منع لبس العبايات فالجامعه .

[Seba AL-sharief]

معهم 100% صرنا كاننا في عزاء البنات حتى داخل القاعة بالعباية
العباية داخل الجامعة مالها اي داعي والملابس وغيرها ليش انا جاية جامعة والله عرض ازياء
البسي لبس معقول مو شرط شياكة 100% احنا ماجورين على العلم مو على اللبس

[■o■o■]

شكلهم من الفضاوة الزايدة ما لقيوا إلا ذا القرار التعبان (( مثلهم )) ..
الله المستعان بس ..

على قول المثل:
عيشوا كثيييييييير .. تشوفوا كثييييييييييير ..

[نقاء]

صباح الخير

اول شي / حلو نعبر عن رأينا سواء بالقبول او الرفض بس باسلوب لائق

بلاش السب واللعن .. على الأقل لاننا وصلنا مرحله جامعيه /:

::

بالنسبه للقرار اانا اعارض بس لو صار قرار رسمي ساعتها مايفيد نقاشنا /:

وفعلاً لو الجامعه كمان تنظر لنواحي أخرى يكون افضل

نواحي تحتاج للمتابعه والنظر والرقابهـ

وانتوا عارفين ايش اقصد الله يهدينا ويثبتنا على الطريق السوي

/

عموما حصل خير وهدوا تروا الراحه النفسيه فوق كل شي : )

[ريامي]

ايش دا التخلف

لا ولان اخلع العبايه<<هع<<بس في الكلاسات اخلعها عشان ماتتوسخ بالطين والالوان ههههههههههههههههههههه

[جنات حياتك]

بسم الله الرحمن الرحيم
المفترض انو مايمنعو الطالبات من لبس العبايات لانو احيانا الوحدة بتكون عندهاا ظروف تمنعهاا من فسخهاا
يعني ينظروا من الناحية الاهم , في ناس غير مقتدرين ع شراء الملبس اووك انتو مسؤولين ع العين والرأس
لكن برضوو نحنا طالبات ولنا قراراتنا يعني المفترض قبل نزول القرار
يعملوو تصويت او اي شي والله والله انو مو كل الناس زي بعض الحمد لله ادا يعني في بنات في الجامعة اقتدرو ع
ع الشراء ملابسهم غيرهم ما يقدر , ما اقول الا الله يكون في عوناا

[خآطري مستهآمك]

معليش يابنات هدوا شوي
أنا مثلكم مستغربه هالقرار ومعارضه , بس أتوقع أغلب جامعات المملكة
مايلبسون عبايات حتى ب كليات جدة ..



سؤالي: ليش كل همكم ب شلون يكون لبسي ؟
لازم انزل السوق كل اسبوع ؟
لازم كل يوم تنورة لازم كل يوم تيشيرت



حبيباتي لايهمكم وش يقولون عليك صحباتك شوفوا لبسها مو حلو يضحك ... إلخ
حنا جايين نتعلم وندرس مو رايحين دور العروض والازياء هذي مخلينها لأهلها ووقتها



أنتم بكذا أثبتوا إنكم منتوا جايين تدرسون , صدق والله
شايلين هم الكشخة والبنات وش يقولون علي

وما أتوقع إن شاءالله أي وحدة فيها نقص وحآبه تعوضه باللبس
صح انه حلو الوحدة تلبس
بس يكون شي مرتب ولايق ع وحدة رايحه تدرس
مو شرط تكونين أوفر وزحمة وكل يوم شكل عشآن البنات يقولون وآآآو


حبيبتي لايهمك البنات ولا غيرهم , إنتِ مقتنعه باللي لابسته ؟؟
أرضيتي ربك فيه ؟ ساتر وبسيط ومرتب ؟

خلاااااااااص إذن لايهمك كلام البنات والناس كلهم
الرسول عليه الصلاة والسلام يقول : ( من أرضى الله بسخط الناس كفاه الله ، ومن أسخط الله برضى الناس وكله الله إلى الناس )



دام مايهمك الشؤون وكلامهم وقرارهم , خلي البنات بعد مو أكبر همك
وطنشي انتقاداتهم دامك مرضيه ربك وساتره نفسك



أدري في بنات ع قد حآلهم والله يفتحها عليهم وعلينا

بس ماأتوقع إنها بتجي بشي مقطع ومشقق .. صح ؟

وعادي نكرر اللبس مو بنفس الاسبوع , لا الاسبوع اللي بعده مثلاً

يعني بالله دكتوراتنا واستاذاتنا ماقد كرروا لبسهم وهم رواتبهم فوق &^%*#

العبرة بالشي اللي حنا رايحين للجامعة عشآنه , مااتوقع البنات بيراقبونك كل يوم

ويشوفون وش لبستي وش كشختي فيه ..

وصدقوني اللبس مايكمل حلاه إلا ب روح حلوة وابتسامه حتى لو لابسه شي بسيط



وبعدين إذا مشوا القرار كذا يعني بدون شروط ثانيه
زي مثلاً إنهم يوحدون اللبس , فهو أفضل لنا والله ونحمد ربنا

غيرنا والله موحد , يعني حنا عند مجال نلبس أي لون
بس أهم شي يناسب الدوام الصباحي





وعلى فكرة عشآن لأحد يزعل يابنات والله أنا من مؤيدات الحرية بس بما يرضي ربي
مافيها شي العبايات ومدري مين اللي أصدر هالقرار
بس فكرتي لايكون كل همكم وش ألبس ..



واذا ع البنات اللي يلبسون تحتها لبس مخالف عشان حركات النص كم
هذي الفئة اذا مافي وازع ديني يردعها وخوف من ربها من داخل قلبها
صدقوني هي الخسرانة , يعني تخبي عن الشؤون وخايفه تنكشف
وربي كاشف أمرها ؟ وشايف وش قاعده تسوي بكل نعمه اعطاها لها ربي ..



والبويات والله أحزن عليهم وبنفس الوقت جسمي يقشعر منهم
حنا مانعرف وش ظروفهم اللي خلتهم يصيرون زي كذا
من نفسهم أو من أهاليهم ولا تقليد ولا اضطراب بشخصياتهم ولا ولا ولا ....
بس هو شي وآحد لو فكروا فيه لثواني بس
( إنهم يهزون عرش الرحمن سبحآنه )
إنتم متخيلين ؟ لاحول ولاقوة إلا بالله
والله يعجز لساني وماعاد ينفع الكلام





نبي قوة ادارية تضبطهم حنا مسلمين في بلد مسلم لازم نأمر بالمعروف وننهي عن المنكر

نحب الرسول ؟!!
وين حبنا له وحنا ساكتين عن أشياء هو مايرضاها صلاتي وسلامي عليه ..
لأن أصلا دعوته وسبب وجود رسالته هي الأمر بالمعروف والنهي عن المنكر


أدري طلعت عن الموضوع بس لو الشؤون والإدارات العليا تفكر ب أمرهم
وتصدر لوائح وعقوبات بخصوصهم يكون أفضل من قرار منع العبايات
لأن حتى لو فسختوا عباياتهم , هالشي باق ف فكرهم وأفعالهم ..



اتمنى تتقبلون كلامي وخذوا منه وخلوا


وبالأخير أسأل الله يصلح أحوالنا ويثبتنا , و أن يرينا الحق حقا و يرزقنا أتباعه و يرينا الباطل باطلا و يرزقنا اجتنابه ….وأن يهدينا إلى سواء السبيل … و صلى الله وسلم على نبينا محمد ..

[my silent story]

المشاركة الأصلية كتبت بواسطة خآطري مستهآمك معليش يابنات هدوا شوي أنا مثلكم مستغربه هالقرار ومعارضه , بس أتوقع أغلب جامعات المملكة مايلبسون عبايات حتى ب كليات جدة .. . . . . وبالأخير أسأل الله يصلح أحوالنا ويثبتنا , و أن يرينا الحق حقا و يرزقنا أتباعه و يرينا الباطل باطلا و يرزقنا اجتنابه ….وأن يهدينا إلى سواء السبيل … و صلى الله وسلم على نبينا محمد ..

ربي يسعدك كلااامك درر وأوافقك ع كل كلمه قلتيها

[بنت الخليج..]

يا حلوهم>> قال توجيه تربوي قال http://www.skaau.com/vb/showthread.p...wpost&t=163082

[هــــايدي]

حرام عليكم انا بنوتة بس بالغلط حطيت ذكر
والحين عدلته
وبعديين وش فيه القرار احسة قرار حلو
خلينا نثبت للجامعات المختلطة انه احنا لنا حريتنا ومرتاحيين
والله جد احس الجامعة كآبة لما اشوف البنات لابسين عباية

[Mo0oNE]

بناات خلاص يكفي

حرام عليكم

اشغلتو نفسكم واعضاءالمنتدى وياكم

بصراحه انتو اعطيتو الموضوع اكبر من حقه

يعني قرار ونزل وتعمم خلاص

الحوسه ذي كلها مابتقدم ولاتأخر شي

هدو نفسكم وصلو ع النبي واشربو مويه بارده وريحو اعصابكم ماااااااااله دااااااااااااااااعي

الله يهديكم بس