارولنا الجافا لأنهم على قولهم أسهل شي ,,

وهيا فعلا مرة بروجرامر فريلندلي =)

لكن انا أحس , إزا كنتي مو مرة تمام في الجافا يمكن تتعبي شويا في اللاب

لأنو الاستاذة حتكون بتتكلم على أساس انك عارفا كل شي والمفروض تطبقي الجديد , ماراح تشرح لك الأساسيات تاني ,,

انتي حاولي تشتغلي كتير , وتقري وتسألي الاستاذة ,,

لكن بجد المادة مرة حلوة ,, انا عن نفسي مرة حبيتها ^^

وان شاء الله تمشي الحال , وتحبي المادة وتجيبي a+ يارب